|
غرف السحب حياكم الله عندي استفسار عن غرف السحب الي مع الابل كم تسوى اسعارها مثل الي يسوون في شويه والرفيعه وش احسن شي الي له خلفيه يفيدني |
وانا بعد ابحث عن غرف او كبره وين الرخيص والزين في الشرقيه لا هنتو |
اقتباس:
اقتباس:
الله ينولكم مطلوبكم ويبارك لكم فيها . ولكم تقديري .. أبوعبدالرحمن |
مرحباً تراحييييييييييييييييب المطر يافالح بن فلاح الأسعار تختلف مثل ماقال المثل ( كل شارب له مقص) الغرف الكبيرة من ماية الف وفوق والغرف الصغيرة والمتوسطة حوالي الخمسين الف تزيد وتنقص حسب المواصفات لكن المشكلة في شاص الغرفة إذا هو مضبوط والا الله يعينك على الترميم من فترة إلى فترة وشغل الورشة خصوصاً التلحيم . ملاحظة : يوجد عندي شاص مقطورة الماني يصلح تفصل عليه غرفة ويغنيك عن مشاكل الشيصان المرهمة وإذا لك نظر فيه راسلني على الخاص وتقبل خالص تحياتي،،،، |
الله يرزق الجميع |
مرحبا بالأخوان.. فالح فلاح محمد القاسم ..مثل ماقال اخونا فهد تختلف الاسعار حسب الطلب وجودة السلعه,لكن الاسبوع هذا انامريت عريعره ولقيت فيها تفصيل حسب الطلب ..واعجبتني مقطوره طولها 12.5متر وعرضها 3.5 متر فيها مجلس وغرفه ومطبخ ودورة مياه (الله يكرمكم) وسألت عن قيمتها قالوا ب(28000)ثمانيه وعشرين الف ريال. اتمنى ان تفيدكم هذي المعلومه.... وفقنا الله واياكم. |
اقتباس:
ويالربع نحتاج مساعدتكم افيدونا شكرا |
الله ينولكم مطلوبكم ويبارك لكم فيها . |
اقتباس:
تدخل مفرق عريعره من طريق الرياض الى نهايةالطريق يجيك(T)رح باتجاه الشمال وبعدها المكان مايضيع ..على الطريق العام اللي يودي لسوق الغنم بتشوف محلات بيع الشبوك والغرف وبيوت الشعر ..والله يبلغك مطلوبك. |
الي راح يعطينى علم جزاكم الله خير |
انا جايكم من شويه ابي افصل غرفه سحب ولقيت الاسعار تختلف فيه مجلس وغرفه ومطبخ تحظيري ومروش طول 16م قيمتها حدود 75000خمسه وسبعين الف وكل مازدت في الامتار زاد السعر ولقيت غرف سحب ب 150000مايه وخمسين الف ريال وصراحه الشغل طيب وهذا رقم باكستاني يفصل وشغله طيب 0559483979 ان شاالله اني افدتكم باللي تبغون |
طيب وش الفرق بين شغل اهل شويه وهل عريعرة |
هناك فرق كبير يعرفه اللي يعرف غرف السحب شويه ازين شكل من الخارج ومن الداخل بالاضافه الى وجود دكه على الغرفه وميزات اخرى اذا شفت النوعين عرفتها |
زاهر ان لقيت واحد مظبوط علمني الله لايهينك |
يافالح انا ما جربت بس جلست مع نشاما شرواك وغرفهم معهم وينصحون بشغل شويه يقولون ازين وارخص والسعر حسب التفصيل واهم شي التلحيم والشاصات وللمعلوميه الغرفه تتراوح قيمتها من 45000 حتى نصف مليون وبعضها بمليون وأنا اخوك ماهيب سوا ولكن يبي لك تزرق لشويه وترابط يومين لين تعرف الصاحي والمجنون هذا اللى اعرفه وياليت كانك رحت أنك تنزل لنا موضوع مستقل بالصور عن التفصيل والقيمه لونى انا شخصيا انصحك تتمهل هالايام الظاهر موسم غلا هى لها اوقات تولع اسعارها واواقات تهيد هذا ما لدي ولك الشكر |
| الساعة الآن 09 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |