|
الضــــــــــــراب لقـــيه واختلاف اهــل البل فيـه السـلام عليكم ورحمة الله وبركااته مسااك الله باالخير اعضاء وزار منتدى مزااين موضوعي هو عن الضراب لقيه كثير من النااس من يعاارضه وكثير ممن يايدده وانا احكي لكم من واقع تجربه لي قبل سنتين كنت من المعارضيع للضراب لقيه واكنت اضرب جذعه وثنيه وفي احد الايام لقيت لي فحل طيب وبحثت في ابلي ولبل مهيب واجد لقت ذا لقية واحتديت على ضرابه وكتب الله ولقحة العاام ولدة والله ياريجيل ان عمرهاا اطيب البل وانا ماتووقف ابد وكل يوم وهي تزين وسئلة معلمت لي ريجيل واجد ومنهم من كان يضرب جذعه يوم شاف بركتي والله الان يضربون لقيه واهل الابل كلمت كثير منهم من يقول لي صحيح البكره ماتوقف ان ضربة ومنهو من يعاارض ويشد على راايه ويدعي باانه يتوقف عرمهااا ويكسرهاا الضرااب السوال \ مااريكم انتم فـي الضراب لقيه هل تايدوونه ولالا وهل سبق وان اضربتو لقيه وشافتوى وش تغير في البكره |
رد: الضــــــــــــراب لقـــيه واختلاف اهــل البل فيـه والله لو القيه جسمها جبر ورفيعه ليش لا وسبحان الله القيه لا ضربتها تقوم لقحه غالباً لكن اذا العكس تماماً ماهي جبره وقصيرة يفضل تضربها جذعه لأن يضرها اللقاح يكسر عظمها ويضر بنموها هذا من واقع تجربتي |
رد: الضــــــــــــراب لقـــيه واختلاف اهــل البل فيـه كان عمرها راهي بالحيل تضرب ليه ماتضرب انا مضرب لقايا عندي عمارهن راهي وعانهن اطول الابل ولا اثر عليهن ولا شي |
رد: الضــــــــــــراب لقـــيه واختلاف اهــل البل فيـه السوال \ مااريكم انتم فـي الضراب لقيه هل تايدوونه ولالا وهل سبق وان اضربتو لقيه وشافتوى وش تغير في البكره مرحبا بـك يابو ناصر لاشك أن هذا الموضوع مثار جدل ونقاش واسع بين ملاّك الأبل . ضراب اللقيّـه أنا شخصياً ماأيّـده .. ولا أسبّـه .. وذلك لإن هذه الاشكاليه تبتّ فيها المطيّه نفسهاا فاللقيّـه كانها طويلة عظم وجرمها من الوسط وفوق وزينها وسط فـ أضربهاا واطلب الله فالتوفيق . وكانها قصيره وعمرها ماهو باهـي فااصبر عليهاا واضربها جذعـه .. ولاتعدّى جذعه نهائياً .. وعنـي أنـا شخصياً : عنـدي 3 لقحـات لقايـا اضربتهن لقايا والربيـع ذا يولّدن جذعـات البكار شعلا و2 وضح ويتميزن بالطول والرق ومطلاعهن طيّب ولكن من يوم ابطن فاللقاح لزمن وقعهن ولاعاد هن ظاهرات . يعني تلد جذعه ونفس الطول لين تتم ام سادس ثم تبدأ بالنزول ! وعندي سننا هالبكار ولااضربتهن وبضربهن الزمان ذا والله أنهن تعدّن اللقحات طول وجبر وزييييييييين .. ..... فـ الانسان اللي عنده بكارً لقايا وطيّبات وعنده غيرهن ضرايب (( لايضربهن ألاّ جذعات )) ألاّ كان عمارهن طيبه جداً ويبيهن للانتااااج واشكالهن من الوسط وحول . ..... يامطيييييب الجذعـه اللقحـــــه .. |
رد: الضــــــــــــراب لقـــيه واختلاف اهــل البل فيـه وعليكم السلام ارحب ياسلطان انا والله ماايد الضراب لقيه اولاً لي انه مايخلي البكرة تطول وتفز وجرومها ماتنمو وحورها يجيك صغير مرة بعدين أمها بجيك حليبها قليل يعني انصحك وانصح الأخوه يضربون البكرة وهي جذعه |
