|
نبي اعلوم العواسيس السلام عليكم ورحمة الله وبركاتة وشلونكم يالربع عساكم طيبين يالربع نبي هذا الموضوع لاهل العساسه واهل الابل بالذات اما ان عن نفسي عسيت الاسبوع اللي فات وبره ودهام وريش الحمار والحمار والله يجيب الخير لحد الان مافيه شيء يذكر |
بارك الله فيك يارجا والله يرزقنا بالخير ان شاء الله تعالى عس بعد المربعانية بأسبوع والمربعانية اخر يوم لها الاربعاء القادم حسب التقويم والمربعانية تجمد على العشب ولايمشي فيها العرق فوق الارض لا عشب ولا شجر العروق تمشي تحت الارض وسبحان الله ساعة خروجها تفز الاعشاب والاشجار وحنا نعرف خروجها بتغير الارض او بتغير الاشجار والنخيل اذا كنا بالمزرعة والحمد لله الارض موسومة وسم طيب والعشب على وجهها تاكلة الحيران وفي بعض المناطق الحيران تشبع والارض جاها رجع الاسبوع الماضي اطيبة يذكرونه على الرفيعة وان شاء الله في رجاء خير ان شاء الله الصمان يربع ومنه وشمال |
اما انا جيت القرعة والدبدبة وحربات والبجسة ونقير والنقيرة النقاير وحربات فيها شبعة نعجة ولاكن لايوجد خلط فقط ربلة اما القرعة والدبدبة جيت المالحة ومشيت ممشاي شمال للقبلة الى ان جيت رميثان ورمثان والخد طيب جدا وعشبة من كل نوع وطلعت من رميثان الى قلمة خالد ممشاى تقريبا جنوب للشرق والخد طيب الى قبل لا تقبل على قلمة خالد وزبور بوش مافى شي الا مضارب رقروق بسيط ومن قلمة خالد الى ان تجيك دروب الكبريت البينة وانت رايح للابرق الخد زين ومتوجه وعرق والطيار والعضامي كلها متوجة انشاءالله عشر ايام وشد للربيع من الاماكن اللى قلتها انا |
ماقصرت يالحربي والله لايهينك ياعبدالله وزانت اعلومك |
وعلومك طال عمرك |
بيض وجيهكم جميع |
مافى علوم جديدة عقب امطار البارح |
شبعة الناقه في مشله (أم الهوشات) وانا ماجيتها عندهم حاوار العشب الخزاما والصفار وحذفو احياضهم حسب ماوصل لي والكلام قبل عشر ايام اما القيعان الشماليه لحد الان عشبها قاصر وعمدة القاع الربله والحشوان ماعليها واهلها يطعمون ماقطعو الطعام والله يجيب الخير |
الله يجيب الخــــــــــــــير |
والله يجيب الخير |
الله يجيب الخير |
| الساعة الآن 48 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |