|
البل تاكل دمنها يالربع البل عندي تاكل الدمن بشكل غير طبيعي من الفاطر الا الحوار والموضوع هذا بدا من شهر تقريبا مع العلم ان طعام البل هو نفسه ماتغير عليها وأعطيها ملح وعطيتها بودرة املاح وفيتامينات ولافيه فايده برأيكم وش الحل؟ وهل حد مرت عليه الحاله هذي ؟ |
مرحباً تراحيب المطر يا حمد هذه المشكلة يعاني منها كثير من ملاك الأبل وخصوصاً البل التي تعلف بشعير أو مكعبات تحتوي على شعير وحتى الآن لم نجد حل لهذه الظاهرة السئية . نرجو ممن لديه علاج لهذه الظاهرة إفادتنا مشكوراً بذلك ماهو علاج أكل الأبل الــدمن ؟ ؟ ؟ ؟ ؟ |
لاهنت يافهد على مرورك الكريم نرجو من الجميع المشاركة لعل وعسى ان يكون فيه حل لهذه المشكلة |
حيا الله الجميع والحل اللي يمكن انه يساعد (ولكن قد لايقطع ها لعاده) انك ما تطعم البل الشعير الا وهو مجروش حيث ان غير المجروش يخرج اجلكم الله مع فضلاتها كحبه كامله وتعود الابل لتأكله من جديد ، وكذلك اعطائها الملح بكميات واوقات محدوده حيث ان حرمانها من الملح قد يتسبب بذلك. |
لاهنت ياماجد على مشاركتك ولكن انا ما بعد اطعمت شعير اطعم مكعب الصوامع ولا يوجد فيه شعير وهذا طعام البل من زمان ولا كلت دمنها اللا قبل شهر |
اقتباس:
اوافق اخوي ماجد واضيف اغسل الشعيرالغير مجروش لين يصفى لون الماء والملح ضروري جداً وياليت تزيده شوي |
الحل عندي وانا بو هندي انا اعطي البل مكعب وشعير مجروش والرودس والبرسيم امامها على طول يعني البل فسقانه عندي ولكن لاحظت انها تاكل دمنها اعزكم الله الحل هو انني قطعت الشعير وقطعت المكعب وابدلته بالشوار النخاله طبعا مع الماء مع خلطه قبل انا تدخل البل على الطعام ترشه بحفنه ملح خشن والذهاب الى العطار واخذ منه حجر الكبريت ووضعه بخيشه بصل او ثوم ووضعه بالماء لمده اسبوعين تقريبا هذا اذا كان الماء الذي تسقيه البل حلو اما اذا كنت تسقيها ماء هماج اي ماء خور لا تحتاج الى الكبريت وانشاء الله سوف ترى النتيجه بيومين فقط والله ولي التوفيق وانا اريد وانت تريد والله يفعل ما يريد |
والله انك قريب من الصواب يالعازمي وبيض الله وجهك على المشاركة |
اقتباس:
حسب علمي ان الكبريت يؤثر على اللقحات ولا يوصى باعطاء الاملاح الكبريتية لها اكل الابل للدمن الكثير يعاني منه والاسباب ربما نقص املاح او ديدان معوية او قله في الاكل والافضل اعطاء الاملاح المناسبة مع حبوب الدود واكثر الاسباب هي من الديدان لانها تمتص الحديد والاملاح من طعام الابل بالامعاء فتلجى الابل الى التعويض باكل الدمن او التراب والحجر وايضا قد يكون عاده اذا جاعت الابل في فتره سابقة واكلته اصبح لديها عاده وان توفر لها الطعام |
حتى انا عندي نفس المشكله مع العلم ان الملح موجود والاكل وافر بس على ما يبدو انها عاده والله يستر على حلالنا وحلال المسلمين |
السلام عليكم ياجماعه الظاهر انه بلا كبار السن اهلنا اهل البل القداما يقولون ماخبرنا البل تعود على دمنها ابد ولاحتى في احلك الظروف وامحلها واقلها عشباً واشدها جوعاً لاكن من يوم جت هالمكعبات والاعلاف الجديده ظهرت علينا هالمشاكل يحلفلي واحد من الاصحاب انه شايف ابل مشرعه تاكل بشراهه في مراح غنم.؟؟؟؟؟؟؟؟ لاحول ولاقوة الا بالله علينا بالعوده الى الله والبعد عن الغش ولكذب في المبالغه بالاسعار والتدليس والكبر والتفاخر المؤدي الى النار والعياذ بالله |
والله صادق اخووي مبارك الله المستعان على كل حال |
الكبريت وروح الكبريت يا سنايدي وخلطه في الماء حتى يغدي الماء كنه رغوه وخل البل تشربه ولا تعطيها ماء غيره على مدار الصيف ولك تحياتي |
الاخوان ماقصروا ونا بقول تجربتي في هذا الموضوع :- 1- الملح الخشن (حفنة وحدة ) مع الشوار فقط . 2- وضع املاح لونها احمر بالصيدلية موجودة مع الماء مفيدة جدا . وبصراحة انقطعت الابل من اكل دمنها اعزكم الله . وسلامتكم |
&والله الكثير يعانون من هاذةالظاهره السيئة بمن فيهم انا& |
يالربع جزاكم الله خير شوفولنا حل الكل يشتكي من هالطبع الشين؟؟؟؟ |
مرحبا والله بالجميع ... الحل والله عندي وانا أخوكم ... أيذا بتسمعون لي اللي يطعم غير المهروس والشوار هاذا اللي يعاني من المشكله هاذي والمهروس له طريقه خاصــه وممتازه أنا اجربها لي ســنه تقريبا" والحمدلله واضح الفرق بين أبلي وأبل الناس اللي حولي الطريــقه: وضع كيس المهروس في حوض الماء لمدة ساعتين منها يلين الحب ومنها أينظفـه ويكثره يستمر على هذا البرنامج لمــدة أسبوع ويشوف الفرق بأذن الله وسلامتكم ... |
انا عندي نفس المشكلة كانت البل ما تاكل الدمن وطعامي هو نفسه لكن شريت لي ناقة من السوق تاكل دمنها اعزكم الله وطرحت البل الباقيه في ذا الطبع الي ماهوب زين البل تطرحها ناقه في ذا الطبع لكن عليك بتنظيف المراح وقطع الشعير |
بيض الله وجيهكم جميعا على مشاركاتكم الطيبة |
السلام عليك اخوي حمد عطها تمر معي الطعام نقعه في الماء من الصبح لين وقت الطعام واخلطه مع الطعام عشي الابل انا مجربنه اخوي هذا ولا عاد واحده تاكل دمن كرمك الله |
السلام عليكم ورحمة الله وبركاته اخوي اطعم الابل تمر تراه زين ويخليهن يقطعن الاكل اسال مجرب انا مجربنه ونفع |
الأخ حمد المنصوري يقولون إن التمر يسقط حيران اللقحات وأنت تقول عطها تمر ياليت فهل هذا صحيح |
اخوي ما عليك من الحكي انا مجربنه وابلي اطعمها تمر لحاله بدون اي اعلاف ثانيه ولا شي منهن صابه مكروه بس ينقع في الماء من الصبح لين ا وقت الطعام واطعم الابل منه صارلي تقريبا سنتين والحمد الله ما فيهن شي صابه مكروه |
مساك الله بلخير اخوي محمد بنسبه لأكل البل لدمنها منتشر عند اغلب هل الابل لاكن الابل اللي تاكله بسراف يثر عليها ويجيب لها الدود واحيانن يجيب لها الهيام ولا تستفيد من العلف اللي تاكله ونصحك بشي جربته انا واستفادة منه الابل عندي ولله الحمد بشكل واضح. 1-اسقها على جره (قوتها 15) لمدة 3ايام وبعد 15يوم كرر سقيها على الجره بحيث يكون لون الماء المخلوط بلجره مثل اغسال الحليب (تسقى على الجره لقتل الديدان اللي في ابطونها) 2-اقطع عنها الشعير ومايتعلق به الشعير مثل مكعب الشعير 3-حاول تعزبها عن امراحها اللي تمرح فيه بحيث تقيل على الماء وتعلف وتروح تمرح خلاء حتى تنسى اكل الدمن وعسى الله ينفع بما ذكرة ويرفع الوباء عن المسلمين اجمعين |
-اسقها على جره (قوتها 15) لمدة 3ايام وبعد 15يوم يامانع اللي سمعناه ان الجره للأستخدام الخارجي فقط وشربها يسبب تسمم في الدم وتقتل البل |
صحيح اخوي نواف الجره تذبح الابل لثقلتها لاكن لصارة خفيفه ماتضررها بمشيئة الله وسقيها على الجره اسرع واسهل من انك تعطي كل ناقه حبوب دود لصار عندك مراح كامل مشكله وصعب تعالج كل ناقه |
؟؟؟؟؟؟؟؟؟؟؟ |
بيض الله وجيهكم |
الكبريت والمره بالماء او التمر سواء بالماء او خارج الماء ليس لها اي دخل بسقوط الجنين |
اخوي حمد الحمض زين وقطع عنها الشعير |
| الساعة الآن 26 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |