|
بعارين اللدام السلام عليكم يالربع انا ابنشدكم عن البعارين الي في اللدام (بعيرإبن لويبد المري / بعيرمطر البقمي / بعير اليامي) انتاجها و كيف طريقة السرا وجزاكم الله الف خير |
رد: بعارين اللدام وعليكم السلام ورحمة الله وبركاته اما بالنسبه لبعير الشيخ مطر البقمي فراعيه موجود معنا في المنتدى عضو مجلس اداره وممكن يفيدك ابومطر وهم علومهم كلها طيبه ورياجيل سمعتهم سابقتهم بالعلم الطيب اما ابن لويبد المري فانا جيته شخصيا ورجالا ليت البعارين الطيبه عنده وعند شرواه منطوقا طيب واستقبال طيب وعندهم سرا قبايل يوم للافهيده ويوم للجرابعه ويوم للبريد ويوم للابحيح ويوم ليام والمناصير ومحلف والخميس لضيوف اما اليامي جيته حاط له شبك مثل شبك ارامكو وحاولنا ندخل نسأل الرياجيل الي داخل لانا نشوف سياراتهم عند البل لكن عيا البواب يخلينا ندخل والظاهر انهم بيفتحون سرا لاني اشوف فيه شبك في طرف المزرعه من شمال |
رد: بعارين اللدام بيض الله وجهك ياخالد وماقصرت على المعلومات الوافيه,,, |
رد: بعارين اللدام تسلم ياهادي على الموضوع المفيد بالنسبه لبعير ابو مطر يجهزون شبك للظرائب خارج المزرعه ويبداء اواخر الشهر ولا فيه لا سراء قبايل مثل المري ولا شي الناس كلهم سواء وكلن ونصيبه الى الله كاتبه واليامي سالت السوداني لاني حولهم وقابلته عند العلف وقالي يبداء السراء شهر 12 ولا عنده علم عن الاليه والى عنده خبر وكاد من الاخوه لا يبخل علينا |
رد: بعارين اللدام بيض الله وجهك ياحمود وماقصرت على المعلومات. |
رد: بعارين اللدام اقتباس:
بسراء المره حلوآآآآآآآآآآآآآآآآآآآ الفهيده - البريد - البحيح – الجرابعه كلهم مريه وين القبايل الي مسوين لهم سرا واليوم الي باقي في الاسبوع ليام كان حطو لوحة من عند مفرقهم وكتبو عليها للمريه وبس ونقطتين وفاصله وتحتها خط باللون الاحمر الله يبارك لهم فيما اعطاهم الكتاب بين من عنوانه أعجل علينا يابومطر في بعيرك |
رد: بعارين اللدام اقتباس:
ياخي الموجودين من القبابيل غير ال مره عددهم قليل جدا لذلك خلوهم يوم الخميس واكثر الي عندهم ربعهم ال مره نعم الكتاب بين من عنوانه انهم علمهم طيب ورياجيل يقدرون ولافيهم حكي |
رد: بعارين اللدام بارك الله في الجميع..... ابن لويبد علومه كلها غانمه ويستاهل الطيب....................وننتظر منه يغير طريقه الظراب؟؟؟ اكيد ربعه لهم الاولويه والحق.....بس لاينسى الضيووووووووف ويعطيهم يوم واحد بس؟؟؟؟؟؟؟؟؟؟؟؟؟؟؟؟؟ الله يوفق الجميع |
رد: بعارين اللدام بيض الله وجه ابن لويبد والبقمي واليامي والبعارين في اللدام واجد بعير الرحماني ولد خروفان اللي جنوب ابن لويبد ما شاء الله تبارك الرحمن انتج انتاج طيب بأول برق وثاني برق أنتاجه كاااايد وبنات خروفان كل ما كبرت زانت وهذي زينها طراح وش لون اذا كبرت ولا عليه سرا ولا هم يحزنون ويا مدور الأنتاج لا يفوتك بعيره حيرانه تباري مفاريد البعارين اللي حوله بعير البواردي اللي في المزرعه وهو على الكهرب ومن بغاه يكلم اللي بالمزرعه وما هم بمقصرين أهله بس البعير فيه ذيبة قويه بعارين السحيباني ويبي لك تكلمه قبلها وتعال وادخل نوقاتك وبعارينه واجد وطيبه وساسها أطيب بعير ابن عطيشان في المزرعه اللي حول الكيماويه وبعير منتج فردي وطيب |
