|
التقييم بين الخبره والتدريب الكثير يعرف الفاخر من الزين من الوسط من الدون ولكن ليس بكثرة من يعرف يقيم قيمة حلاله الماديه اي بمعنى كم يسوى دراهم وحبيت اني اطرح هذا الموضوع لمعرفة وتدريب نفسي واخواني على التقييم وهو ما اراه مهما للجميع وذلك مما رايته من التعليقات لبعض السلع وعدم بيعها رغم وصولها لاقيام عاليه وذلك يرجع لسوء تقييم صاحبها لما تستحقه او جهل السوام في اعطاء المطيه ما تستحقه وعلى ضوء زين الناقة سيكون تقييم قيمتها السوقية لذا ارى ان يطرح الاعضاء صور ويتم تقييمها من قبل الاعضاء الاخرين ويكون مرجع لمن اراد الاستفاده وزيادة الخبره في التقييم ارجو التفاعل وسانقل الردود والصقها على اصل الصوره المرفقه اختصارا للردود الصوره http://www.alhadafa.com/uploadedfiles/images/10808.jpg السن ام رابع اللون حمراء الناقه عشراء ميت ولدها عقب ولادها ارحب يامشعل وهذا تقييم مشعل الشويش اقتباس:
اقتباس:
اقتباس:
|
رد: وش رايكم أرحـب يابو فـالـح ... موضـوعـك ذا أهميّـه عاليــه جداً .. وقيمـه كبيـرهـ .. لـ أعضـاء المنتدى .. وزوّارهـ ... وبيـض اللـه وجهـك على اقتنـاص مثل هـذه المواضيـع المتفـردهـ .. والغير مسبوقــه .... ................. الحمـراء كفــو .. ولكن الصوره مابينـت منها واجـد ... لكن من وجهة نظري المتواضعـه : أعطيهـا مـــن 55 إلـى 60 ألـــف .. ! .............. تقديري .. واحترامــــــي |
رد: وش رايكم مشكور على الموضوع الجديد على المنتدى والمفيد ولاكن من وجهة نظري انها ما تتعدى 30 ألف نظراٌ لسنها ولو كانت عجم يمكن تجيب قيمة اكثر |
رد: وش رايكم اتوقع 27 الف |
رد: وش رايكم اشكر تفاعلكم وننتظر البقيه من الاخوه الاعضاء والفائده للجميع سيطرح من قبل كل عضو صوره يود المشاركه بها نهاية كل اسبوع اهم شي ان تكون معلومه لديه سنها سومها سابقا وحاليا وان تكون الصوره واضحه تعطي المطيه وضوح لاجل التقييم وما وضعته من صوره هي تجربه فقط لنرى مدى تفاعلكم مع الطرح والموضوع ملاحظه الصوره القادمه يوم الجمعه من قبل الاخ مشعل الشويش ومن بعده الاولويه لمن شارك بعده ثم بعده وهكذا كل جمعه صوره |
رد: وش رايكم ماشاء الله عليها انا اعطيها من 40 الى 50 وفي انتظار دوري ولاهنت يابو فااالح على الموضوع المميز |
رد: وش رايكم ماشاء الله تبارك الله أشكرك أخوي خالد على الفكرة الرائعه والتي تحسب لك أولا ثم للمنتدى بأنه يوجد مثلك لهم مثل الافكار الجميلة بالنسبة للناقة راسها طيب وترى الصورة مابينت لنا كاملة لاكن بحكم سنها واللي واضح لنا أعطيها من 30 الى 40 |
رد: وش رايكم ايه هذي الموضيع توسع الخاطر انا اعطيها من 18 الى 25 |
رد: وش رايكم اتوقع والله اعلم من 25000 الف وحول ... لان ياليت من يعرف لنا الوسم لمن لأن عندي ناقتين عليها نفس الوسم |
رد: وش رايكم اشكرك يابو فالح على الموضوع المفيد للجميع اتوقع والله اعلم من 15000 الف ونازل |
رد: وش رايكم الموضوع اكثر من رائع وأقترح على الادارة وضع قسم يخدم هذا الغرض |
رد: وش رايكم مساء الخير الناقه في بحر الخمسين |
رد: وش رايكم
|
رد: وش رايكم اتوقع من وجهت نظرى 20الف لانها ناقه كبيره لاتنطح مزاين فقط ناقه انتاج ومن قال فوق 50 فقد بالغ والسوق اسمه مرضى |
رد: وش رايكم شكرا على الفكره الطيبه وانا اتوقع من 10 الى 15 الف وسامحوني على القصور |
رد: وش رايكم ارحب يا خالد هذي المواضيع التى تفيد الاعضاء و الزوار بيض الله وجهك بالنسبه للناقه طال عمرك عمرها طيب و راسها طيب واعطيها دون 40 الف تحياتي لك يالغالي |
رد: وش رايكم لاهنت يالفالح واما بالنسبه للناقه فهي ناقه طيبه وتنتج من البعير الطيب ان الله كتب وكبيرره وانا اعطيها من 15 الى 30 وكل رجل له نظرته .. |
رد: وش رايكم موضوع راقي جدا كرقي صاحبه - بيض الله وجهك يابوفالح ، وانا أول المستفيدين من موضوعك الرائع .. |
رد: وش رايكم اشكر الجميع على المشاركه والتقييم بالنسبه للناقه ناقه فعلا طيبه وصدر ابل وناقة انتاج رقم واحد وولدها فحل مفحلينه اهله الحين والسوم عليها سابقا قبل اربع سنين سوم صامل 100,000 لكن الان بعد كبر السن فاكيد انها لن تصل لهذي القيمه واعتقد ان تقييمها من 20 الى 30 لمن اراد الانتاج وهذى رايي ولم تعرض للبيع من قبل اهلها ننتظر صوره جديده من الاخ مشعل نظرا للاقبال على الموضوع من قبل الاعضاء واضهار القبول له |
رد: وش رايكم اقتباس:
عـــز الله ان المنتدى اختار مشرفين مميزين دام هذي مواضيعك ياخالد ارق سنود والناقه الي عرضتها طيبه لاكن التقييم صعب على الصورة فقط وانا اعطيها من 15 الف وجاي للصامل وليس الشريطي حسب السوق الي عندنا |
رد: وش رايكم من الصعب تقدير الاسعار فلولا اختلاف الاذواق لبارت السلع ولكن من تقديري يتراوح سعرها في ( 15 الف ) تطلع شوي او تقل شوي لا هنت ياابوفالح فكره رائعه وموضوع مميز ولا غرابه من ذلك فالكاتب ابوفالح |
رد: وش رايكم فكره طيييبة وموضوع اكثر من رائع انا اقول من 17-22 |
رد: وش رايكم ايـــه ياشيخ هذي المواضيع والا بــــــــــلاااااش يابو فالح عز الله انك جبت لك موضوع مفيد ويزيد من معلومات الجميع واختلافات وجهات النظر والتقييم طبعاً وكلن له نظره وتقييمه فما نستغرب الابداع والتميز دامه منك يالذيب انا من وجهه نظري المتواضعه انها فوق 15 بس ما تتعدى 25 ابد .. ولك و للجميع تحياتي ،،، واعجابي بهالمنتدى الشاااااامخ اللي يضم اعضاء يتسابقون بالطيب والعلوم الغانمة اخوكم ///// خالد الخالدي |
رد: وش رايكم http://mzayan.com/mlffat/index.php?a...etfile&id=5332 معشـــر .. سنها والله العالم أم رابع او ام خامــــــس .. والناقه عليها نقص حال .. والصورهـ واضحـــــه .. وعطونا تقييمكم ... علماً ان الناقه انباعت قبل فترهـ ... لكن هدفنا من الموضـوع واضح ............. ................... |
رد: وش رايكم الناقه وضاحها حلو وغاربها بحر ورقها كايف وتشره على الاذن وتقييمي حسب عمرها ام رابع ومعشر حول من 12 الى 15 الف ريال |
رد: وش رايكم :mwalat33:السلام عليكم ابو فالح المفروض انت لاتشارك :mwalat33: انت بينت لنا طول غاربه ورقها معناها انت اكيد بتقيمها :mwalat12:صح عشان كذا انا اقول من 10 الى15 بس لايزعل علينا ابو فالح :mwalat32: تراعقب ذا الموضوع وذا الفكره زاد قدره الله يرفع قدره100000 مره مره زنقه زنقه الودعاني] |
رد: وش رايكم سعرها لايتجاوز من 11الى 14 والله اعلم |
رد: وش رايكم موضوع متكتك وماينتفوت الله ينفعنا به ويجزاك خير يابوالفالح الـتقييم : 15000 - 18000 |
رد: وش رايكم موضوع مميز ويستاهل التثبيت والتقييم 15 الف |
رد: وش رايكم بصراحه موضوع رقم واااااااااحد موضوع فردي بالفكره اتوقع قيمتها من 10الاف الى 13اكثرمن كذا صعبه لونها ووبرتها وسنها والله اعلم الزبده بيض الله وجهك |
رد: وش رايكم لاهنت يابو فالح على الموضوع الطيب رايي في الناقه الي عرضها مشعل الشويش الناقه فاشحه رجولها وطلعت الرقبه طويله وطلع رقبتها تشره عليه لونها ماهو المطلوب وواضح من الصورة ان شعرتها مهي معكرشه الناقه ضيقه اذنها جنوبيه والسنام مهو المطلوب وكبيره سن ام خامس على العموم سعرها من 8 ومااعتقد انها تعدى 12 الف والبيع توافيق |
رد: وش رايكم الوضحى ماتتعداى قيمتها 12 الف هذا لو اني باشتريها ما اعطيها فوق 12 شكرا |
رد: وش رايكم الوضحى الي عرضها الشويش قيمتها من 11 الف وفيها تزيد او تنقص الف |
رد: وش رايكم مساكم الله بالخير .. بالنسبه للوضحى بيعت قبل فتره فالجنادريه بفوق الخمسيييييييييييين ألـف ... ومثل ماقالوا الاخوان : البيع توافيق والرزق بيد الله ... ولو أني بشريهـا ابا اعطيه ليا 25 ألف وانا مرتاااااااااااح ... ! وكلن له نظر .. ... ياليت يابو فالح تنسق الموضوع وتشوف الدور على من ..؟ وتغير العنوان .. <<< كلها طلباااااات !!!:mwalat1: |
رد: وش رايكم حياك الله يا مشعل بالنسبه للتقييم فهو على الصوره المرفقه وحال الناقه وقد يكون فيها تفاوت في النسب بين المقيمين والصوره تحتّم على المقيم التقييم على حسب الصوره وهنا نعذر بعضنا في الخطاء بالتقييم فالصوره ليست كالطبيعه فالتقييم على الصوره اصعب من التقييم على الطبيعه التي ترى كل ما في المطيه زينها وعيبها فلو اعيد عرض الصور للحمراء والوضحى فلن يتغير تقييمي لها الدور على سلطان الدلبحي لعرض صوره جديده ويحرص انها بيعت قريبا او سيمت قريبا العنوان سيتم تغييره بناء على طلب مشعل الشويش |
رد: التقييم بين الخبره والتدريب بيض الله وجهك على الفكرة ياخالد |
رد: وش رايكم اقتباس:
هذي يا مشعل انا موصلها 16ورفض يبيعني هي عند المغيري |
رد: التقييم بين الخبره والتدريب هـلا بسلطـان ... الناقه شراها رفيقً لي من ضواحي حايل .. ولا اعلم هل له شريك اللي هو المغيري أم لا ..؟ والناقه باعها با اكثر من الخمسين ... .............. |
رد: التقييم بين الخبره والتدريب موضوع جميل جعله يسلم ابو فالح ويسلم كل من شارك...منكم نستفيد ياهل النظر والخبرة. |
رد: التقييم بين الخبره والتدريب لعدم جاهزية الاخ سلطان الدلبحي نشارك بهذا المقطع والصوره لخلفه ام رابع تحتها قعود موجه سلم ومنيح وهديه وناقة انتاج ملاحظه مهمه لعل الاخوان فهمو من الموضوع تخمين القيمه فقط ولكن احب التنويه ان يبين المقيّم مواطن الزين والنقص في المطيه من راس لغارب لظهر ولون وعظم وطول وشعره ورقبه واذن وعرنون وسبال وغيرها من الوسره الكامله للمطيه ومن ثم يضع تقييمه المالي لها وهي تقريبيه فقط للتعويد على التقييم وليس اختبار لاحد الصوره الفديو |
| الساعة الآن 55 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |
