|
رايكم في البكره 2 مرفق السلام عليكم ورحمه الله وبركاته يا الربع ابا شوركم ورايكم في البكره المجهم ياللي بعرضها عليكم .. وهل هالبكره تصلح للمزاينه ولا لا .. سنها فطيم السنه هذي .. مولوده بنص شهر عشره ...اول الموسم والبكره جرمها ما شاء الله اكبر من سنها .. رايكم هل ازاين بها ولا اربيها وسط الحلال .. تراه على شوركم ببني رائيي ... وعلى فكره .. اول ما طاحت البكره .. شينه حيل .. وكل ما تكبر تزين اكثر .. وخواتها من الفحل غاويات حيل ما شاء الله .. وللاسف الفحل مات السنه ... على العموم ..ا لله يعوض راعيه اخير منه .. http://www.mzayan.com/vb/attachment....8&d=1335944945 http://www.mzayan.com/vb/attachment....9&d=1335944971 |
رد: رايكم في البكره [TABLE1="width:95%;"] | [/TABLE1]مرحبا ينقل للقسم المختص ,,, الاسئلة والاستشارات ,,, |
رد: رايكم في البكره الظاهر انك مبعدن الزعل من الاجابه على طلبك لاني اشوف ان البكره هذي الى حد الان ما فيها زين ينطح المزاين كانك واثق من انتاج ابوها وتعرف ان خواتها طيبات اصبر عليها وطول بالك بالحيل يمكن تعدل لاجت حقه او لقيه او اكبر من كذا او اصغر وان كنت متعلق بالامل استخر وشوف وش يقسم لك الله |
رد: رايكم في البكره السلام عليكم ورحمة الله وبركاتة اخوي انت تبي الشور الذي ينفعك بعيد عن المجاملة البكرة الله يخليها لك اولا والبكرة في الوقت الحالية بكرة مقنوي وليس صوب المزاينات \ وتقبل مروري |
رد: رايكم في البكره اررحب يامبارك الله يبارك لك ويمنحك منها , البكره ماهيب بكرة شبك ولاهيب حول المزاين يابومحمد ولافيها شي يميزها ويجذبك لها إلا اذنيها وبشكل عام البكرة عاااديه ولاهيب ردية بالحيل لكن يامبارك هل امها سودانية؟ اخيرا الله يكتب لك الصالح يامبارك |
رد: رايكم في البكره يابومحمـد .. الله يحييك ويبارك لك فيما تملـك . الشور ذمه وانا اخوك . والبكره لاتصلح مزاين ولاتصلح مقنوي من خلال هالصور ! ورايي اصبر عليها لين تكبر ونقول بتطلع مقنوي ان كان اصلهاا لحوق . ومثل ماقال حزام .. امها او ابيها سوداني . .. |
رد: رايكم في البكره وعليكم السلام ورحمة الله وبركاته يابومحمد أنا لست حريصاً على تقيم الحلال والله ماودي اذكر وجهة نضري بالبكره لكن الدين النصيحه ومن وجهة نضري البكره هذي والعلم عند الله لوعاشت سنين ماراح تاصل حد المزاين ولا راح تطلع ابدا واذا تبيني ابين لك عيبها ارسلي على الخاص دمت بصحه وعافيه ورزقك الله بأطيب منها |
رد: رايكم في البكره انحش البكره لاتصلح للمزاين قطعين لانهامترتقي لمستوى المزاينات ابدن |
رد: رايكم في البكره الله يعوضك بالطيبه اللي تزايين بها |
رد: رايكم في البكره الله يعوضك بأزين منها أن شاء الله أنت طلبت الراي البكره عاديه |
رد: رايكم في البكره وعليكم السلام ورحمه الله وبركاته أخ مبارك بكره المزاين أو ناقه المزاين صعبه جدا بكرتك في نظري أقل من مقنوي والله يرزقك |
رد: رايكم في البكره عااااااديه |
رد: رايكم في البكره اقتباس:
|
رد: رايكم في البكره للتذكير يا أخوااااااااااااااان اقتباس:
مقتبس من موضوع أصول الرد على من يطلب الراي في حلاله لأخونا عبدالله بن مطلق المزحمي http://www.mzayan.com/vb/showthread.php?t=7655 |
رد: رايكم في البكره اقتباس:
|
رد: رايكم في البكره مبارك محمد المنصوري جزاك الله خير يا بومحمد .. والشباب ما قصروا محمدبن رشيد الحنتوشي ولش الزعل ما دمت طلبت الراي .. وجزاك الله خير .. وكلامك في محله .. مشعل سعود ربي يقبلك في علليين عن الصحابه والصالحين .. وصلت المعلومه شيخي .. وجزاك الله خير .. لا خلى ولا عدم مشعل البرقاوي و حزام العاطفي + طلال الروقي + ثامر فايز بسم الله عليكم ما شاء الله ولا حول ولا قوه الا بالله .. وانا اشهد انه نظرتكم طيبه وغزيره .. يا طوال العمر.. كان ابوها على حسب نظرتي مجهم (على حسب خبرتي الفقيره.. واتصلت براعي الفحل وسالته ..في البدايه ما كان يبي يتكلم على شان استفيد وابيع البكره .. بس يوم لزمت عليه .. قالي الفحل سوداني بحت .. يعني من مجاهيم السودان .. وجزاكم الله خير .. انا من سمعت كلامكم .. سالته بنفس الشك ياللي انتو شاكين فيه .. ورد علي بالايجاب .. جزاه الله خير ما منعني من الفحل والله يبارك له في حلاله لانه رجال والنعم فيه .. ساجربن عدوان انتظر رسالتك على الخاص يا اخوي .. ومنكم نستفيد .. ولو قلتها علني عل وعسى احد يستفيد منك يا اخوي ..تراها المساله ما تزعل غير ياللي صدره ضيق .. لا انته شتمت ولا عيبت في الحلال والعيب ما هو فيه ...انته قيمته بطلب مني بالتقييم ياللي تشوفه فيها على حسب نظرتك .. جعل شيبانك الجنه .. ولا عليك .. انا معطيك الضو الاخضر تفيد الناس علني اهني في موضوعي .. ثامر فايز ههههههههههههه .. وانا الحين منحاش .... جزاك الله خير يا ثامر .. وجعل من جابك الجنه محمد الوهبي التميمي + بندر الراوي امين وياكم .. ويبارك لكم في حلالكم وعيالكم وفي عافيتكم وبدنكم عبدالرحمن العقيلي جعلك ذخر يا بو عوف .. وجعل شيبانك الجنه .. رايك وشورك مبصوم عليه بالعشره .. وتم سحب الفكره ... عايد الهاجري جعلك دوم عايد وفرحان ومبسوط .. طلال الروقي ربي يذكرك بالشهاده يا اخوي .. بالعكس .. يمكن بعض الناس يتضايق من هالخبر .. او من هالكلام ..بس بعضهم يجيبها بطريقه ظريفه ومضحكه .. في عندي ديموقراطيه .. بس بحدود .. والشباب بالعكس ما جا منهم الا الطيب وحلو الكلام جزاهم الله خير .. ورايهم انا طلبته وهم لبوا طلبي بدون تجريح جزاهم الله خير .. خص ياللي طلب مني انحاش من البكره ..ههههههههههههههههههههه .. المصيبه هيه وسط حلالي وين انحاش من عزبتي وحلالي واخليها متسيده المكان ..ههههههه |
رد: رايكم في البكره وعلى فكره السموحه منكم على التاخير ..تراه السبب اني كنت انتظر راعي الفحل يرجع من السفر على شان اجيب لكم الخبر الاكيد .. |
| الساعة الآن 29 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |