|
علاج شافي باذن الله من حضاة الديد ثنتين من الابل عجوم جاها حضاة في الديد واستعملت جميع العلاجات ولم يفيد فيها وقمت باخذ عسل الغابه السوداء الموجود في محلات بند والعثيم وطليت الحضاه بالعسل مدة خمس ايام وابشركم كان ماجاها حضاه والحمد لله وحبيت اوضح للجميع ماحصل واريد ماكان له ابل فيها حضاه يستعمل ذلك ويعرض النتائج لتعم الفائده على الجميع والمسلمين |
رد: علاج شافي باذن الله من حضاة الديد الله يجزاك خير الجزاء لاهنت |
رد: علاج شافي باذن الله من حضاة الديد الله يجزاك خير // وضح لنا ولاعليك امر بصورة ماهو العسل الغابة السوداء وين نلقاه لان المحلات اللي ذكرتها ماوضحت لي // والحضاه اكثر ماتتعب راعي الحلال والموضوع مهم يرجى التوضيح اكثر الله يجعله في ميزان حسناتك |
رد: علاج شافي باذن الله من حضاة الديد السلام عليكم ورحمه الله وبركاته الله يجزاك خير على المعلومات والعلاج النافع بأذن الله اول ماتجي السوبر ماركت الكبيره مثل بنده والعثيم تلقاه في قسم العسل وتلقاه مكتوب عليه الغابه السوداء ولونه اسود علبه قريبه من شكل علبه عسل الشفاء وشكراً |
رد: علاج شافي باذن الله من حضاة الديد سعره العسل الكبيركيلو 129 ريال وهو على كلام الناس اصلي وعزالله ان شفاءه بعد الله سبحانه في حضاة في النافتين والحضاة سلمت تماما حيث ان طليتها بالعسل على الجرح مده خمس ايام وبعدها رجعت بعد اربع يام يعني تسع ايام وشفت الديد لم يكن فيه حضاه والله اني صادق وابي المسلمين ينتفعون به والسلام عليكم |
رد: علاج شافي باذن الله من حضاة الديد عبيد جعل والله من جابك في الجنه وجعله في موازين حسناتك يوم انك تبي تنفع المسلمين ليت والله اكثر المشاركين مثلك تسلم وبيض الله وجهك وجعل حلالك يتبارك قول آميــــــــــــــــــن |
رد: علاج شافي باذن الله من حضاة الديد مرحبا ياعبيد والعسل كم لك من يوم عالجت به لان الحضاه مالقيت امحق منها تسكر مع جهه ولاكن تنطق مع جهه ثانيه ياليت تذكر لنا كم لك معالج ناقتك وسلامتك يالذيب والله يجعلها في ميزان اعمالك تقبل تحياتي |
رد: علاج شافي باذن الله من حضاة الديد يعطيك العافية على هالتجربه وجزيت خير |
رد: علاج شافي باذن الله من حضاة الديد السلام عليكم ورحمة الله كيف حالك ياعبيد انت علاجة الحضاه قبل اوبعد ما انفجرة , واذا بعد ما انفجرة هل انت نظفتها ولاهنت على هذا الطرح المفيد |
رد: علاج شافي باذن الله من حضاة الديد بيض الله وجهك وطول الله بعمرك أنا جربت الخوا جوا والكركم مع المره والصراحه كان وحده بوحده إذا انفجر نظفت الجرح من داخل بديتول وماء وملح وسحبت الخوا جوا واللي معه بالأبره من دون الدبوس وصبيته داخل وعز الله دوا طيب ونفع فيها بس بعضها يوم استالدت مره ثانيه رجع |
رد: علاج شافي باذن الله من حضاة الديد ماخلت الناس شي والحضاة والنويخس مالهن علاج ولاهنت ياعبيد |
رد: علاج شافي باذن الله من حضاة الديد السلام عليكم الحضاه علاجتها بعد انطقت الحضاه وطليتها بعد غسلها بالمويه بدون ملح وبعدها استمريت في علاجها خمس ايام متتاليه وبعدها رجعت اشوفها بعد اربع ايام والحضاه سلمت تماما وتعقيب على كلام بعض الاخوان اللي يقول ان الحضاه مالها علاج فالشافي الله عزوجل والعسل ذكر الله في قراءنه الكريم بانه شفاء للناس فما اعظم من كلام الله سبحانه العظيم وهذا يااخواني ماحصل معى وماادري هل ستظهر الحضاه والله اعلم وانا لست مدير للشركة عسل لكي اروج للعسل اللي ذكرته وانما مماسمعت بانه اصلي والله اعلم والتجربه خير برهان والله الشافي سبحانه |
رد: علاج شافي باذن الله من حضاة الديد السلام عليكم اخوي عبيد الله يعطيك العافيه على الوصفه .. وازيد عليه وهذا موضوع اخوي فهد بن صلبوخ ذكر فيه علاج للحضاة جزاه الله خير http://www.mzayan.com/vb/showthread.php?t=16011 |
رد: علاج شافي باذن الله من حضاة الديد يعطيك العافية يا عبيد على ذكر تجربتك جزاك الله خير |
رد: علاج شافي باذن الله من حضاة الديد صادق يا اخ عبيد عسل الغابه السوداء سذكرونه ناس واجد بأنه أصلي وأظنه مستورد من ألمانيا وكثير اللي يمدحونه ويفضلونه على اللي موجود بالسوق واللي يباع بالشوارع ويقال عنه عسل سدر يمني |
رد: علاج شافي باذن الله من حضاة الديد العسل علاج كل شي اذا احد يريد عسل طبيعي بجميع انواعه عليه بالاتصال على الرقم 0551172455 -الرياض وشكرا |
| الساعة الآن 57 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |