|
استفسار يا اخوان استفسار شريت ناقة توها معشر والناقة ذلول بالاساس المهم السؤال للجميع اصحاب الخبرة الناقة ضعيفة وسنامها وسط لكن بطنها مليانة (راعية جنوب) هل هناك علف معين يطلع سنام الناقة .... المطلوب هنا عن افضل علف يطلع سنامها فوق.... شاكر للجميع |
الشعير او الذرة مع البرسيم |
المكعب من الفم الى السنام ومجرب عند أكثر الناس |
مرحبا يابو مطير ، لا تعلفها الا شعير وكثرة لها حتى لو مامعه شي من الحشايش وشف الفرق بعد فترة وبتذكر كلامي(على فكرة ترى الشعير مايسبب غثه مهما كثرته) ولا تعلفها بغيرة لن الاعلاف الاخرى إذا كثرته لها بتغتث الناقه ولاهيب معينه خير منه وتأكد ان الناقه مافيها دوود قبل كل شي.تحياتي |
الاخوان مبارك المري وصدام اليامي والاخ عايض بن خجيم لا هنتوا وجزاكم الله خير |
اتفق مع الاخ ابن خجيم الشعير خله ناقع عندها وبتشوف اللي يسرك |
علفها مكعب مع برسيم |
الشعير وعطها مسارق شوى شوي لين تعود عليه لان شحم الشعير يبقي لو قطعته بعدين لكن شحم المكعب يروح من يوم تقطعه عنه والبرسيم الخضر عليك فيه والله يوفق الجميع. |
| الساعة الآن 14 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |