كيف التعامل مع البعير الأكله
 

السلام عليكم ورحمة الله وبركاته


الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين



هناك موضوع نود ان نأخذ رأي الخوان وكيفيت التعامل في هذي الأمور


ان كان لديك فحل اكله ومنتج فكيف التعامل معه ( يعض المفاريد ويعض الأبل يحاول الغدر بالراعي والرعيان )


نبي طرق جديده غير ( الهجار . والبلام . والضرب حتي يرغي . او تقطيع النيبان )

من لديه طرق يذكرها لنا

او يذكر الطرق اللتي ذكرت حسب تجربته الشخصيه الناجحه


اتمني للجميع لتوفيق

الشبك يمكن يكون مناسب وماتدخل عليه الا البل اللي بتضربها ولا يطلع من الشبك.

الشبك يحتاج تنضيف

والبعير يحتاج علف

ويحتاج احد يفك قيده

واعتقد ان فكرة الشبك لا تصلح

كان عندنا بعير مصيبه اقشر مررره

مسوين له رباط اذا جاء يبي يضرب نطول له في الرباط ونعقل له الناقه ويضرب ..

لكن الرباط مايفارق يده ولو لحظه ..

واكله وشربه عنده و اذا نبي نشد ولا نغير المراح نهجره ونفكه في البل ..

لكن البعير الهدي لو ربطته وطول يزعل ويعود وكله لو انه هدي ..

ومشكووووور اخووي ابن شريه ع الموضووع المفيد ..

قص انيابه وعليك بالمقذعه لنه خطر على العمال والصغار احذر منه والله يعينك

السلآمـ عليكمـ جميــعاً..

اخواني البعير الاكله مــآله دواء , , , بس فيه شي واحد يمكن انه يحسن طبع البعير ...

تربطه وتخليه في شبك جنب شبك الإبل وتخلي علفه وشربه عنده وحاول ماتزعله او تضربه وان شاء الله مع الايــآم راح يتحسن طبعه..


تحيـــآتي..

اشكركم على المشاركات

ولاكن كل الطرق اللتي ذكرتوها

سبق وتطرقنا لها فهل هناك شي جديد

الحل الوحيد طول الله عمرك على طاعته

هو البلام

الحل يامحمد

هو عصى الكهرب

وهذي عصى طويله حوالي مترين ولها راسين اذا شغلتها يسمع صوتها اللي منك 5 امتار وتستخدم في الشركات لاشعال الشعله في الافران وهي صناعه امريكيه خاصه للخيول والابقار

بيض الله وجهك اخووي راشد العرق

عزالله جبتها هي الطريقه الي تصلح مع الجمال الاكله ,, لكن وين القى هالعصا وين تباع ..

وهل لها اضرار جانبيه ؟؟

ودمت في حفظ الرحمن ....

مع الاخ سالم

واشكرك على الموضوع المفيد

اخوك

بيض الله وجهكم

ننتضر رأي باقي الأخوان

للاخ سامر

العصا الكهربائيه موجوده بالكويت وبكثره ولا تترك اثر ولا اعراض جانبيه
ولكن تلسعك وتشفطك كهرباء
وهي تشحن شحن عادي شحن بيت
واللي تلسعه خلاص يخاف منها على طول بس
اعتقد تستعمل اخر حل للجمل وهي تستعمل للدفاع عن النفس

http://www.sahmy.com/showthread.php?t=133074

هذا عنده بالسعوديه واذا اخذت اخذ الطويل ابو 70 سانتي

بيض الله وجهك اخووي نواف بن جندل العازمي


ومشكووووووور حيل حيل ,, والله يعطيك العافيه .. وبالتوفيق ..

بيض الله وجهكم

ياخوي اتقى الله في نفسك كيف تستخدم الكهرب في الابل


يعني لازم نقلد الغرب حتى في تربية المواشي
ياخوي الامريكان مايخافون الله ولافيهم رحمه لازم نصير مثلهم
لاحول ولاقوة الا بالله

الاخ العزيز محمد مرزوق

اولا
اسأل الله ان يرزقنا وياكم تقواه وان يثبتنا على الدين في السر والعلن

ثانيا
انا ما ودي نخرج عن موضوع الاخ محمد ولو اني لازم اوضح لك ولمن قرأ مشاركتك الامور
واذا عندك اي تعليق بهذا الخصوص ارجو ان يكون في موضوع مستقل اذا ترى ان فيه فائده للاعضاء والمنتدى

ثالثا
الواحد قبل يكتب رده على مشاركه ما يفضل ان يقرأ الموضوع اولا ويفهمه ويقرأ الردود جميعها ثم يرد او يعلق على كيفه اذا رده او تعليقه فيه فائده
ولا يترجم الردود على مزاجه او فهمه ويحكم على الناس
فانا وغيري كثير لانقبل النصيحه بهذا الاسلوب ولو كانت في محلها فكيف اذا كانت في غير محلها