|
الناقه تعشر بعد 20 يوم تكسر عندنا ناقه تعشر وبعد 20 او 15 يوم تكسر نظفنا رحمها وقطعنا الصيد وكويناها اسفل حيا الناقه ولافاد |
رد: الناقه تعشر بعد 20 يوم تكسر اكرمها بالعلف والله بوفقك |
رد: الناقه تعشر بعد 20 يوم تكسر مرحبا اخوي فيصل الناقة تضربها على نفس الفحل ؟ طبعا الموسم الان راح وان حصلت لك بعير ما بعد فدر وهو ملقح فقبل ما تضرب الناقة عطيها فيتامين اي سيلينيوم لمدة اسبوع ثم اضربها وعطها ابرة تثبيت اثناء الاضراب وعسى الله يمنحك ويكتب اللي فيه خير وصالح |
رد: الناقه تعشر بعد 20 يوم تكسر اخي مسعود بارك الله بك ونفعا بعلمك السيلينيوم معدن وليس فتامين |
رد: الناقه تعشر بعد 20 يوم تكسر املحلها وان شاء الله بتلقح حط في رحمها اكرمكم الله كسره ملح وبتلقح الى الله راد |
رد: الناقه تعشر بعد 20 يوم تكسر يالربع حرصنا على اضراب البل وهي ماهي مياسير هو اللي يسبب مثل هذه الحاله وتلقى فيها حميرا من كثر الضراب اذا الناقه معسوره خلها لا عاد تضربها ذا الزمان واذا جا الزمان الجاي لا تحاول تضربها الين هي من نفسها تبرك للبعير وان شاء الله ان تلقح |
رد: الناقه تعشر بعد 20 يوم تكسر مرحبا اخوي اسئل مجرب عطها مطرق تحت السر جهة الديد الناقه منسطحه |
رد: الناقه تعشر بعد 20 يوم تكسر اقتباس:
والله انك راعي ابل صح ثم صح وزود على كلامك ليس مطرق بل صليب واحمها عن البعير أربعين يوم ثم اعرضها عليه واذا كانت تضرب البل قيدها الناقه منسطحه علاج مجرب والله أعلم |
رد: الناقه تعشر بعد 20 يوم تكسر السلام عليكم ورحمة الله وبركاته يا اخوي وش معنى كلماك منسطحه هل تقصد ان الناس شاين حالها وضاعفه ومنشخله ام ماذا وفق الله الجيمع لما يحبه ويرضاه |
رد: الناقه تعشر بعد 20 يوم تكسر يمكن يقصد منسدحه لكن الحل الافضل والاسلم هو الحل البيطري واخر العلاج الكي فمن الافضل حاليا تحليل الدم ومعرفة نسبة الهرمونات الضعيفة لاختيار العلاج المناسب ويوجد الان مستشفيات حكومية مجانية ولله الحمد واذا اردت مختبر خاص ارسل لي على الخاص |
رد: الناقه تعشر بعد 20 يوم تكسر اقتباس:
|
رد: الناقه تعشر بعد 20 يوم تكسر اخوي بالنسبه لناقتك كان عندي حاله مشابها لها و عجزت فيها تلقح لها اسبوعين وتكسر جاني رجال الله يوفقه و ييسر دربه قال قطعت الصيد قلت ايه نعم قال طيب فتشت تحت لسانها قلت لا والله ولا طرتلي قال ارفع لسان الناقه بتلقى مثل الصيد اللي يجي فالناقه طول االاصبع يوم لقيتها قطعتها بالموس وحطيت محلها ملح و ابشرك الحين خلفاء ولله الحمد .. انت افتش تحت لسانها وشف و ان شاء الله ان دواها بسيط تحياتي |
رد: الناقه تعشر بعد 20 يوم تكسر وعليكم السلام ورحمة الله وبركاته الاخوان ماقصروا وزيادة على الموضوع راجع الرابط http://www.mzayan.com/vb/showthread.php?t=32390 |
رد: الناقه تعشر بعد 20 يوم تكسر اقتباس:
|
رد: الناقه تعشر بعد 20 يوم تكسر [QUOTE=حمد الحريّص;481605] وعليكم السلام ورحمة الله وبركاته الاخوان ماقصروا وزيادة على الموضوع راجع الرابط دخلت على الرابط ووجدة ماتسمى بالخبثه لكن هل من الافضل كيها أو ما تفضلت به وشكرا لك |
رد: الناقه تعشر بعد 20 يوم تكسر السلام عليكم ورحمة الله وبركاته ياخوي فيصل الامور الي تمنع القاح واجد وشف وش الطرق الي انت سويتها في ناقتك والامور الي انت ما سويتها سوها في ناقتك واسال الله ان يوفقك في علاج سريع وصحيح. اسباب منع القاح: 1-الصيد او الذيبه (يجب تقطيعها)وهي في سقف الناقه من فوق وتوجد على يمين السقف او يساره (الصور موجوده في عيادة مزاين البيطرية الموضوع لخوي محمد بن حمد القحطاني) واتمنا اذا كان هناك اي ملاحظه اواي ايظافه على ماذكرة او اي معلومه نسيتها او استفسار واذا كانت هناك اي معلومات تمنع القاح اتمنا من الاخوه ارسالها لي 2-الخبثه (يجب قطعها وتنظيفها) وتكون اسفل سقف الناقه كانها حبه وراسها ابيض ويظهر منها اما خيوط بيضا اوحبه مثل فصمة التمرة (الصوره موجوده في عيادة مزاين البيطرية الموضوع لخوي حمد الحريص) 3-الذيخ (يجب حفه اوقطعه) ويكون في لسان الناقه من الاسفل اذاكان عرق ابيض ملمسه خشن حفه بموس واذا كان لحمه شكلها مثل الصيد اقطعه زي ماقال عواض 4-العش (يجب الدخال في رحم الناقه وتنظيفه) العش وهو يكون الحوار ميت في بطن امه ويبقى اعظامه في رحم امه 5-منسطحه (يجب كوي الناقه من خلاف السر وقبل ديسها اما مطرق او اثنين اوعلى شكل + او على شكل T) وفيه ناس يكونها مطرق من يمين الذنب ومن يساره من فوق قريبه من الوروك 6- السمنه (يجب تقليل العلف عليها عشان تضمر وتمسك القاح) 7- الجسره (اهم شي ان الناقه تكون مجسر ولوبابرة جسره) 8- الفحل ( اذا الناقه تعشر منه وتكسر حدها على اي فحل غيره حتى لونه شين ولو يختلف لونه مع لون ذودك) 9- العين (ولها حلين اما الرقيه الشرعيه او اعرض الناقه في السوق علنها نيت بيع ثم ردها للبل وهد عليها الفحل اما تلقح ولا مالها حل) ملاحظه : ( يجب وضع الملح بعد التقطيع بنسبه قليله لانه اذا زاد الناقه تضيع اجسرتها) وهذا حد علمي واسال الله ان ينفع المسلمين جيعا و اصحاب هذا المنتدى الشامخ ورواده |
رد: الناقه تعشر بعد 20 يوم تكسر [QUOTE=ساجربن عدوان;481610] اقتباس:
ارحب ترااااحيب المطر باخوي ساجد مالك لوا اخوي الافضل مثل ماشفت في الموضوع هذا وانا اخوك ما تعلمته من شيباني واهل العرف بهذا الموضوع طبت وطاب راسك |
رد: الناقه تعشر بعد 20 يوم تكسر [QUOTE=حمد الحريّص;481616] اقتباس:
|
رد: الناقه تعشر بعد 20 يوم تكسر السلام عليكم ورحمة الله يافيصل في شي يمنع القاح اسمه الكلبة ماعندي علم فيه وابنشدلك عنه اذا وصلتني اي معلومه ابرسلها لك |
رد: الناقه تعشر بعد 20 يوم تكسر يالربع الناقه تعشر وتكسر حسب كلام راعيها واللي فيها صيد ماتعشر بالمره ومن واقع تجربه اللي في ناقتك تسطح ياطويل العمر اكوها من عند سرها يعني على السر سو دائره بالمراقيع وان شاء الله انه يتم لقاحها |
رد: الناقه تعشر بعد 20 يوم تكسر اقتباس:
انا ودي ان الرجال يفتش عن ناقته ويعالجها بـجميع الوسائل الشعبيه ..او الطبيه الحديثه اللي تكون خارج نطاق الكي .. الا اذا صعبت الامور ولم يكن لها حل غير الكي في ذالك الوقت قدر الله وماشاء فعل الكي كما عرفنا انه اخر العلاج و يستحسن ما دام انه في بداية اكتشافه لهذي المشكله ان يتصرف معها بجميع الحلول المتوفره و لا يخفاك ان بعض الكي يعيب مظهر الناقه وحنا نخشاء على الناقه من ذالك .. و الهداد باقي عليه وقت طويل يحاول معالجتها بما تكرمو فيه الزملاء ومعرفه مرضها .. في ذالك الوقت اذا كان مرضها لا يعالج الا بالكي ينضجج كيته على ماقالو و الله يكتب لها الشفاء تحياتي لك .. |
رد: الناقه تعشر بعد 20 يوم تكسر اقتباس:
|
| الساعة الآن 59 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |