|
متى يلقح القعود؟؟؟؟؟؟؟؟؟؟ السلام عليكم ورحمة الله وبركاته اخواني الاعزاء/// لدي استفسار بسيط من لديه الخبره ( انا لدي قعود لقي الشتاء ذا فاكه مع البل من مدة . كان يطرح البل ولاكن لايفسر (لايطلع ذكره)اعزكم الله لاكم من اسبوع قام يفسر ويستشمل ويضف لاكن السؤؤؤال المهم؟ ماهي الفتره التي يأخذها القعود من بداية فسر ذكره الا ان يلقح؟ يعني كم يبي له ويلقح؟ وهل من الافضل اتركه مع البل والا اتركه لين يحين وقت هداده ؟؟؟ وشكرا لكم |
الله يهداك القعود بعضها يلقح وهو لقي لكن نادر ولكن من الافضل ماتهده مع البل الى ان يكمل جذع واذا كان يضرب يوقف طوله معاد يطول ويكبر تحياتي |
اخوي خله مع الابل وبذن الله بيلقح الابل كلها الجذع يلقح واسال مجرب وانا اخوك |
عندي قعود لقي لكنه صيفي ألقح بفضل الله --------------------- رايي : فك القعود مع البل ان كنت تشبعها او فكه على فترات مع الاهتمام بتعليفه ان كان مايشبع مع البل اقتباس:
تقبل تحياتي |
صحيح بعض القعدان يلقح لقي ولكنه نادر اذا قعودك سمين خله مع اماته ومايضره الضراب |
مساعد العتيبي راشد المطيوعي حاتم العماري عناد المري الله يبيض وجيهكم عزالله ماقصرتوا كفيتوا ووفيتوا يالنشاما وبأنتظار بقية الاعضاء |
انا حسب تجربتي انه يربح البل جذع واللقي ما يعشر |
اقتباس:
ومروركم شرف |
ما قصروا الاخوان وجزاهم الله خير من ناحيتي اقول ان القعود من تطلع هدارته صغيره تقريبا كبر الفنجال يبدأعنده اللقاه من بين ثلاث نياق وحده تلقح |
| الساعة الآن 14 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |