|
وش افضل راعي ياخوان؟ السلام عليكم ورحمة الله وبركاته عندنا بالسعودية ان السوداني رقم واحد ولا فيه له بديل ولا شفت احد عنده الاسوداني بس في الامارات غير الي قابلت اكثير من الزملا يا عنده هندي او بلوشي (باكستاني حسب ما يسمونه ) وفيه منهو عنده نيبالي وشفت النبالين عزالله يشتغلون شغل مهب طبيعي بس يبيلهم تعليم فا ما ادري انتم وش رايكم ؟ مع العلم ان عندي سوداني جيد بس راتبه مايسو شغله صراحه . استفتائاتكم يالاخوان ما نستغني عنها مع العلم ان الموضوع علي كثر اطلاعي علي المنتدى مافيه احد تناقش فيه والحلال غالي وشكراً |
الراعي [font=Arial]اخوي وليد اسعد الله مساك انصحك بالسوداني كدرجة اولى وبعده اليمني ممتاز عندي واحد يحلب البل ويضحي ويعشي ويعجن للبل شوار وعجين ويشبك ويحلب وممتاز اي شي تقوله يقول ابشر وحتى العشى اذا تعشيت عنده يطبخ طبخ على كيفك ويطبع البل على كيفك انا ما احط عندها الايمني اما السوداني فلا اجيزه يرفع الضغط وبارد في طبعه [/font] |
السوداني افضل من يرعى البل، ولكن قد تدعو الضرورة لتعليم اليمني والجنسيات الأخرى نظرا لإرتفاع اجور العمالة السودانية البنقالي والهندي ما اظنهم ينجحون أما الباكستاني ممكن يتعلم ولكني افضل تجربة الصومالي بحكم طبيعة بلادهم ووجود الإبل عندهم |
اشكركم علي المرور يا اخوان بس انا حلياً موجود في الامارات وتعرفون وش مدا حب الاماراتين للابل ومع ذالك ما يقربون السوداني والي عندهم زي ما شفت ولاحضة هنود متقنين العمل والله بيني وبينكم العمال توافيق من الله اشكر الجميع |
وعليكم السلام ورحمتة الله وبركاتة اليمني والعراقي راعين ابل بس مادري عن الامانه وهي شبه انها معدومه خاصة عند العراقي واضف على الصومالي التشادي من قبيلة الرزيقات مفردها الرزيقي والله انه عند واحد اعرفه اخلاق ودين وعمل ويم ماتبي معك وكلام اخوي عطيه صح السوداني افضل من دخل السعودية ورعى البل |
السودان (((كباشي أو هواري))) وانتبه من اللي من الجزيرة |
مساك الله بالخير بالنسبه لراعي افضل شي السوداني بشرط يكون جديد (بقراطيسه) اما المتمرس بالديره لا يقربك ولا الهندي اطيب بال واسمح من السوداني خاصه اذا تعلم وذا تعلم عز الله انك ما تعقب ورااه |
كثر الله الف خيركم وكل من مر اشكركم لاستعراض بعض خبراتكم اشكركم |
الله يعز ابو هنــــــــــــــــــــــــاد وبس |
افتك من اليماني وانت الرابح فأنا شخصيا اشتغل معني حوالي 18 يماني وما يطولون بعضهم تجيبه ولايمسي والطيب منهم يجلس شهر وعلى العموم السوداني راعي ابل رقم واحد خاصة اهل البل في السودان (( الكباشي- الكاهلي -الهواري)) ويمدحون الهنود وخاصة من راجستان |
يازين ابو هنود لا تعلم بس وين تلقاه اما الزوله ياقل البركة فيهم, في سنتين اشتغل عندي سبعة ولا زكى منهم غير واحد وجا كفيله وخذه |
الزول .. رقم واحد وعليك بالكباشي أو الهواري ثانياً عليك بهنود راجستان وأشرط على اللي يجيبه إنه يكون راعي أبل وبإذن الله بترتاح وأهم من هذا وذاك يا أخوان الأمانة في العامل متى ما كان عاملك أمين .. بترتاح أنت وأبلك بالتوفيق للجيمع |
أنا عندي راعي هندي يحلب وشغله زين أهم شي يكون الهندي وكاله (يعني ماأشتغل عند أحد قبلك) |
شكرا اشكر الجميع علي الردود شكراً |
إذا بغيتووووووووووووو الحقيقة ماأفضل من رعاية راعي البل لها وهذا رأيييييييييييييييييييييييييييييييييييييييييييي !!!!!!!!!!!!!!! |
كلامك صحيح ميه في الميه يابن هضبان والمثل يقول حلال تودعه بعه..... ولكن في هالوقت مستحيل ترعى حلالك بنفسك وظيفة ...والا تجارة مرتبط بها ...والاعيال مسئول عنهم و.......الخ |
صدقت يا بن هضبان انت وابن شديد حلال تودعه بعه بس عموما سدد وقارب لاترعاها بنفسك بس خلك عندها مرتين ثلاث بالاسبوع ودور لك راعي ذمه من اي جنسية كانت ودبره على كيفك وتقبلوا تحياتي |
أفضل راعي علي قولة اخونا الدوسري ( وكاله جديد ) ويفضل الي اجره قليل ايا كانت جنسيته بشرط ان يكون بطبعه الصبر ومخه مفتح للتعليم وكلها توافيق من رب العالمين |
ياجماعه عليكم بالصومالي عندي له سنتين عارف كل شيء من يوم جاني ويقول والدي عنده ابل وكنا نشتغل فيها |
صدقت يالبناخي الصومالي مابه كلام وهم اهل ابل وانشط من السوداني والكشميري زين بس يبي توجيه وتعليم وخذ راعي00 |
بسم الله الرحمن الرحين يا اخ وليد .. الرعيان واجد وانت تشوف الي يناسبك مافي جنسيه احسن من جنسيه كلهم كويسين بالنسبه لي ( العراقي , السوداني , اليمني ) الهندي او البنغالي بعد التعليم . وهذي تياسير من الله والله يوفقك بالراعي الزين والابل ما تحتاج امانه مثل ا الغنم لانه من الطبيعي انت تكون متواجد بالاسبوع ولو مره على الاقل لانه الراعي يسرح بمعاش وانت اترجا الله في حلال. واشكرك |
السلام عليكم ورحمة الله ويركاته موضوعك مهم والناس فيهم الطيب والي ماهو طيب انصحك تجيبلك هندي ولا نيبالي وتعلمه على البل وسنعها وراتبه اقل بكثير وبيشتغل في اي شغله تبيها اما السوداني ماهو مشتغل الا راعي وبس وسلامتك |
| الساعة الآن 02 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |