استراحـــه مع الشعر ولكن من نوع آخر
 

مرحبا بالجميع صباح الرضـــى بما ان القسم للاستراحه حبيت نستريح ونغيير جو مع الشاعرين ضيدان بن صبحان اللزيزي العجمي وسعد بن عبدالله الهتلاني العجمي وهما شاعران. كانت تجمعهما صداقه برغم فارق السن الكبير بينهم حيث ان سعد الله يرحمه كان شابا ً بعكس صديقه..وقد حدثت بينهم رديات كثيره تمتاز يالطرافه ومن هذهِ الرديات مادار في احد المقاهي حينما بدأ ضيدان بقوله:

تطلب لي الشاهي وتطلب لك حليب..//.. وانا على الحليب كبدي ذايبه انا احمد الله يوم ماانت بـ لي نسيب ..//.. يقطع صبي ٍ مايقدّر شايبه... فرد سعد عليه : قـم اطلب لنفسك ترى ماانت بـ غريب..// ..ولاني بـ طالب لك ولاني بـ جايبه تبغى الكفيّــا يوم طرّيت المشيب..//.. واتعبتنــي مثل الوزير ونايبه ... فقال ضيدان : في خوّة الطيّب انا مالي نصيب ..//.. ومن خوة الرديان نفسي طايبه وفد كان ظني فيك للعله طبيب..//.. والاريا.. بها مخطي وفيها صايبه. ورد سعد الرد الاخير فقال : كل ٍ يبي يرمي رفيقه في قليب ..//.. وابليس نوّخ عندنا ركايبه وعلّمته الممشى سبقني في الخبيب..//.. اللي علومه كلّبوها خايبه...

ومما دار بينهم ايضا ً ان ضيدان جاء الى سعد وقد حس ان سعد يملك ثروه في البنوك فقاله له :

عطنا من اللي ياسعد ربي عطاك .//.. عندك فلوس ٍ في البنوك ونايمه وانا رفيقك دايم ٍ وامشي ورك..//.. وماادري متى تمطر سماك الغايمه .؟ فرد سعد : للي عطاني خير بالشحذه بلاك..//.. هذي عطايا الله وذي قسايمه يومك حسود وتّو مابيّن رداك..//.. ماعندنا لك مايفطر صايمه فرد ضيدان : اظن من زارك بـ بيتك مانساك ..//.. ولااظن مثلك تنّسى قدايمه يارجل فكّر زين والرب يهداك..//.. عزّم ترى الرجّال من عزايمه فرد سعد : تعش ّ عندي جعل ماتاكل عشاك ..//.. عسى تعشـّاك الطيور الحايمه واللي لنا جابك عسى يقلع مدااك ..//.. واللي يبي فرقاك محدٍ لايمه فرد ضيدان الرد الاخير: لاتحسب انا قاعدين ٍ في رجاك ..//..وعاد الجمل يمشي على قوايمه يالله يالمعبود جارك ودخلاك ..//.. راحت خساره ذا الصبي تمايمه

ردياتهم كثيره وان اعجبكم الموضوع كملنا معهم ومع جزالة شعر الطرافه اختكم العبيه

ابيات طرية وجميلة

لاهنتي يالعبيه ويعطيك العافيه

العبيه

لا هنتي والله أعجبنا وصراحه يوسع الصدر

رديات جميله أقرب الى الفكاهه .


حفظ الله .

محجوز ولي عودة

الله الله

أبيات طريّة ورديّات فيها من الفكاهة والطرافة الكثير والممتع بين شاعرين متمكنيين

استمتعت بقرائتها اكثر من مرة

أختي العبيه سلمت يدكِ على اتحافنا بهذه الردية الجميلة

ولم أعلق في أول مرور لي حتى أتمعن بالقراءة

دمتِ لنا متميزة

وحفظكِ الله

أخوكِ

إقدع عسى يقدع على راسك الذيب / في خايع ٍ مابه من الناس دوعي
متعطل ٍ في البر قبلي تناقيب / من ليلة الجمعه ليوم الربوعي

هههههههههههههههه

طرافة حلوة وأعاجيب جميلة بين أصدقاء وأحباب

لا هنتي أختي العبيه

والله يعطيكِ العافية

أخوكِ

العبية تسلمين والله على الموضوع ..

بصراحه نفتقد في هذه الايام الانفس الطيبه عند المزاح ..

اشكرك من قلب على امتاعنا بفكاهيات الشاعرين الجزلين ..

تقبلي تحياتي وتقديري ..

اخوك سعد

اختي العبيه تسلم يمنت علي هذا الروائع الادبيه وتري نريد المزيد

الف الف شكر يا اختي العزيزه على ها المحاورات الاكثر من رائعه وخاصه الشاعر الكبير ضيدان وقفشاته الجميله وانا من المعجبين في هذا الشاعر المتمكن من ترويض وتصفيف الكلمات والمفردات وضيدان لديه محاورات جميله مع الشاعر الكبير سلطان الهاجري
وفي الختام لكي الف شكر مره اخرى وانامتشوق للمزيد من مفاجأتكي الرائعه
مع تحيات اخوكي في الله بدر الحميدي المطيري

جاك المسير مالقى منك ترحيب ... لاجبت له قهوه ولامن قدوعي

ياليتني دوّرت غيرك معازيب ... جيتك جويع ورحت منّك بجوعي


العبيه تسلمين على نقل هذه الرديه الفكاهيه لشاعرين امتازا


بروح الفكاهه والمرح لاهنتي.......

الاخت العبيه

لاهنتي

أختيار طيب

لشعراء مميزين

طابت أوقاتك 0

الاخت العبيه 0

شكرا لك ولاختيارك المميز 0

دام تواصلك ------- تقبلي أعجابي 0

لا هنتي اختي العبيه علي المواضيع الراقيه وكلا من الجميل جميل

ابيات طرية وجميلة

لاهنتي يالعبيه ويعطيك العافيه

موضوع شيّق يستوجب رفعه بين الحين والآخر ..

تسلمين يالعبية ..



تقبلي تحياتي

اخوك

ايه اعجبني الموضوع بالحيــــــــــــــل

ولاهنتي على الاختيار الرائع

(( للي عطاني خير بالشحذه بلاك..//.. هذي عطايا الله وذي قسايمه ))

جاز لي هالبيت انا والله ياهووو قوي

:)

الاخت العبيه لاهنتى واختيار ك متميز

الاخت /العبيه يعطيك ربي الف عافيه

لاهنتي على عرض هذه الرديات الجميله بحق استمتعت بقرائتها

أخوك تركي

الاخت /العبيه يعطيك ربي الف عافيه

لاهنتي على عرض هذه الرديات الجميله بحق استمتعت بقرائتها


الف الف شكر