|
علاج للين او التفدع بسم الله الرحمن الرحيم كل عام وانتم بصحه وعافيه ولامه الاسلاميه جميعا هذا علاج جربته ونجح معي لعلاج الزند او الين او الطرق الي يجي بيدين الحشو ويضا الي يجي بالركب طريقته سهله 10 سم فاللحم وبعد 20 يوم يكرر فقط المهم بالامر عدم التساهل بهذا المرض لانه اذا تمكن صعب يتعالج ولايستطيع المشي فاول ماترا بدايه في يدين الحيران ماعليك سواء شراء هذا الدواء وطعن المصاب اسم المنتج MINRCAL http://im32.gulfup.com/6AnQK.jpg |
رد: علاج للين او التفدع الله يجزاك خير ياحمود الين مشكله ومنتشر بكثره |
رد: علاج للين او التفدع السلام عليكم ياخوان انا عندي نفس الحاله لكن في الفحل وسنه ثني واضح للين في اليدين تحديداً تحت الزند .. واضح في المشي ويتضح اكثر في الركض ويصعب عليه طرد الناقه .. اتمنى من الجميع إفادتي بتجاربهم في هذه الحاله.. |
رد: علاج للين او التفدع هلابك ياسلطان الين يجي المفاريد والحقايق معناته قديم في الفحل ماضن ينفع فيه العلاج والاخوه يفيدوك انشاء الله لاتخلية يسن يطرد دخل الضرايب عليه |
رد: علاج للين او التفدع هلابك اخي حمود واشكرك على المبادره بالمشاركه . نعم صحيح قديم لكن كان خفيف وقلت يروح مع الزمن ومن سن جذع اتضح اكثر وسن ثني اكثر واكثر,, الآن صرت ادخله الشبك والضرايب ادخلها عليه . خفت عليه من الطرد واضح اللين فيه . عسى الله يشفيه.. اشكرك بيض الله وجهك.. |
رد: علاج للين او التفدع السلام عليكم ورحمة الله وبركاتة اخ / حمود جزالك الله خير عندي حوارة مزاين وصايبها اللين او اتفدع باليدين وجربت علاجات واجد مانفعت لكن هالعلاج ماجربته ابجربه وان شاء الله يفيد مع العلم ان الحوارة عمرها 6 شهور طيب اذا مانفع تفيد الكوي او لا وهالتساول موجه لجميع الاخوه |
رد: علاج للين او التفدع الله يبيض وجهك يا حمود الله يجزاك خير |
رد: علاج للين او التفدع اقتباس:
حط البكره بالشبك وقت فترت العلاج لاتخليها تسرح شهر ولا اكثر وانشاء الله تشوف مايسرك بس اعجل بالدواء والله يكتب كل خير |
رد: علاج للين او التفدع اقتباس:
|
رد: علاج للين او التفدع جزاك الله خير |
رد: علاج للين او التفدع الله يعافي حلالكم يارب من كل مرض .. ويبعد عنها كل عين ما باركت .. ماحبيت افتح موضوع وودي استفيد من خبراتكم الله يجزاكم خير .. عندي قعود رجله اليسار لا وقف ردها ورى ورفعها ما يرتكز عليها .. وان مشى يبين فيه عرج بالمشي بس يبيلها تدقيق .. شفته قبل يومين ولا سويت فيه شي كان ودي احبسه بس قلت بخليه اسبوع واجي اشوفه .. وانا والله لا اعرف الامراض ولا غيره .. كان تفيدونا بخبرتكم .. الله يعطيكم العافيه .. واعتذر من صاحب الموضوع |
رد: علاج للين او التفدع الله يجزاك خير يا حمود من الواضح ان الرمله والسرحه والوراثه لها دور لذا حط حلالك في ارض عزاز و منبسطه و حاول تشبك الحيران لين يصير حق |
رد: علاج للين او التفدع خله في الشبك وقيده فترة العلاج |
رد: علاج للين او التفدع للرفع لتعم الفائده |
رد: علاج للين او التفدع لاهنت وبيض الله وجهك |
رد: علاج للين او التفدع ووجهك ابيض ياحمد والعلاج هذا فعال لمعالجة الين والحمدلله من ثلاث سنوات ماكوينا حوار حتى الي نغفل عنها وتنطرق نعطيها وتعدل مع العلم ان اكثر البياطره مايعرفون وش هوله واذا طلبته يسلونك وش تستخدم هذا العلاج له اكثر من واحد ومانبا غير دعوتكم يالربع لان هناك حيران مزايين عابت من الزند |
رد: علاج للين او التفدع المشكلة في البياطرة اذا عرفوا ان الدواء جاب نتيجة طيبة يرفع السعر --- خل الدكتور على فاله ولاتعلمه . |
رد: علاج للين او التفدع يا حمود وش عالجت به ناقه ولا بكره و وش سنها نبي الفايده منك |
رد: علاج للين او التفدع حمود الله يعطيك العافية هل أقدر أعطيه الحيران كعلاج وقاية قبل ألاحظ عليها أي أعراض |
رد: علاج للين او التفدع جزاك الله خير اخوي حمود العتيبي .... هذا الدواء مفيد جداً .. عالجت فيه بعير كان مايلقح .. وعطيته منه 10 س والحين الحمدلله يلقح وعالجت فيه ناقتين ضعاف جداً بشكل غير طبيعي والحين حالهم كل يوم في تحسن والحمدلله وأيضا 10 س .. في العضل |
| الساعة الآن 45 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |