لو فالزمن من ماضي الوقت / شيمه=مالمّ عدوآنً .. ولا فرّق أخوآن !!
ولو الوفاء فالوقت:(دقّه قديمه!!)=ماشفتنا من بدّة الناس.. خلّان
تبقى .. بقلبي ساكنً في (صميمه)= تبقى .. لو أنّ الوقت جاير .. وخوّآن !!

ياصاحبي ياقلّهم / ساعة الضيق!=وياكثرهم وقت الرخاء .. ياصديقي
نسيوا جمايلنا / وكلّ المواثيق=وأصبح مقاطعهم علينا وثيقي!
مايستحقون الوفاء والطواريق=دام الجفاء/صار المصير الحقيقي!
ياصاحبي / بعت الصدور المغاليق=اللي على أعراض الأوادم تويقي
الطير/قلبي والضلوع/ المسابيق=والجرح / عنواني وحزني/ رفيقي!
أوفيت..مآدري عن نوايا المخاليق!!=واليوم من بعض العرب نشف /ريقي!

قال الجريبي بن حمد والنفوس اتشوم ***وشرواي حر" لا رقا يبعد الحــومه
سلامي عليكم ياهل المنتدى منظـــوم ***عد المطر لاهل من صادق اغيومه

المشاركة الأصلية كتبت بواسطة مشعل الشويش (المشاركة 551480) ياصاحبي ياقلّهم / ساعة الضيق!=وياكثرهم وقت الرخاء .. ياصديقي نسيوا جمايلنا / وكلّ المواثيق=وأصبح مقاطعهم علينا وثيقي! مايستحقون الوفاء والطواريق=دام الجفاء/صار المصير الحقيقي! ياصاحبي / بعت الصدور المغاليق=اللي على أعراض الأوادم تويقي الطير/قلبي والضلوع/ المسابيق=والجرح / عنواني وحزني/ رفيقي! أوفيت..مآدري عن نوايا المخاليق!!=واليوم من بعض العرب نشف /ريقي!

المشاركة الأصلية كتبت بواسطة عبدالعزيز البقمي (المشاركة 551875) ياسلام ياسلام لله درك ياشيخ لاهنت ياصاحب الموضوع بعد ابيات الشويش الظاهر معاد لنا مشاركات اكل الجو الله لايضره :mwalat10: ..

المشاركة الأصلية كتبت بواسطة مشعل الشويش (المشاركة 551922) مرحبـا يابوعـايـض .. تسلم على هالشهاده اللي اعتبرها من استاذ انا اتعلم منك الشعر يابو عايض لاعدمتك . .. اعتذر للمداخله ياصاحب الموضوع

القلب يآبو بدر .. زادت جراحه=والهمّ:طير .. وقلب صاحبك:ملواح

يآبو بدر ضاقت عليّ المساحه=فكري غدا للضيق والهمّ مفتاح!

تعبت أدوّر لي مع الوقت .. راحه=وأليا بغيت الصدق:ما والله أرتاح !!

.. ألاّ بسجّة خاطري وانشراحه=وبعْدي عن اللي قْدرهم بالردى فاح

وأن قلت: أخذ لك بالمصايف سياحه!=في ديرةً مابين تاجر .. وفلاّح!

آقول قلبي سجّته وأرتياحه=في ديرةً مازارها كلّ سوّاح

حطّيت لي وسط النفود (استراحه)=أبرى لذودي .. دام برق الحيا .. لاح

واطلق سبوق الهمّ .. واكسر جناحه!=وأعيش وقتي بالسعاده والأفراح

مع خوّة أهل المعرفه .. والرجاحه=الكلّ منهم للصعيبات .. نطّاح

..هذي علومي لابغيت الصراحه=واقبل تحيّاتي ياكسّاب الأمداح

هانت مشاعرنا على العيد .. ! / ياعيد ؟ = في كل عام العيد : يهتزّ صرحه !!
ومعايدين الناس مامنهم سعيد ! = ( عيدك سعيد ) وكلًّ يشيل جرحه !
العيد ماله ذوق / وهموي اتزيد = والحزن درسً والمقابيل / شرحه
جاني يعايدني / وانا قلبي بعييييد ! = وصرح الغلا في خافقي حان طرحه !
يقول عيدك عاد يامعيّد العيد = مايدري أن العيد ( بسمه وفرحه ! )

راع الوفاء .. والطيب .. والله ما انساه = حتّى ولو قفّى .. وشدّت رحاله !

لو عن صديقه عمد قفّت .. مطاياه = مانيب عن فرقاه .. سالي .. وداله

الصاحب اللي هاجس الشعر .. لولاه = ماعنّ هاجوس القصيد .. وعناله

ولافاح صدر الشاعر .. وتاهت ارياه = ولاصبّ فنجال العتب .. وارتكاله!

القلب / من بعْده يعدّد خطاياه = والشعر من فرقاه .. مشغول باله!

وين القصيد اللي بيوته .. مبنّاه = على الوفاء .. والمعرفه .. والجزاله

صارت بيوت الشعر عقبه .. مطوّاه! = ورشا المعاني قطّعَته المحاله

وانا .. وفكري .. والقصايد .. فقدناه = وضميري اللي رفقته .. راس ماله !

وياقوّ صبر الخافق اللي ظلمناه =أنا ظلمته .. والصديق اعتزى له

انا ظلمته .. يوم عقلي تولاّه ! = وهو صار ضدّه لين ماشان حاله

غنّى على ليلاه .. والموت .. ليلاه= ومن ضيقته غنّى .. ولحدً طراله

ألاّ أنت ياللي دون سبّه .. فقدناه = مدري صدودك عمد .. وألاّ جهاله !

ألا واهنيّـك ياحمـامً علـى الـسـدره=تجاوب بحلو الصوت وتجـرّ الالحانـي
على جال روضً علّـه الوسـم والنثـره=وتقافا عليه الوبل مـن غـرّ الامزانـي
علامك تهيّض خافقً ملّ مـن صبـره!=حزينً من اللوعات مسكـن للاحزانـي
تعلّمت: كيف القلب ينصاب مـن نظـره=وتذكّرت: يوم انصبت وأهتـزّ وجدانـي
وأنا لي خفوقً كـان ماحـبّ مايكـره!=على سيرة أهل الحب مخلص(وحقّانـي)
كثير العتـاب (ولاجفـا صاحبه)يشـره=وترى شرهة الغالي لهـا طابـعً ثانـي!
..تولّع بحب اللي جفـا وانتهـى عـذره=جفانـي وعذّبنـي وهـو سيـد خلانـي
ألايانديم الـروح؟ ماعـاد لـي قـدره!=قريتك:بهمس الروح..ودموع الأعيانـي
عرفت الجواب ومختصر موجز(النشره)=جوابً يخلّي صاحي العقـل مرضانـي!
وانا آقول(فالك خير)لكن علـى فكـره:=ابا أهديك:نسخة حب مـن دمّ شريانـي
وابا اكتب(روايـة عاشقً)كلهـا عْبـره=توزّع على العشّـاق توزيـع مجّانـي!!
وأنا لو عذرت اليوم مااعذرك في بكـره=وترى منهـج الخطّـه كتبتـه بعنوانـي
مدام(اشقر الجنحان)مربوط فـي وكـره=أنا الحرّ الاشقر وأعذب الشعر جنحانـي
وأنا ماكتبت الشعر والمقصـد الشهـره!=ابا أرضي غرور الشعر وآغيض عدواني
عدوّي(هزيـل الشعر)وقليّـل الخـبـره=وانا بالجزآله صغـت شعـري وقيفانـي

[TABLE1="width:95%;"]