رد: الضــــــــــــراب لقـــيه واختلاف اهــل البل فيـه مرحبا اخوي سلطان .. انا مااؤيد ضراب اللقيه والعيال شرحوا اكثر الاسباب .. لكن انا بقول شي مر علي والعيال ماذكروه وهو ان اللقيه اللقحه من يوم تلد حالها يضعف بشكل سريع بعكس الجذعه تمسك حالها ..والبكار اللقايا تختلف عن بعض ولانقدر نقيسها مقياس واحد.. |
رد: الضــــــــــــراب لقـــيه واختلاف اهــل البل فيـه من المعارضين لذالك ان كانت لقيه واحسن شيء للضراب جذعه واشباب ماقصرو في التوضيح |
رد: الضــــــــــــراب لقـــيه واختلاف اهــل البل فيـه غلطان من ضرب اللقيه ياسلطان وعندي لقيه سرقها البعير وإنتاجها بعد شهر ومن لقحت وهو واقف عظمها افضل سن لضراب هو الجذعه وفوق ومشعل ماقصر في الشرح |
رد: الضــــــــــــراب لقـــيه واختلاف اهــل البل فيـه مرحبا ياسلطان والاخوان وحتى ولو كان عمر القيه طيب لاتضربها اصبر عليها لين تجذع وتشوف غير العمر اللي شفت وانا اعرف شخصيآ أهل ابل مايضربون الا الثنيه واذا دخلت وسط ابلهم تهولت من طولها تقول كنها فحووول من زين عمارها خلك وسط وضرب الجذعه والله يكتب لك الخيره اما اللقيه انا اخالف صاحب الرآي وبشده تقبلو تحياتي |
رد: الضــــــــــــراب لقـــيه واختلاف اهــل البل فيـه ايد أذا كان عمرها طيب وبوجه العموم أذا يسرت البكره لا تردها عن البعير سبحان الله فيه بعض الناس ردوهن عن البعير وحالان وكثير من الابل يضرها الضراب يوقف عمرها والعجيب أن بعض أصحاب الابل مايضربونه الا وهي ثنيه وعلى سبيل المثال\ ابن عميش رحمه الله وضراب القيا يكبر بطونها والسبب الطبي بعدم أكتمال نمو عضلات البطن بما يسبب ذلك ضعف عضلاته |
رد: الضــــــــــــراب لقـــيه واختلاف اهــل البل فيـه عزالله انك صادق يابن صنهات وانا شفت ثنايا لقحات اول بطنه يعني تلد رباع بس تشوف ناقه عظم وطول ولقيت لقايا وجذاع لقحات البطن اكبر من جرمها |
رد: الضــــــــــــراب لقـــيه واختلاف اهــل البل فيـه يامرحبا اخوي سلطان لا والله وانا خوك انا من المعارضين لو تبي تضرب القيه يضرها ويوقف عمرهااا وماقصرو الاخوان في التوضيح تقبل مروري |
رد: الضــــــــــــراب لقـــيه واختلاف اهــل البل فيـه فــي انتظااار باقـــي الاخوااااااااااااااااااااان |
رد: الضــــــــــــراب لقـــيه واختلاف اهــل البل فيـه اخوي سلطان انا ابنقلك رأي واحد خبير بالبل كان معي مرة وشاف له بكرة مزيونة لقية لقحة وانقهر عليها ليه تضرب لقية يقول يغيض عمرها ولا يخليها تطلع مطلاع صح |
رد: الضــــــــــــراب لقـــيه واختلاف اهــل البل فيـه بالنسبه لي لاحظت ان الحيل من ثنايا وفوق ازين عمر وعظم من غيرها من النياق .. وان دل على شي فيدل على ان اللقاح المبكر يضر نمو البكره |
رد: الضــــــــــــراب لقـــيه واختلاف اهــل البل فيـه البكره الطيبه لا انصح بضربها لقيه اما الي يبي الانتاج ولا يهمه العمر يضرب والبل سبحان الله تختلف فيه الي يطول بعد ضرابها وفيه الي يكسر ولا يطول على العموم هي بركه وتوفيق من الله ولا هو مقياس واضح لكن الاغلب تكسر اذا ضربت لقيه اهل البل الطيبه غالباً ينتظرونها ثنيه وتضرب اذا انحد الرجال بيضرب لقيه سواً كما تفضلت لقيت بعير طيب وبغيت تضرب منه ولا لقيت غيرها او لكثره الانتاج او العجله الي مافيها خير انا لي تجربه في الضراب لقيه ولاعاد راحت ديره دمتم بود وشكراً ياسلطان على الموضوع الطيب |
رد: الضــــــــــــراب لقـــيه واختلاف اهــل البل فيـه يــاســلـــطــــان ..والله ان في ناس مايضربون ابلهم الا ثنايا بـس يجي في الناقه طول ماتتوقعه لــكــــن الــضــراب لــــقيـــــه مـــاهــــو بــزين ..لان اكثر الابل تكسر ولا عاد تطول احسن وقت للضراب جذعـه واذا انت مهوب مستعجل عليهن الثنايا احسن واااااااااجد !! تـــقــــبــــل مــــروري و رايي |
رد: الضــــــــــــراب لقـــيه واختلاف اهــل البل فيـه طبعا ( لا ) إلآ في حالة عمر اللقية طيبه وطولها ناهي وجبرها زين أضربها ولا عليها خلاف ،، |
رد: الضــــــــــــراب لقـــيه واختلاف اهــل البل فيـه اشــكر الجمـيع من صــــواات ومـن اعلمنااا برايــه وبيـــض الله وجـيهكم |
رد: الضــــــــــــراب لقـــيه واختلاف اهــل البل فيـه لا والله معارض وبشده .... والتجربه خير برهان سواء عمرها طيب ولا دون الضراب جذعه ممتاز لانه اكتمال النمو |
رد: الضــــــــــــراب لقـــيه واختلاف اهــل البل فيـه الاخ سلطان ولا يهونون الربع اذا اللقيه عجم اشواط رئيسيه وكل مزاين تبي تروح له وتشارك فيه لاتضربها لقيه ولا جذعه لان اللقحه مسكينه ولا عادها تعرض وتذل من كل شي عند اغلب البل وتحنها من شلها وهي لقحه واذا عجمك مقنوي ولا هي بعجم مزاين فاذا يسرت لاترد البعير منها خصوصا اذا راحت للبعير وابركت تحته والله مابعد رديناها من الضراب ولا غلبتها اللي عديت من الضراب بالكبر اضربها البعير وهي حقه ماهي لقيه والان من اكبر الابل واللقيه ناقه ماعاد عليها خطر من اللقاح والبدو يذلون على اللي جرمها صغير من اللقاح من الخوف لا تعسر عند الولاده ولا الراهيه اضربها ولا هو برادها من الكبر ولا من الزين |
رد: الضــــــــــــراب لقـــيه واختلاف اهــل البل فيـه مثل ماقالوا الأخوان اما اللقية الزينة اللي تشوف ان فيها زين خلها الى ثنية او اقل شيء جذعة اما البكرة العادية اضربها لقية ولاعليها انا اضربتها قبل سنتين لقية وولدة والآن من احسن خواتها اللي مالقحن الا جذعات الا اذا شفتها عمرها صغير ومنغطه امهلها سنه لعلها تظهر زيادة. وتقبلوا تحياتي |
رد: الضــــــــــــراب لقـــيه واختلاف اهــل البل فيـه بسم الله الرحمن الرحيم بما ان كل واحد من الاخوان يبدي وجهة نظره فأنا واعوذ بالله من كلمة انا اويد وبشده عدم ضرب القيه وخير الامور الوسط الجذعه والشرع المطهر شرط ان تكون الاضحيه من الابل الثنيه التي قد كمل بلوغها والجذعة ان الله كتب لقاحها تلد وهي ثنية . وانا اشوف من خلال الردود لو وضع تصويت كان رجحت كفت اهل الجذعه على اهل القيه . وسلامتكم |
رد: الضــــــــــــراب لقـــيه واختلاف اهــل البل فيـه اقتباس:
ارحــب ياسلمااان أنا شخصين اضربة عندي لقيه ورايه فيها ضعف في النموو الان والله انها اطول البل شرفــني مرورك يا القــرم ولاهــــــــنت |
رد: الضــــــــــــراب لقـــيه واختلاف اهــل البل فيـه اقتباس:
ارحـــب ياراشــد هذا هو اللي محيرني طال عمرك ان بعض اهل الابل يقولون البكره ليمن ضربة وقف عمرهاا وانا سبق وانا جربتها واضربة بكره لقيه والله مامنعها من النمو ابد والان من اطول الابل اكـيد انا ابلي ابل متوسطه الزين الناادره منيب مضربها الا اذا شفت ثنايها اذا قعدت عنـدي :mwalat19: شــرفـني مرورك يا راشــد والله لايهينــك يا القـرم |
رد: الضــــــــــــراب لقـــيه واختلاف اهــل البل فيـه اقتباس:
ارحــب يا منيـر صـدقة وانا خوك اللي جرمها صغير تمهل لين تروح جذعه اما الراهيـه وش يردها من الجمـل ولاهوب انشاء الله باموقف عمرها شرفــني مرورك يا القرم والله لايهيـنك |
رد: الضــــــــــــراب لقـــيه واختلاف اهــل البل فيـه ارحب ياغالي ضد اضراب اللقيه والاسباب ماقصرو الاخوان ذكروها |
رد: الضــــــــــــراب لقـــيه واختلاف اهــل البل فيـه تبا العلم ضرررررربها وماجاك عندي وش بيصير ان غلبت الروووم صارت هجره خلها طال عمرك لاجت جذعه الا تحتها بكره ترد عليك وتنفعك هذاك اول الابل ماتلقى اعلاف مغير يحترون المطر اما اللحين اعلاف وخير والله يجيب المطر انشالله بس اللقيه لا تضربها الافاخر الوقت تصير تولد متاخره وبيصير حليبها شوي مايضر حوارها وبالتوفيق |
رد: الضــــــــــــراب لقـــيه واختلاف اهــل البل فيـه من واقع التجربه لاتضرب اللقيه ضرب من جذعه وثنيه قبل العام اضربنا لقيه ولقحت ويوم لاقت والناقه تردى حالها ودار الحول ماودلت واستبركت عيت تقوم وشكينا ان ولدها مات في بطنها وجبنا لها الدكتور وقال لازم نسوي لها عمليه نخرج الحوار وراح يجيب مستلزمات العمليه ويوم جا لين البكره مودعه قال الدكتور اكبر خطا تضربون اللقيه لانها غالبا لم يكمل نموها ويصير الحوار اكبر من بطنها اتمنى اني افدتك |
رد: الضــــــــــــراب لقـــيه واختلاف اهــل البل فيـه يااخوان الناس الاولين ماخلو شي يقول شالح بن هدلان مخطبا ابنه ذيب في عرض قصيدته تكسب لي اللي لاقح عقب عدا طويلة النسنوس حرش العراقيب معنا لاقح عدا يقصد بذلك ان الناقة تلقح جذعه ومافوق فلذلك فهي تكتمل في الطول فانا انصح بعدم اضراب الناقة وهي لقية |
رد: الضــــــــــــراب لقـــيه واختلاف اهــل البل فيـه بالنسبه لي انا ارجح اضراب الجذعه فما فوق |
| الساعة الآن 18 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |