|
الارض مابها نبت .. وش السالفه السلام عليكم ورحمة الله وبركاته اليوم كملنا اسبوعين من اول مطر .. والمطر بحمد الله كان غزير وعام الديار اللي حولنا كلها لاحظت شدة البرد عقب المطر مامر علينا ولا يوم دفا .. وتوقعت يتأخر النبت والى اليوم يا اخوان ما اشوف اي نبت بالأرض والحين علينا المربعانيه .. يعني ما راح نشوف الدفى هالشهرين الجايه وياخوفي ما تربع الارض ولا يستفيد من المطر الا النبت القديم لأن العشب يبي له جو دافي وشمس عشان يقوم من الارض عطونا علوم الديار الممطوره يا اهلها ... |
رد: الارض مابها نبت .. وش السالفه عسى الله يحل البركه في الامطار اللي جت .. ولكن من الصعوبة ان العشب ينبت ويظهر في المربعانية لأن الماء مايجري في عرق النبات من قوة البرد . وان شاء الله تشوووف الربيع والخير بعد طلوع المربعانية |
رد: الارض مابها نبت .. وش السالفه اللي جاب المطر قادر على انبات الشجر ربكم كريم الله يطرح فيما نزل البركه والنفع من عندع |
رد: الارض مابها نبت .. وش السالفه الحين البرد بارك على العشب بس اصبر لين دفى الجو ويفر العشب بسبوووع |
رد: الارض مابها نبت .. وش السالفه الخير جاي والله يرحمنا برحمته |
رد: الارض مابها نبت .. وش السالفه كثرو الإستغفار.. |
رد: الارض مابها نبت .. وش السالفه الله يرحمنا برحمته ثبت عن النبي صلى الله عليه وسلم أنه قال ( ليس السنة أن لا تمطروا ولكن أن تمطروا ولا تنب الأرض شيئاً ) والمعنى أنه ربما ينزل المطر ولا تنبت الأرض اللهم عم اوطان المسلمين بالخير والبركة وأن يتبعه بالخير إنك على كل شئ قدير اللهم انزل على الارض من السماء ماء نافعا وانبت العشب والخير في الارض يا رب العاملين . |
رد: الارض مابها نبت .. وش السالفه الخير جاي والارض راويه |
رد: الارض مابها نبت .. وش السالفه مثل مقالو الاخوان الجو باادر الان ......................................... احــد شيبااانناا قبل اسبوع امشي به في الامطاار ابي اوسع خاطره قلت وش رايك با المطر يابوحمـد قال ( المطر واجد مار البركه ماش بركه ) الله يرحمنااا برحمته |
رد: الارض مابها نبت .. وش السالفه وعليكم السلام هلابك اخوي ممدوح الحين جاك البرد القارص يخلي العشب ماينبت بس خل يدفى الجو وبتشوف العشب والله يرحمنا برحمته عليكم بالاستغفار ياخوان تقبل تحياتي |
رد: الارض مابها نبت .. وش السالفه عسى الله يجيب الخير سبحانه هو القادر على كل شيء |
رد: الارض مابها نبت .. وش السالفه الله كريم وعليكم بالاستغفار |
رد: الارض مابها نبت .. وش السالفه الارض ارتوت ولله الحمد جاها ديم وسيل والمعروف ان العشب مايسوق بالمربعانيه والله يرزقنا الدفا ويتبع له ويطرح البركه |
رد: الارض مابها نبت .. وش السالفه طاح خير وعند الله خيرات الله يطرح البركه وباذن الله بتخلون الاعلاف هالسنه |
رد: الارض مابها نبت .. وش السالفه يجيب الله خير ان شاء الله |
رد: الارض مابها نبت .. وش السالفه الي سمعت من هل البخص في هذا الموضوع انهم مايتمنون الدفى بعد المطر ثم يلحقه برد لان العشب اذا طلع وجاه البرد يموت لكن الوعد بعد المربعانيه باذن المنان الكريم والله يزيد ويبارك . |
رد: الارض مابها نبت .. وش السالفه الله يجيب الربيع استغروا يا أخوان ( و إن شكرتم لأزيدنكم ) |
رد: الارض مابها نبت .. وش السالفه في العادة بعد نزول المطر في مثل هذه الوقات تجد الباذر في المذاري أولاً لكن في المربعانية مايسوق العشب بس العرق ينزل للثرى وترى بعض النباتات المقاومة البسيطة بعدالمربعانية بإذن الله تبدأ بواكير الربيع الحقيقي مع البرودة فالشبط إلا إن الحلال يحصل عشب وبعد الشبط تجي العقارب سم 13يوم ودم13يوم ودسم13يوم فالعقرب الأخيرة تجيب الأرض خيراتها عسى الله يلحقنا واياكم خير ويرزقنا الرحمة والمسلمين ...... ... .. . |
رد: الارض مابها نبت .. وش السالفه الله كريم وعليكم بالاستغفار |
رد: الارض مابها نبت .. وش السالفه عسى الله يطرح البركه |
رد: الارض مابها نبت .. وش السالفه اللي جاب المطر يجيب الربيع و أستسقوا تسقى دياركم و استربعوا تربع دياركم بإذن المغيث |
رد: الارض مابها نبت .. وش السالفه الله كريم يا رب يا كريم انزل علينا من خيرات السماء وانبت لنا من بركات الارض يقولون الشيبان سنة الدمنه اكرمكم الله و هي سنة نزل فيها مطر قليل جدا لدرجة انهم يرفعون الدمنة من على وجه الارض و يلقون تحتها عفار و ربعوا ربيع طيب جدا ذيك السنة ،،، و العبرة في البركة و ليست في غزارة المطر ربي ترحمنا برحمته |
رد: الارض مابها نبت .. وش السالفه أبشركم أن الله خزاينة مليانه سبحانة وبخصوص الربيع توه ياجماعة . |
رد: الارض مابها نبت .. وش السالفه اقتباس:
هلا بعبدالعزيز ومرحبا سنة الدمنة على ماتفضلت صحيح جاهم ربيع ضافي لكن مطرهم مهوب معناه قليل مواصل لا جعلك تسلم معناه ان مطرهم ديم وهتان ماسال شعيب ولا حولت تلعة ماجرى من الماء على وجه الارض شيء مطرهم فقط ديم (دقاق) متواصل ماهنا طش ووبل يسيل ويشيل الارض ويذكرون أهلنا واهلكم يقولون يشيل الرجال الحجر ويتعفر باللي حدره لكن حلت مع هالمطر البركة أسال الله أن يبارك لنا ولكم ولكل مسلم في مارزقنا وأعطانا تحياتي للجميع |
رد: الارض مابها نبت .. وش السالفه خالد العايذي ربي لا يحرمنا منك ولا من شرواك هل الطيب ولا يهينون من في الموقع الله يجزاك خير ويبيض وجهك يعطيك العافيه على الايضاح الي في محله |
رد: الارض مابها نبت .. وش السالفه امس العشب على قرنتين |
رد: الارض مابها نبت .. وش السالفه الثلاث الايام اللي مرت كانت دافيه ويجيب الله خير ادعوا الله تربع الديار وتعود الامطار |
رد: الارض مابها نبت .. وش السالفه المربعانيه بتبرك عليه |
| الساعة الآن 14 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |