|
شكوى معي حق ا لا؟ السلام عليكم ورحمة الله وبركاته عساكم بخيــــــــر دووووم ودي استشيركم ودلوني على الراي الصح!!!!!!!... انا شريت ناقه من رجال عن طريق الفديوا قبل شهر ونص وقالي ان الناقه ملاقي ويوم جتني الناقه لينها ريضه ما حولها ولالاد وكلمته وقلت له قال اصبر الناقه توها نازله من الدنه اصبر كم يوم صبرت كم يوم نفس وضعها حتى ديسها مانزل كلمته قال اصبر الى عقب عيد ضحيه ان ماولدت او لاقت ردها صبرت لين عقب العيد كلمته قال مانيب مرجعها هاللحين انا بنشدكم هل لي حق اردها او لا علماً ان معي شهود شافوها اول ماجت وعندي رسايل فالجوال تثبت اني مرسله بكل شئ !!!... افيدوني المخطي انا والا هو؟ ولا افدتوني علمتكم وش بيصير اتمنى سرعة تجاوبكم |
رد: شكوى معي حق ا لا؟ مساك الله بالخير يامحمد ان كان الناقه باقي عليها من شهر الى ثلاث شهور اصبر عسى في الامر خيره وان كان الناقه باقي عليها واجد وانت شارط على الرجال وعندك شهود الامر راجعلك والنصيحه طببها السوق وان جابت القيمه اللي تقنعك بعها والله يعطيك على قد نيتك |
رد: شكوى معي حق ا لا؟ اذا كان مثل ما تقول. ففي الحالة هذي يجوز لك ردها. والبيع غرر. حكمي على الصورة التي ذكرتها وليست على الشخص لأنه يجب السماع من الطرفين. لكن يمكن ان الرجال صادق لان بعض البل تزيد عن وقتها. وانصحك تشوف خبير يتأكد من وضعها. والله لا يخسرك ولا يخسر مسلم. وبعض الناس مايتقي الله في البيع. وناس ودك تشتري قربه مو سلعته بس. |
رد: شكوى معي حق ا لا؟ مرحبا يابو عمير اهم شئ انها لقحه وانت صاحب الشان قال الله تعالى في كتابه الكريم بسم الله الرحمن الرحيم (وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون ) اركان عقد البيع:- 1- العاقدان :وهما البائع والمشتري 2- المعقود عليه : وهو الثمن والمثمن 3- صيغة العقد : وينعقد البيع بكل قول او فعل يدل على إرادة البيع والشراء وللبيع صيغتان أ- الصيغه القولية وتسمى الايجاب والقبول ب- الصيغه الفعلية : وتسمى المعاطاه شروط البيع:- لايكون البيع صحيحاً حتى تتوفر فيه سبعة شروط متى فقد شرط منها صارالبيع باطلا : 1- التراضي بين المتبايعين . 2- أن يكون العاقد جائز التصرف . 3- أن تكون العين مباحة النفع من غير حاجة . 4- أن يكون البيع من مالك أو من يقوم مقامه . 5- أن يكون المبيع مقدوراً على تسليمه . 6- أن يكون المبيع معلوماً برؤية أو وصف منضبط . 7- أن يكون الثمن معلوماً . |
رد: شكوى معي حق ا لا؟ أرحب يا أبوعميررر ،، الرأي وانا أخوك البيع والمشترى بشروط وأنت شارط أن يكون ولادهاا قريب وأنت تقول أنه أتضح أن ولادهاا ريض ،، في هذا الامر يمكن يكون الرجال الي باعك ماعنده معرفة قوية في قرب ولا بعد الولاد ،، وطبعاً هذا ليس من ذنبك وأسئل الله أن يجعل الي باعك الناقة رجال طيب وعنده خلق في التعامل وماهذي إلآ سلعة دنيا وربي يرزقه ببيعه أطيب من الي باعك فيها يا أبوعمير ،، والناقة أشوف أنهاا ترجع لراعيها الأول وأنت يرجع لك مبلغ الناقة وكان الله غفور رحيماً ،، وأتمنى من أخواني الي في المنتدى أن يحرصوا بمثل هذه النقطه وهي تحديد موعد ولاد الناقة ،، وبني آدم ماهو معصوم من الخطاء يا أبوعمير وإن شاء الله بتنحل المشكــلة ،، |
رد: شكوى معي حق ا لا؟ محمد وانا اخوك الفوت بينكم مهوب واجد والموضوع بسيط انت تقول شريتها قبل شهر ونص وراعيها يقول ملاقي يمكن انك شاريها على اول اللقئ والناقه تلاقي قبل ولادها تقريبا 40 يوم ثم تلد وبعض الابل تجر شهر يعني الى الان الرجال ماكذب وعلم الولاده عند الله يعني مااحد يقدر يحدد لك وقت معين لكن الناقه مخورم الان ولا ؟؟ |
رد: شكوى معي حق ا لا؟ في رايي ان كان الرجال مضرب الناقه وعارف وقت اضرابها والصوره ما ذكرت فترجع الناقه عليه والله لا يجيب اخلاف والامر هين والخساره على المعلف اما ان كانه قايلك انه شاري من اول فعلمها عند من ضربها وفي رايي انك تصبر وبيعوضك الله بصبرك خير فيمكن من شراها منه عطاه معلومه خطا او اخطاء في الحساب او ما يحسب اصلا ولاّ ما يسجّل وقت الضراب |
رد: شكوى معي حق ا لا؟ [SIZE=5][COLOR=darkred]انا شريت ناقه من رجال عن طريق الفديوا قبل شهر ونص وقالي ان الناقه ملاقي يابو عمير انت تقول انك شايفها عن طريق الفديو والناقه الملاقي تبين في المقطع ار جو انك تصور الناقه من وراء وتعرضها على احد الاخوان لكي تتأكد والتمس لا خوك المسلم العذر |
رد: شكوى معي حق ا لا؟ بعد المرور بعدة تجارب انصحك وانصح الجميع انه لا يشري على فيديو الا اذا كان مستعد يتحمل العواقب .. بغيت تشري شي روح شوفه بنفسك او ارسل من يعاينه لك والشريطيه الا من رحم الله ما همه الا يجيب دراهم حتى لو كان الثمن الاخلاق والشيمه .. واحمد ربك انها لقاح ما طلعت فاضيه واصبر عليها يمكن يرزقك الله منها رزق طيب على صبرك والعوض من الله خير من العوض من عباده والله يرعاك |
رد: شكوى معي حق ا لا؟ السلام عليكم يابو عمير انا اشوف ان الناقة ترجع لكن اذا كانت الناقة تستاهل ودامها لقحة ومافيها مرض والا عذروب ثاني شهر او شهرين تأخير ماهي بضارة والنيه ..النيه... يابو عمير انا اشوف ان انشاءالله مكتوب لك هالي في بطنها ولاهوب مكتوب للي باعك الله يرزقك منها ويكتب لك الخيره |
رد: شكوى معي حق ا لا؟ مساك الله بالخير يابوعمير .. الاخوان ماقصروا وانا اتفق مع أخوي خالد الفالح . يمكن الرجال شاريها لقحه واللي شراها منه قال الناقه تلد في تاريخ كذا ومشى عليه الرجال . اما كانه متعمد والناقه مضربها هو وكاذبً عليك فاللي مثله يستاهل الجزاء .. ماهوب رد الناقه وبس . لكن يابو عمير كان الناقه لقاحها بيّن ولا لاقت اصبر والله مع الصابرين ولاتدري وين الخيره أما كان لقاحها من 6 شهور واقل لا بالله ترد على راعيهاا حتى لو انه شاريها لن الناقه بيّن وواضحه للرجال اللي يعرف . وكان الناقه ملاقي .. وتجر فاللقاء أو على وشك تلاقي .. وانت راع ابل وتعرف .. فالرجال صادق ولا كذب ... ..... أسأل الله التوفيق للجميع . |
رد: شكوى معي حق ا لا؟ من كلامك اخوي بندر ان الرجال يعرف وش معنى ملاقي بدلالة انه يقول """"ان ما ولدت او لاقت عقب العيد فردها""""" فان كان كلامه مثبوت بشهود او رسالة فالقول قولك انت ان بغيت تردها او تمسكها...وهذا يؤكد ضرورة ان الرجال ما يشتري او يبيع بكلام ماله حدود واضحه مثل ملاقي فما يضر ان الواحد يشرط بان ولادها في الشهر الفلاني تزود او تنقص اسبوع |
رد: شكوى معي حق ا لا؟ اقتباس:
رحب يبو ربيع الناقه والله اعلم ان باقي لها من شهر ونص لشهرين والرجال قايلي ملاقي وانا اخوك ليش اطببها السوق ليه ما اردها عليه |
رد: شكوى معي حق ا لا؟ اقتباس:
انا شريت على مقطع فديوا وديسها ماكان واضح مره فالفديوا ويوم جتني لينها ريضه |
رد: شكوى معي حق ا لا؟ اقتباس:
الناقه لقحه وانا ماقلت حايل ومشكور على التوضيح |
رد: شكوى معي حق ا لا؟ اقتباس:
وصدقت انا شرطت ملاقي وهو قال ملاقي واكبر دليل انه قالي اصبر الى عقب العيد وثم عيا قال مهوب مرجعها |
رد: شكوى معي حق ا لا؟ اقتباس:
لا بالله الا الفوت واجد انا شاري ملاقي والملاقي مخورم ومنطلقه عصبتها والناقه جتني مالاقت وادري بعض الابل تجر شهر ونص بعضها لكن طول هالوقت وانت كل يوم تقول تولد بكره بين عليها والعلم عند الله سبحانه مافيه شك لكن الله ماشفناه بالعقل عرفنا كل شئ له مواري والناقه ماخورمت الى اللحين! |
رد: شكوى معي حق ا لا؟ اقتباس:
والرجال اللي شرى منه يقول نفس الشئ تاريخ الضراب والمشكله مهيب فالعلف يبو فالح هذي بسيطه المشكله ليه يقولي ملاقي وهي مالاقت يبو فالح ماخورمت الى اللحين وحياها توه والشئ الثاني ليه يقول اصبر كم يوم بعدين اصبر شهر بعدين يقول ماعندي شئ هذا مهوب عيب؟ الرجال ماضربها شاريها يقول مضربه 18/11 |
رد: شكوى معي حق ا لا؟ اقتباس:
مرحبا ياسعيد ايه نعم عن طريق الفديوا ولا كانت واضحه ولا طرا فبالي ان احد بيقول ملاقي وهي توها والتصوير ما يحتاج اشوفها بعيني واعرف الملاقي مايحتاج تصوير وغير كذا ثنين فالمنتدى هذا جو وشافوها بالصدفه عقب ماجت بيوم والعذر والله لو قال من اول مدري او منيب مرجعها من قبل مافيه مشكله بس يماطل بعدين يقول مالي شغل؟ هذا مهوب منطق |
رد: شكوى معي حق ا لا؟ اقتباس:
مرحبا ياممدوح في ذمتي انك صادق انشالله اني ما اشتري من احد الا بشوف العين |
رد: شكوى معي حق ا لا؟ اقتباس:
اللي فبطنها علمه عند الله ومشكور على مرورك |
رد: شكوى معي حق ا لا؟ اقتباس:
نفس الكلام اللي قلت قبل الرجال مانيب ضالمه انشالله هو بنى الكلام على كلام اللي شرى منه ولكن هل فيه احد يجهل الملاقي من اللي مهيب ملاقي وخاصه رجال يبيع ويشتري وفاهم والناقه اتوقع والعلم عند الله باقي لها من شهر ونص الى شهرين واحسب قبل شاريها لي شهر ونص واكثر بعد تصير ثلاث شهور يعني ناقه تنقل ثلاث شهور ومغتر ماتصير |
رد: شكوى معي حق ا لا؟ اقتباس:
مرحبا ياتركي مدري منهو بندر؟ ولو النقه اللحين مخورم وملاقي صح كان ماقلت شئ لو تولد بعد سنتين !!!! |
رد: شكوى معي حق ا لا؟ يا اخوان الرجال اللي شريت منه الناقه هو (( بدر العضيله )) وانشالله اني ماني ضالمه ولا هوب ضالمني وياليت يشارك معنا فالموضوع يشهد علي الله اني مانيب حاقد عليه ولا شئ ولافقلبي عليه مثقال ذره ولوني حاقد كان كذبت وزودت ولا قصدي بذكر اسمه اشوهه سمعته فالبيع لا والله يكرم بس ذكرته ابيه يشارك عشان اعرف وتعرفون من المخطي وحتى لو كنت انا المخطي يبشر بالحق ننتظر مشاركتك يبو صقر |
