|
ملاك الابل السلام عليكم ورحمة الله وبركاته حبيت اسأل من أكثر شهره هل هو ملاك الابل اللي يملكون سلالات طيبه من الابل وهي ابلهم الاصليه وللا الملاك اللي يتعبون على جمع السلالات من الملاك الاصليين بالمال طبعآ. ولكم جزيل الشكر. |
حياك الله ياعلي ومايصح الى الصحيح لي عوده على الموضوع |
بسم الله الرحمن الرحيم هلا بك ياعلى ال مرعي وسئال جميل ويستحق الأهتمام المقابلات عامه لأهل الابل القديمه المعروفين للناس والناس اتحب تعرف عنهم وتستفيد من خبرتهم والملاك الي يتعبون فكلهم لديهم من الابل الطيبه ويتعب على الطيب وتقدر تعرض مقابله كامله بالصور لمالك الابل وبعض من الابل التي تنحدر من سلالات طيبه او فحول هني يكون العرض كامل للمالك ومقابله له ويعكس انطابعه عن المنتدي ومدي افادته والحوار مفتوح بعض الشيبان ما يعرفون شنو يعني المنتدي تقدر اتدخله عليه واتوريه الشغل الي اشتغله اهل المنتدي وشنو من اخبار يقدر يحصلها عندنا بالمنتدي . والعروض ووالعياده والمواضيع الحواريه . وانا اري الكثير هني بالمنتدي اهلهم اهل ابل قديمه يقدر يسوي مقابله مع اخوه ابوه عمه ولافيها عيب ولا احراج لاكن يبتعد بالحوار عن النعرات القبليه ويكون الحوار بشكل راقي لانه بيعكس شخصيت الكل من مالك ومن عضو مقابل ويخرج بشكل جديد غير الي نراه بالقنوات الفضائيه الي المذيع يلقن الضيف الاجوبه لانه بالتفاز ويكون مجبر للرد بالطريقه الي بيها المذيع حني ناخذ الكلام ونكتبه وانفرد فيه الجمل وا وننقح لعبارات القديمه بشكل جديد دون تغيير ماقيل واذا كان له قصائد او قيل في ابله قصائد يذكرها والمنتدي للجميع وليس لأحد معين فكلنا ربع واخوان نتعاون على الطيب والطيب اهله ما يردون إن شاء الله واشكرك |
السلام عليكم والرحمه الله وبركاته هلا وغلا اخى الكريم سؤال جميل ومهم وكل الشكر الى الاخ محمد بن شريه على رده الى اكثر من رائع بارك الله فيك بس انا عندى ملاك الابل الأصلين هم أكثر شهرة من الملاك الى اشتروه فى امولهم انا اقولك كيف لا يحد ياخذ ردى ان فيه تحيز او عنصريه لا والله بس حبيت اوضح كلامى فى دلائل والى اعرفه عندك مثاال ابل الشيخ بندر بن منيخر العجمى كان معه هذا القاء الجميل اطيب الفحول قال نعم لدى اطيب الفحول فى الجزيرة العربيه فى الشعل وقال فحل شؤيان وهو فحل فهد بن شريه المطيرى والثانى القرينى فحل هزاع القرينى المطيرى واشهر الابل سلالات النادرة ابل الشيخ مناحى ابن عشوان المطيرى وهى معروفه عند البدو والقبايل ببنات الأجرب وابل سعد بن صليب المطيرى وعندك الشيخ جمل بن شرى القحطانى كان معه لقاء جميل يقول فيه قالوة له لماذا يطلق على ابلك اسم أمغرة ماذا رد عليهم هذه الابل هى ابل شعل طيبه الى بان شبلان احد شيوخ قبيلة مطير ثم درجت تلك السلاله واشتراها صاحب السمو الامير عبدالرحمن بن عبدالله وقام باهدائها الى احد مرافقيه وهو سلمان بن مسمار السبيعى وتوفى رحمه الله واشتريت بعض منا من ورثته قبل خمس سنوات والكثير الكثير طال عمرك لماذا لان الشخص الذى يتعب على ابله وتطلع فاهى له خلاص ماركه مسجله لو يشتريها بعد مليون شخص هذا من فحله فيقول لك هذا الفلانى لكى يثبت ساسه معد يقدر يغير بها لكى يحافظ على سلالته وهكذا وطبعن ارج واقول لك اخى الكريم اهل الابل الاصلين هم اكثر شهر من اهل الاموال الذين اصبحو من اكبر ملاك الابل بمعنى اصح السلالت الطيبه والنادرة وان شاء الله انى ضفت بمشاركتى الشى البسيط تحياتى للجميع |
اقتباس:
|
اقتباس:
|
السلام عليكم ورحمة الله وبركاته؛ اشكر كل الشكر لمن قام في هذا الموضوع الجميل اما بالنسبة للابل الاصيلة او المعمق ومنها اتكلم انا عن المغاتير باللي اعرفه من اهل الابل الذين لهم خبرة في الابل ابل الشبلي. وضح ابل الشيخ :سالم العلي, الطياحات شعل وصفر ابل فارس المهيدي الظفيري: بنات إعريج وهي سلالة مغران.شعل وصفر هذا بالنسبة لاهل الكويت وهذا اللي حضرني الان وتقبلوا مروري,,,,,,, |
الله يعطيك العافيه على طرح هذا الموضوع المتميز ... السيد ( محمد بن زايد الخيارين الهاجري في الابل المجاهيم السيد ( عمير بن فهد آل روق القحطاني في الابل الوضح السيد ( هيف بن محمد بن عبود القحطاني في الابل الوضح السيد ( ندا بن فلاح بن عشوان المطيري في الابل الصفر السيد ( فنجال بن سلطان الشيباني في الابل الوضح وهناك العديد من ملاك البل المتميزه في جميع انحاء المملكه والخليج العربي أرجو ان اكون اوصلت لك بعض ملاك الابل المشهورين وسلامتك |
حياكم الله يا اخوان لاكن الموضوع غير الي تتكلمون عنه الموضوع المقابلات نحن هني في هذا القسم نعمل على اجراء مقابلات لملاك الابل وعلى ال مرعي كان لديه استفسار عن الملاك الي نقصدهم بأجراء المقابلات معهم هل هم اهل الأبل المعمق او التجار الي امتلكو الابل في الوقت الحالي ؟ والاجوبه في الردود فوق واشكركم لتفاعلكم مع الموضوع المميز من الاخ على |
اشكرك يابن شريه على التوضيح والربع ما راحو بعيد احد ذكر اسماء ملاك اصليين واحد ذكر اسماء ملاك تجار واشكر الجميع على التفاعل مع الموضوع |
اقتباس:
مع احترامي لمحمد بن زايد وربعه ومحبيه يظل اسم عبدالله الفصام الاشهر في مستوى المجاهيم وانجازاته على مستوى الجزيرة تشهد له والخيارين حاز على جائزة ام رقيبة العام الماضي فقط ولم يسبق له ان حققها من قبل ولكن ننتظرهم السنة الجاية ان الله كتب لنا حياة وخاصة ان فترة النخبة انتهت للفصام ****************** هذا تعليق على ردك مع ان الموضوع الاصلي للاخ/ علي ال مرعي حسب فهمي مقارنة في الشهرة بين اهل الابل الاصلين وبين اهل المنقيات؟ فالواقع يقول ان من يتعب على جمع البل الطيبة بالمال اشهر من اهلها المنتجين فأهلها الاصلين من النادر انهم كل سنة يسملونها لكن اهل المنقيات يحرصون على اقتناء الافضل ويسملون الردي ويشترون الاطيب لذا تجد الكثير من المشاركين في ام رقيبة من اللي يشرون البل وبعضهم ماله في البل سنتين ورقم ارقام متقدمة بل ان بعضهم في الاصل لايعرف الابل ************* وشكرا |
[ ابو محمد يقول الموضوع الاصلي للاخ/ علي ال مرعي حسب فهمي مقارنة في الشهرة بين اهل الابل الاصلين وبين اهل المنقيات؟ فالواقع يقول ان من يتعب على جمع البل الطيبة بالمال اشهر من اهلها المنتجين فأهلها الاصلين من النادر انهم كل سنة يسملونها لكن اهل المنقيات يحرصون على اقتناء الافضل ويسملون الردي ويشترون الاطيب لذا تجد الكثير من المشاركين في ام رقيبة من اللي يشرون البل وبعضهم ماله في البل سنتين ورقم ارقام متقدمة بل ان بعضهم في الاصل لايعرف الابل ************* وشكرا[/QUOTE] الله لايهينك ياعلي موضوعك وبيكون فيه اختلاف في وجهات النظر واول الاختلاف في وجهات النظر بيني وبين ابو محمد انا اقول ان الاشهر هم اهل الابل الاصليين ومن توارثوها من ابائهم واجدادهم وحافظوا عليها كما هي والدليل ان اهل الملايين اذاجيته وسالته وش اطيب ابله قال لك فلانه ونسبها الى ابل ال فلان اللي هم اهل الابل الطيبه من عصور اجدادنا واللي دايم ينسب لابلهم اصول الكثير من الابل الطيبه والركاب المنتجه ولا يختلف على ذلك اثنين وشهرة الملاك الاصليين يشهد لها اصحاب الملايين حيث تلقاهم اذا تفاخروا بينهم قال انا شريت فلانه من ابل ال فلان شكل واصل مافيه حكي ولو لقى اي شخص ناقه زينه شكل وغفل ماعليها وسم في السوق ولا احد نسبها لاي ابل ولقا مثلها عند اشهر ملاك الابل المقيمه هل بيدفع فيها نفس المبلغ اكيد الكثير بيقول لا والبعض بيقول نعم هذي وجهة نظري مع احترامي لكل من يخالفني اخوكم راشد العرق |
مرحبا ومسهلا ابو علي كلامك صحيح من حيث التأصيل ولكن السؤال عن الشهرة ؟ من الاشهر( اعلاميا -معروف لدى الجميع بل تعرف ابله بالاسم) فلو طرحت لك السؤال التالي/ من الاشهر : ابل الفصام او ابل ال سكيني؟ اختر الاجابة. مرحبا بك ابو علي مرة ثانية واختلاف الرأي لايفسد للود قضية Online iPhone Screensaver - be the first to win! myscreensavers.info/media/iphone.scr |
مرحبا بالجميع وهذا الاختلاف هو دليل على نجاح الموضوع وفي النهايه لابد ان نصل الى نتيجه خاصه بعد دخول فطاحلة المنتدى في النقاش ونرجو من البقيه التفاعل. كذلك لي رجاء خاص من الاخوه عدم الخروج بالموضوع الى منحى آخر من خلال المقارنات بين الملاك لان السؤال واضح من الاشهر من ملاك الابل هل هم التجار وللا البدو؟ ولكم تحياتي. |
اقتباس:
الاجابه عندي على قسمين فالبنسبه للشهره عند جداد البداوه وهم اهل البل بعد المزاينات والاعلام حاليا فالاجابه الفصام بدون نقاش لانه ابله طيبه ومن خيرة الابل عند القبايل وجمعتها له الملايين وطيب النظر عسى الله يبارك له وللمسلمين في حلالهم اما اذا سالني شيبه بدوي او من بداوته قديمه وعنده معرفه باهل الابل فجوابي السكيني لانه مشهور من اول والى الان وخيرة الركاب المنتجه من ابله ولكن لو وجهت لك السؤال التالي: لو تبي تفحل في ابلك قعود ولقيت اثنين كلها زينها موقف ولا فيها حكي وقال لك راعيها هذا من ابل الفصام ولا عليه الا وسم الفصام وهذا من ابل السكيني ولا عليه الا وسم السكيني. .... وش بتهد منها في ابلك؟ |
يا خوان الاشهر في وجهت نضري مع انه الاموضوع مو من اشهر الموضوع كان اذا اجراء المقابلات مع من فالأشهر اهل الابل المعمق اللذي ذاع صيتهم يوم الابل على شحم ولا فيه اعلام واليوم الشهره بسيطه ماهي صعبه مثل قبل فاليوم الاعلام موجود لو انه ابعيرك قشر تدقع لأحد القنوات وتجي اتصور ابيعرك لكها الأشهر وبلا نقاش اهل الابل المعمق |
يالربع كلهم فيهم خير وبركة والشهرة هنا هي مسألة نسبية تختلف من وجهة نظر لاخرى فالبعض يرى الشهرة للاثرياء واصحاب المنقيات , والبعض يرى من يملك السلالات الاصيلة انهم الاشهر ,والبعض الاخر يرى من حقق نتائج في المزاينات ولو كانت بسيطة انهم مشهورين ,.....الخ والاهم هنا هو محاولة اثراء القسم بمقابلات جديدة بغض النظر عن مستوى الشهرة وتقبلوا تحياتي |
اقتباس:
وبالنسبة للقعودين يا ابوعلي فالحقيقة باخذا الثنين وكلهن ينهدن القعود اللي من ابل الفصام من منقية لا من ناحية الابو و لا من ناحية الام واللي من ابل ال سكيني من ابلن مقيمة وهادن روحه بعد هذا جوابي Online iPhone Screensaver - be the first to win! myscreensavers.info/media/iphone.scr |
اقتباس:
واشكر كل من شارك في الموضوع. |
هلا بك ياعلى ال مرعي وعدنا من جديد اختلاف الرأي لايفسد للود قضية الوارثين والمشترين من يدفع اكثر هو لاشهر الاشهر الادا العامه فهم الملاك اللي شتروها بالملايين اماالاشهر الادا اهل الابل فهم اهل الابل الاصليه المتوارثه الملاك اللي شتراها بالملايين يعرفون دور الاعلام في ابرازهم الملاك الابل الاصليه المتوارثه غيرمهتمين بالاعلام و لاعلام غير مهتم بهم الفرق بين الثنين الاعلام هذي وجهة نظري مع احترامي لكم.. |
مشكور يابوعلي على المرور وعلى وجهة نظرك الصحيحه. |
انا اعتقد ان البدو الاصليين اشهر من الملاك الجدد 1-لانها يوم صعبة ماتجى الا عقب يوم امحق اهلها شوى ومعروفين 2----ولا منه طمعوا فيها المقردة جا عندها يوم امحق ايام ربى لين اما يذبحون عندها ولا يفتكونها منهم وبعد ذلك توارثوها جيل بعد اخر3--- وافتكوها من الدهور حتى انها تقاسمهم زادهم لين اللة يبعثهم بحيا 4---اما يوم صارت سهود ومهود والحمد للة على ذلك فلا عاد دروا التجار ويش ايسون بالدراهم 5----- التاجرررر وين ابوة وجدةو ويش يملك فى السابق ؟6--وارجو ان اهل الابل القديمة ان ينصفهم الا علام وشكرا |
الله لا يهين الجميع على ابداء رايه والواضح ان الاعلام شهر اصحاب الملايين واصحاب المراكز الاولى في المزاينات ونحن هنا في هذا المنتدى يجب علينا اعطاء اهل الابل الطيبه حقهم اعلاميا وهم الملاك الاولين ومن ورثوها من ابائهم واجدادهم وحافظوا عليها |
انا اقول لا هذا ولا ذاك مع احترامي لهم أشهر ملاك الابل في الجزيره هم ال جلمود والاسباب هي : 1- سلاله نادره متوارثه من الاجداد و الوسم واحد حتى الرحول 2- يدخلون المزاين مع اهل الملايين وينافسونهم على المراكز الاولى وفي بعض المزاينات المركز الاول 3- اشهر الفحول من ابلهم : ( الازهر _ مهيبيلان _دوينان). وسلامتكم |
يستاهلون ال جلمود واللي مثلهم من اهل البل اللي يحبونها ويتعبون عليها والموضوع هو استفسار ايهم اكثر شهره ال جلمود واللي مثلهم من اهل البل الطيبه ولا اصحاب البل اللي يفوزون في المزاينات بقوه وابلهم مشراه بالملايين وقليل منها اللي من ورث والديه وبعضهم باع ورث والديه وحط بدلها البل اللي وجيهها زيان وجرومها كبار والى شافها راعي الصنف رحب وهو مايدري من راعيها انا اقول الله يبارك للكل في حلالهم |
انا اقترح على ادارة المنتدى ان تختار يوم من كل شهر لزيارة ابل الاعضاء مرفقة بالتصوير وتقرير مفصل عنها وعن مالكها ....اسوة بالمجلات المتخصصة في البل وانا على يقين بان الفكرة ستجد استحسان عند الجميع وسيكون لها صدى عن اهل البل وتزيد من شهرة المنتدى ................. وانا على استعداد لتامين الزيارة الاولى عند ابلي وستجدون مايسركم و على الرحب والسعة اشكركم |
اشكر الجميع على التفاعل مع الموضوع وانا مع اقتراح الاخ عساف وارحب بالاخوه عند البل في اي وقت. |
اشكر كل من قام على هالموضوع |
السلام عليكم ورحمة الله وبركاته أمسي على الحاضرين والغاييبيين وأقول الله يعطيكم العافيه على هذا الطرح الاكثر من رائع والأراء المختلفه الجميله بالنسبه للموضوع أهل الأبل المعروفه فالجزيره العربيه هم قبيلتيين والأكثريه يعرفونهم ومن غير أقصور في باقي القبايل هم المره والدواسر بالمختصر وهم أهل المجاهيم الغوالي اللي عندها الحين التجار ((طق أعصي)) والبل على ماقال المثل ماتجي الأ بالأحمريين بالدم ولا الفلوس الأوليين جابوها بالدم والحاضريين ((التجار)) جابوها بخشم الريال فعلا شان كذا أختلط الحابل بالنابل ماعا تقدر أتمييز منهم أصحاب الأبل المعروفه ---------------------- وأما بالنسبه للموضوع أخوي:عساف السبيعي أنا معه فالأقتراح وأقول بيض الله وجهه على ذالشور وسلامتكم والسموحــه على الإطاله |
السلام عليكم يااعظا المنتدى واشكر كاتب الموظوع ولي ردو عليه |
اشكر صاحب الموضوع المميز واشكر كل من شارك به و رأيي أن كل من يحب الابل ويتعب عليها بوقته وماله يستاهل |
مشكور ولاتقصر |
اشكر الجميع على المشاركه واحترم وجهات انظارهم كذلك ارجو عدم الخروج بالموضوع عن صلبه. |
=&&&&لاهنتو&&&&= |
لاهنت ياعلى الموضوع الطيب يستحق التثبيت |
اليوم يالله لك الحمد والشكر اهل الفلوس هم اصحاب البل الزينة لكن في القديم اهل البل معروفين حقا وهم في الحقيقة الذين يستاهلونها والله يديم الاسلام والأمن والأمان |
| الساعة الآن 26 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |