وش السواه يالربع؟؟
 

السلام عليكم

يقولون ماخاب من استشار

يالربع

علومي سلامتكم

وش رايكم فالناقه اللي اضربها البعير مره وحده وعقبه ماعاد جاها ولا عاد طلبها

كل ماجا السرى ودخلناها عليه ماطلبها ولاحتى تفكر فيها مع العلم انها ميسر وتبرك تحته

والناقه طيبه جدا والبعير اللي هي عنده غالي وعليه سرى

ولا ادري وش بلا البعير منها

تهقون انه هايب منها من الضراب الاول؟؟؟


تعرفون ماعاد باقي الا كم من يوم وتفدر الركاب

واللي عنده علم عن ذا الحاله يفيدنا بها الله لايهينه

وعفاااكم

ان كان حولك بعير اخر شملها ونوخها له والبعير يشوفها وبعدين ادخلها عليه ويمكن يضربها

مرحبا يابو حمد

الناقه ما دام انها عند بعير عليه سرا وزحمه فلا اظن ان البلا منها البلا من البعير ومن كثر البل والاظاريب اللي تجيه وهذا سنع اكثر الركاب اللي عليها سرا اللي البعير يظرب له وحده يفرح
لان بعض الناس يجلس ويروح ما اظرب له شي وابله كلها مياسيير

دور لك بعير طيب غيره واظرب ناقتك عقب ماتعطيه فرصه مره اخرى واذا طاف سراك الجاي ولا اظربها دور غيره والركاب الطيبه واجد

مرحبا ياسفر

مابعد كلام ابوعلي تعقيب

فعلا بعارين الهداد دايم تعيف

وتغانم الوقت بغيره

والله يرزقك الانتاج الطيب

مع راشد ومسعود

مرحبا ياسفر...

انا اظن انك والربع كلهم اخبر واعرف مني,,,,


لكن عنديلك حل وانت بصرك...


غير من شكل الناقه انكان ماعليها احبال لبسها احبال ...او لبسها جلال ودخلها على البعير على شان يتغير شكلها على البعير..لان البعير قده عارفها....؟؟؟

وسلامتك

مع الاخ سعد كذلك.

حمد اليامي
راشد العرق
مسعود العماري
علي ال مرعي
سعد الهاجري
بيض الله وجيهكم بياض الشاش
كفيتوا ووفيتوا
وكل التعليمات اللي قلتوها بإذن الله ان اطبقها
لعل الله يمنحنا منه

السلام عليكم

البعير يعاف الناقة

اذا فيها من ماء البعارين برحمها بكثره


سو غسيل للرحم وعطها ابرة استروميت لتنشيط المبايض ودخلها على البعير

والله يرزقك منها

مرحبا بالجميع، إحتمال يكون ظهرها كبير لن بعض الركاب ما تضرب الناقه اللي سنامها كبير ذال منها لاتوجعه وقارن بينها وحلال الناس اللي يضربون عندة، وإحتمال تكون ريحها مهوب زين لامن كرفها البعير عافها وهاذي دواها سهل رشها بوزر خلفه ولاطيبها قبل ماتدخلها على البعير

أرحب يا سفر

لبسها حبال حدا الخلفات وبإذن الله بيضربها

بالتوفيق للجميع