رد: شكوى معي حق ا لا؟ اولا ننتظر رد الاخ العزيز ابو صقر لعل له وجهة نظر نسمعها ثانيا حط رابط الموضوع للبيع من شان انشوف الموضوع ويكون الحكم واضح حسب العرض ان كانه كاتب ملاقي وهي توها وكم تاخرت الناقه وكم باقي عليها ولا صاير الى خير فايده لمن مر على الموضوع الناقه الملاقي هي الناقه المتطلق خويرمها والديد نازل وحاثل بالحليب ويمكن تمد الناقه من 20 يوم الى شهر الى ورى وقت الولاد المحسوب ويمكن تلد حول الحروه والامور ذي تختلف من ناقه لاخرى فمن تشول الناقه الين تلد تمر بمراحل معشر اول 3 اشهر ثم لقحه ويختلف وقتها عندي ناقه القحه من العام آخر شهر 2 ولا حثلت لذا الحين ولا شفت بطنها تقول ما هي القحه ولا لها ديد بين وانا خابرها ما ينزل ديدها الى قبل الولاد بشهر او اكثر شوي من تجارب معها قبل والابل ما هي سواء ولا يعلم بالارحام الى الله اما ارجاع الناقه من عدمها فان كان الناقه تاخرت عن 3 اشهر من تاريخ الولاد فرايي ترجع الناقه او يطرح من قيمتها ارش ضرر تاخير الولاد حسب ما يتفق عليه الطرفين فلو افترضنا انا شاري ابي اتمنح وتاخر الولاد علي يسبب لي عدم الاستفاده من الناقه في وقتها او وقت الولاد يوافق المربعانيه وشدة البرد او الصيف فهذى يسبب لي الشاري ضرر |
رد: شكوى معي حق ا لا؟ يالربع لا تخلطون بين اللقئ والتخريم و الله يصلح شانكم |
رد: شكوى معي حق ا لا؟ |
رد: شكوى معي حق ا لا؟ السلام عليكم ورحمة الله وبركاته يا الربع صبحكم الله بلخير الناقة يا الربع اشترها مني ابو عمير قبل شهر بضبط قعدت عندة اسبوع ودق علي قال الناقة مهي بملاقي ابي ارجعهاء قلتلة الناقة مضربة في 18 __11 العام تبي تنقل شهر ولا شهرين والناقة انا متصل على راعيها شخصين وقال الناقة يا ابو صقر مهي ببعيد ملاقي حتن ضرابها العام مثل هاذي الايام والكل يعرف الناقة اذا جى حتن ضرابها بعد السنة تنقل شهر شهر ونص وقلت لبو عمير وطلب رقم صاحب الناقة وعطيتة الرقم وتصل عليه وقالة الناقة مضربة في 18 _11 ورجع كلمني قالي الرجال يقول مثل ما تقول يا ابو صقر بس مدرى بصبر وشوف ورجع قال الناقة ابي اردها لسبب انها ماهي بقريب قلتلة الناقة اصبر علي الناقة شهر ولا شهر ونص وصار يتصل على ويكرر الاتصال كل اسبووع قلتلة الناقة مضربة بتاريخ واليوم وطلبت رقم راعيها ولا صدقتني اذن انا وراعي الناقة نكذب ؟؟؟؟ على العلم انة يقراء علي التاريخ من دفتر خاص بضراب البل علي العمووم رقم راعي الناقة موجود عندي اذا حداا الاخوان يبي يتصل عليه بعد لتأكيد رقم راعي الناقة عندي ونا يا اخون كلامي بلمووضوع واضح قبل اللبيع والكل يعرف انا بعض البل تنقل شهر شهرين وهاذاا شي عند اللة محد يدري عنة غيرة سبحانة ونا مستعد بلي يبونة الربع والشي الوااضح واضح تلد اليوم بكرةبعد بكرة الود ودي اعرف ولكل ودة يعرف متى مطيتة تلد بس هذا الشي علمة عند اللة سبحانة السوال يا ابو عمير حنا اهل ابل ونت راعي ابل مافية ناقة تنقل شهر عندك ولا شهرين ؟؟؟ رقم وكيل البل موجود العراقي ورقم راعي البل موجود المووضوع موجود وكلامي فية واضح ولي يبونة الربع اهل العرف وهل البل ولي يحكمون بة انا مستعد فية مهو حق الناقة وبس لا وحق ابن عمير على راسي من فوق ونا مستعد بكل ماتكلف فية ابن عمير من حق الناقة و تحميل الناقة و علفهاء بس اذا الحق لي يبن عمير بطلب الحق من اهل الحكم وهل العرف منك وحض المطية من حض راعيها هذاا موضوع الناقة http://www.mzayan.com/vb/showthread.php?t=41237 |
رد: شكوى معي حق ا لا؟ اقتباس:
مرحبا يبو صقر ومشكور على مداخلتك وصدقت شاريها منك قبل شهر ونص وانت الصادق. وانا قلت قبل كذا انك قلت لي 18/11 وذكرت بعد انك عطيتني رقم راعيها. وقلت وانا اذكرها زين قبل العيد بـ ثلاث اسابيع قلت لك لاظبط ابصبر الى عقب العيد واذا ماولدت برجعها وقلت انت ابشر...ودقيت عليك قبل العيد بسبوع وقلت لك انا بسافر قلت انت اصبر يبو عمير الى عقب العيد وقلت ابصبر ودقيت عقب العيد بـ ثلاث ايام وقلت لي انك منتب مرجعها وان الناقه فيها شركا معك فيها ولا تقدر تردها ولو كانت لك لحالك رديتها ولك هالكلام انت تدريبه والله يدري قبلنا بعد. وبالنسبه لك وراعي الناقه ماقلت تكذبون انت قلت اصبر عقب العيد ثم غيرت كلامك وبس لا تقولني شئ ماقلته وانا اخوك. وانا ادري ان الابل تنقل يبو صقر ما يجهلني هالشئ بس على الاقل فيه مواري ديسها وتخورم وتنطلق عصبتها وبعد كذا تنقل وواجد ابل كل يوم اقول تولد بكره وتنقل شهر وكل شئ اكيد بيد الرحمن سبحانه. وانا خابر اننا اهل ابل وانت راعي ابل وانشالله كل الموجودين اهل ابل ويعرفون والقضيه يبو صقر مهيب فعلف الناقه والا قيمة الدنه وتكرم يبو صقر وتقول وتطول واذا انا الغلطان ابشر باللي تبي يبو صقر نبرك لك الحيل وانا اخوك كرامه قبل لاتصير حق وان بغيت حق يرخص لك. لكن بسئلك سؤال يبو صقر وجاوبني عليه؟ -- صح اني قلت لك ابصبر لعقب العيد اذا ما ولدت الناقه بردها ؟ ابي تجاوب صح والا خطا با ختصار عشان نقفل الموضوع!!!!! |
رد: شكوى معي حق ا لا؟ ابو عمير كتابت الموضوع قبل اللبيع في 7_10م وحنا في 15 _11 م الموضوع براسة مكتوب قبل شهر وثمان ايام ونت تقول شهر ونص ؟؟؟ ونا ما عطيتك وعد برجوع الناقة قلتلك اصبر علي الناقة قلتلك اخر يوم اتصلت علي فية الي هو( ثاني العيد ) قلتلي عندي لها شهر وناقة مهي بقريب على العلم انها ما كملت (شهر عندك ) قلتلك بضبط الناقة فيها شي شرعي يردها رديت علي قلتي لا قلتلك كلامي وكلام راعيها واضح معك او قلتلك اذا لك الحق تردها انا مستعد بردها اذا الناقة فيها عذروب شرعي المووضوع مانبيةيتقفل الابحكم من الادارة |
رد: شكوى معي حق ا لا؟ يا أبوعمير أبوصقر ما عمري تعاملت معاه ولكن يشهد علي ربي أن ها الرجال من عروضه ومن أخلاقه الطيبه ينحب جعله سالم ،، الحين انا ما أبي أتدخل وفيه ناس أكبر مني بالعمر هم الي بيحلون ها الإختلاف البسيط بين الأخوان ،، بس عندي سؤال هل كان فيه شرط بأنها ملاقي ( مــــــــلاقي ) هل كان هنالك شرط ؟!! |
رد: شكوى معي حق ا لا؟ السـلام عليكـم ورحمــة اللـه وبركاتــه ... الأخ : محمد بن عمير / والاخ بدر العضيلـه .. بدون مجامله .. يعلم الله ماعرفنا منكم ألاّ صدق التعامـل والنيّه الطيبه والعلم الوافـي .. ... لن أقول الخلاف لكن سأقول ( الاختلاف ) اللي بينكم بسيط جداً ولا داعي لتشعب الموضوع اكثر من ذلك ولاداعي لحدة النقـاش ... سمعنا آراء الطرفيـن ( محمد / وبـدر ) .. وبمـا أن الموضـوع تم مناقشته هناا في ( مزايـن ) .. والناقـه تم بيعها هنـا ... سيكون للإداره تدخل وحل الموضـوع بشكل أخـوي وسيعقد اجتماع .بشأن هذا الموضـوع بإذن اللـه ...( ان وافقوني الاخوان ) . وانتم أخوان وجماعه ويجمعكم الطيـب والامر بسيط . ......... تقديري واحترامي لكم |
رد: شكوى معي حق ا لا؟ تم إغلاق الموضوع لحين البت فيه من الإدارة وكلا الطرفين |
رد: شكوى معي حق ا لا؟ الإخوة الكرام من الطبيعي حدوث الخلافات في التعاملات المالية وغيرها ومن الطبيعي أيضاً إحتوائها وحلها بوعي وحسن نوايا الطرفين كما هو الحال مع الاخ محمد بن عمير والاخ بدر العضيلة ولما يملكونه من صدق في التعامل في البيع والشراء ومن واقع تجربة شخصية لذا ما نراه في هذا الموضوع هو منح مهلة شهرين للناقة من تاريخ الإضراب وإن لم تلد الناقة تعود على حظ العضيلة وهذه وجهة نظرنا في محاولة تقريب فجوة الخلاف بين الطرفين وللإخوة القبول أو الرفض وتقبلوا أطيب التحايا |
رد: شكوى معي حق ا لا؟ الصبر يا أبو عميـــــــــــــــــــر الصبر تأخرت شهر شهرين مافرقت والنيه يا أبو عمير طيبه وبيعوضك الله خير إن طعتني خل ناقتك وبشرنا بولادتها ؟؟؟ |
رد: شكوى معي حق ا لا؟ مدامه حدد لك موعد بعد العيد قال اذا ماولدت ولا لاقت بعد العيد ردها هذا شرط يلتزم فيه والناقه راده روحها الحق لك 100% |
رد: شكوى معي حق ا لا؟ اقتباس:
مرحبا يامسعود ابرك ساعه مير اللي شاركتنا رايك ولا عندي مشكله في شورك على قولة المثل ((شورك وهداية الله قبل كل شئ)) واللي صبرني شهر ونص يصبرني اسبوعين الناقه تاريخها 18/11 لكن يامسعود الناقه انا اكتشفت فيها عيب ولاودي اظلم بدر العضيله والعيب هو واحد من الخلوف((ديس)) عايب ولكن تبوني اصبر لين تولد او التاريخ اللي حددتوا اللي يصير قبل.. 1_يعني ان ولدت قبل الناريخ هذا وطلع خلف عايب ترجع. 2_اذا ولدت بعد التاريخ ترجع. وانا صورت ديسها وبلغت الاخ خالد الفالح بالشئ هذا قبل اسبوع تقريباً وشار علي مشكور قال اصبر يمكن لاولدت مايصير عايبوقال ارسلي الصوره ولا ارسلتها له وقلت له ابشر ولا ارسلتها له نسيت والله. |
رد: شكوى معي حق ا لا؟ اقتباس:
مرحبا ياخالد لا والله تفرق ثم تفرق ثم تفرق كيف شهر شهرين مافرقت!!!!!!!!!؟؟؟؟؟؟... والصبر طيب لكن مهوووووووووب دايم ولا هووووب على كل حال...... وابشرك ولله الحمد النيه طيبه دوم انشالله والله. |
رد: شكوى معي حق ا لا؟ اقتباس:
مرحبا يابندر عز الله انه قالها اصبر لعقب العيد ويوم جا عقب العيد طلعوا معه شركا وقال مقدر!!!!!!!. |
| الساعة الآن 27 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |