تــشرف بشوفة مشرفان و مشرفه على غطيسين
 

ماشاء الله تبارك الله
الله يرزقك

ماشالله والله يربح البايع والشاري

أرحب يابوسعود

وماشاء الله على هذه السلسه الرائعه والمميزه من الانتاج والله يبارك لك بها

والقعود الاول (( مشرفان )) عليه سوم ..؟؟


وياليت لو تزودنا صور عن امه



اخوك

السلام عليكم ورحمة الله وبركاته
أشكر الجميع ممن دخل على الموضوع وشكر خاص لمن علق على الموضوع اسأل الله لنا ولهم ولكم التوفيق وشهر مبارك وأسأل الله أن يوفقنا لقيامه وصيامه على الوجه الذي يرضيه سبحان
أما عن الأخ الفاضل الذي طلب صورة أم مشرفان فبإذن الله قريبا بعد العيد إن شاء الله
والفحل اللي هم عليه (غطيسين) وهو مشهور بالنسل الطيب
أما عن السوم فالصدق نعم سيم لكن ما يقدر الزين إلا أهل الزين وبإمكان الجاد في اقتناء الزين الااتصال وشكرا للجميع ولكم تحياتي،،

مشاء الله
الله يربح البايع والشاري

وعجبني طريقت عرض الصور والله يبارك فيك وهذي درس ممتاز للأخوه
لعرض الصور
بارك الله فيك

وين الصور ياشباب

الصور تنفتح لك مباشرة لكن انتظر قليلا وتنفتح لك
ولك تحياتي

ماشاء الله تبارك الله
وين موقعها يامحمد

نبي نعرف السوم لوسمحت

اتمنى تكتب السوم لو سمحت

الله يربح البايع والشاري

السلام عليكم
مساكم الله بالخير ياجماعة
اللي يعرفون ويقدرون الزين ومهتوين الأصايل وجادين في اقتناء الزين يسومون
واللي معروض امامك أصل وفصل وزين وممكن نوريك ابوه وأمهاتهم
والله يحفظكم جميعا

ارحب يابوسعود

وحنا ان شاء الله ودنا نسوم ولنا رغبه

لكن نبي صورة ابو القعود وصورة امه اذا امكن وحنا حاضرين اما عطيناها مقدورنا ولا شريناها

والله يبارك لك فيها

اخوك

السلام عليكم أخي الكريم/ فهد

للمعلومية فإن أخو مشرفان مسيوم ب (450000) أربع مئة وخمسون ألف ، وله أخت من أبوه(غطيسين) بيعت ب150000بمئة وخمسين ألف ويقال إنها سيمت ب 300000 وبيع على غطيسين بخمسين ألف وسبعين ألف وتسعين ألف، وقعود جذع يسام بمئة وستين ألف
ولا عندنا إلا الصدق وممكن لمن أراد يشتري نوريه إخوانه ونوريه أبوه وأمه على الطبيعة واللي عنده خبرة ومعرفة يحكم ويقيم وحنا ما نبي أحد يشتري في ظلام الليل
والرسول عليه الصلاة والسلام يقول: (فإن صدقا وبينا بورك لهما في بيعهما) والله الموفق
وسلامتكم

شكرا للجميع على المرور

ماشاء الله

مـــــــاشــــــاء الله تــــبــــــــارك الله

ماشاء الله

الله يربح البايع والشاري

شكرا أخي فواز وعبدالله ويزيد على المرور والتعليق

وين الجادين
وين مهتوين الزين

ماشاء الله تبارك الرحمن
الله يربح البائع والمشتري

شكرا اخي حوران العتيبي على مرورك

مساك الله بالخير يابو سعود
إذكر السومه إن كانه مسيوم الله لايهينك والربع إللي له هوا بيزيد
وعساك سالم اليوم ودوم

مبروك وراعيه ابرك منه
واذا عليه ســـــــــــــــــــــــــــــــــــــــــــــــــ ـــــوم اذكره والرزق على الله
والله يوفقك يابو سعود

القعود مبروك وراعيه ابرك منه
واذا عليها ســــــــــــــــــــــــــــوم اذكره والرزق عند الله وانا اخوك

شكرا لمروركم ولكل من علق
وجزاكم الله خيرا

مساك الله بالخير يامحمد
ماتبغي تعلمنا بالسوم ؟ولافي حدك؟

ماشاء الله تبارك الله

كلها وافية ولا يلحقها كلام

الله يبارك فيها

شكرا للجميع على المرور والتعليق وبيض الله وجيهكم
واللي مهتوي الزين بيسوم وبيشتري سواء سيم ولا ما سيم والتوفيق بيد الله

ماشاء الله تبارك الله
الله يرزقك

القعود عندي ب20000 الف ريال وسوم صامل يامحمد

شكرا أخي عبدالله على سومتك لكن للأمانة أخبرك بأن القعود مسيوم ب 62000 ألف ريال قبيل رمضان من رجل شاف القعود على الطبيعة وتكرر علينا والله مرات كثيرة وعطانا جواله وقال هذي سومتى وهذا الشيك ولو زاد أحد ممكن ردوا لي علم أزيد والله على ما أقول شهيد والله ما عندي إلاالصدق والدراهم تروح وتجى والرزق على الله
وبالنسبة لمشرفة مسيومة ب 35000ألف ريال من رجل صادق وموجود عندنا في الديرة
وبالنسبة للبكرة مرزوقة مسيومة ب 30000 الف ريال من رجل يبيع ويترزق في الإبل وشافها على الطبيعة
والله يرزق الجميع لكن ما ذكرت لكم الإ الصدق والأمانة في القول ،، وسلامتكم وتمنياتي للجميع بالتوفيق والبركة

مساك الله بالخير يابو سعود
الاخوان وانا من ضمنهم سألناك اكثر من مره تذكر لنا الــــــــــــــســــــــوم ولاكن ماذكرت لنا شي
والرزق عند الله وانا اخوك وأنا مازلت صامل على السومه
وعــــــــــــســـــــــــــاك سالم يابو سعود والــــــــــحاضرين

مساك الله أخي عبدالله بالخير والمسرات علمك وافي وما قصرت وبيض الله وجهك والحمد لله ما فات شيء
لكن السومات اللي ذكرتها لكم أيضا أصحابها صاملين بجد والله يرزق الجميع ويبارك فيكم على المرور والتعليق
وتقبلوا جميعا تحياتي

مــــــــــــــرحبا مليون يابوسعود
والله يربحك ويوفقك

جزاك الله خيرا