هل اظربها ابره يسره
 

حياكم الله

عندي استفسار للي عندة علم


عندي بكرة اول اضراب لها السنة هذي وكل ما نظرت البعير انحاشت وكل مشافها البعير راح يطاردها

من بداية الشتاء هذا المهم اني بركتها غصب وكل ما شمل البعير قمزت منه طبعن معقل وكل التربيط واتعبتني وتعبت البعير ولا ادري وش اسوي هل اظربها ابره يسره
ولا اجيب دكتور ولا وش الحل

اعتقد ان ابرة اليسره افضل

لاهنت على ردك

ويعطيك العافيه

عطها ابرة الايستراديول

أخوي الناقه ماتلقح الى وهي ميسر واذا غصبتها على البعير ماتلقح ونادر الي تلقح وهي مغصوبه وهذا الكلام من واقع تجربه
والافضل تعطيها ابرة اليسره وتصبر عليها بعدالابره ثلاث ايام وادخلها على البعير
والبعير حط خيته في الشبك مع الابل هذا يساعد ان الابل تيسر

وهل لإبرة اليسرة أضرار جانبية على البل؟