رد: بعارين اللدام الله يزيد و يبارك |
رد: بعارين اللدام يااخوان خلونا بالموضوع وسرى المرى للمره ماهو لحد هذا الكلام الصحيح والله يرزقهم ويستر على بعيرهم نبي علوم الفحول الطيبه ومواعيد سراها وطريقت السرا عليها وسلمتو ودمتو |
رد: بعارين اللدام [QUOTE=خالد الحمرا;398095]بيض الله وجه ابن لويبد والبقمي واليامي يعطيك العافيه يابوعبدالله على المعلومات الطيبه من ردك يابوعبدالله شكلك تعرف اليامي ممكن تعلمنا عن السرا كيف ومتى؟ |
رد: بعارين اللدام اللدام القبايل الي فيه مشكله واكثر من عدد ال مره مع احترامي الشديد لهم ونظام السراء بالطريقه هذي عنصري بحت يعني قصراه من القبايل الثانيه مالهم حق انزين المتعارف عليه ان الناس في هالوقت تحمل حتى من بيشة في طلب البعير المنتج هل صاحب البعير يخص ابناء عمه بالبعير فقط والباقي حاشرهم في يوم واحد لسان حاله يقول ( البعير مري ولا يضرب إلا للمريه ) انت تتكلم عن عدة قبائل في مقابل قبيلة واحدة طريقه اقل مايقال عنها فاشله بتعنصره في نظامه وبتوزيعه يوم لكل فخذ من هؤلاء القبيله يعني بيسوق في كل يوم اربعة إلى خمسة رجال ويوم الضيوف تحشر فيها كل هالامم اللدام معروفه لدى الجميع بأن العربان الي فيها مختلطين من كل مكان ومن كل شكل ولون وتشكل عدة قبائل والمتواجدين من ال مره فيها مايشكلون 30% ولكن في المقابل نقول لله الحمد والشكر فالمنطقه لاتقتصر عليه فقط وعلى فحله ولا عليها قل فحول |
رد: بعارين اللدام ارضاء الناس غايه لاتدرك والله يعين ابن لويبد وغيرررررره من اهل الركاب المنتجه |
رد: بعارين اللدام حياك الله اخوي مناور ونا بسألك سؤال لوسمحت لكي تتضح الصوره اكثر هل عندك ضرايب عند المري وللا لا |
رد: بعارين اللدام اقتباس:
مازلنا في انتظار ابو مطر يعطينا علوم البعير (الله يبارك لهم في حلالهم) أسراره؟؟هل له انتاج عنده او عند غيره؟؟ ........................ اتمنى للجميع التوفيق |
رد: بعارين اللدام بس سؤال يا الربع اليامي وين محله؟؟ وهل بعيره على الوافي وألا لا؟؟ |
رد: بعارين اللدام اليامي محله لا جيت محل الاعلاف الثاني جنب مظخة المأ لف غرب ومش جنب البيب وتلقاه علي يسارك بعد كيلو واحد تقريبا" وعليه شبك مثل شبك معامل ارامكو |
رد: بعارين اللدام مرحبا يالربع اللي تلوم أبن لويبد تعرفه ولا جيته؟ الرجال فتح السرا بدري ومحله للجميع وعلومه طيبه (يسقي حلال الملقيه * ويشغل المكيف لأهل الحلال والوقت حار ) أما بالنسبه لسراه لربعه ما أشوف فيها شي لان المره اللي عنده واجد وباقي القبايل اللي عنده ماهوب واجد. وراعي البعير الله يعينه ويجمله |
رد: بعارين اللدام حيا الله الجميع........ ابن لويبد نعرفه زين وسبق انا ظربنا عنده ولله الحمد عندنا انتاج طيب على بعيره وبيض الله وجهه ووجه اخوانه كلهم ولا يلحقنا شك فيهم. ومثل ماعلقو اخواني في السابق بتلقون عندهم الاستقبال الطيب والترحيب والشحم........ ربعه اكيد الزم عليه من الغير بس اللي نبيه منه....يعطي القبايل اكثر من يوم والله يجمله ويعينه على اللي فيه خير ويبارك له في حلاله |
رد: بعارين اللدام المره اللي عند بن لويبد يشكلون 90% وباقي القبايل يشكلون 10% هو مرتب الوضع على عدد الرجال اللي عنده وصدقوني لو كثروا عليه القبايل بيرتب لهم الترتيب اللي يناسبهم وبن لويبد ما يلحقه حكي واللا السالفه (ماكول ومذموم) ويمكن بعض اللي يحكي في بن لويبد لو ان عنده بعير منتج كان ضاعت علومه لكن هذا الكلام يثبت ان راعي البعير عزالله ماهوب في خير ولابد ما يحصل من يذمه سوا فتح المجال والا سكره. |
رد: بعارين اللدام اقتباس:
اقتباس:
|
رد: بعارين اللدام [QUOTE=خالد الغزلي;398249] اقتباس:
مارديت علي ياخالد الحمر |
رد: بعارين اللدام اقتباس:
|
رد: بعارين اللدام 1- نسبة ال مره كما وضحت في ردي الماضي 30% ولا يتجاوزون هذه النسبه 2- انا لم اتطرق لكرم الرجل واخلاقه حتى تخرجو من صلب الموضوع 3- كل مافي الامر سرا بعير وتوزيعه للايام مسألة صلوا لجمعه يالضيوف وتعالو بعدها لكم ساعتين غير مقنعه ان اضرب ولا خلص يومكم مشكلة عضمى يطول النقاش بها وقبيلة تتمتع ببقية الاسبوع تفكرو لو كان هذا النظام لغير قبيلة ال مره هل سترضون به ام ان فحلكم مقتصر عليكم فقط الفحل منتج والضيوف لهم حق 4- ليلة البارحه تم الاتصال على احد المقربين من ابن لويبد المري وقام بالثناء عليه وقال انه لم يكن راضي عن تقسيمة السراء بهذه الطريقه ولكن الحاح من حوله وتكرارها هو من اجبره على ذلك بعد تكرارهم مقولة ( البعير بعيرنا ) 5- لازال الامل موجود في ابن لويبد وهو اهل لذلك بتغير السراء واعطاء الضيوف حقهم فأعطاء يومين لقبيلة ال مره ويام في نظري كافيه جداً واعطاء ثلاث ايام للضيوف منصف جداً لهم كونهم يشكلون الاغلبيه ويومان تحت تصرفه ولحلاله كونه الاحق |
رد: بعارين اللدام يا جماعه ويش بعير اليامي لي في اللدام ويش سلالته |
رد: بعارين اللدام أخوي خالد الغزلي لا والله ما اعرفه بس سمعت طاريه قبل كم يوم في المجلس ويمدحون الرجال ويثنون عليه |
رد: بعارين اللدام يالربع اللدام وبنه هو الي في الخماسين والا غيره |
رد: بعارين اللدام اقتباس:
|
رد: بعارين اللدام اقتباس:
|
رد: بعارين اللدام اقتباس:
على العموم يعطيك عافيه يابوعبدالله والله يرحم شايبن عقبك |
رد: بعارين اللدام اقتباس:
|
رد: بعارين اللدام بعير اليامي وين مكانه بالظبط فيه |
رد: بعارين اللدام الاخ محسن............مساء الخير اذا ان الجماعه كلهم يقولون انه حاط بعيره في شبك مثل شبك ارامكو...................وش لك فيه؟؟؟؟؟؟؟؟؟؟ |
رد: بعارين اللدام اقتباس:
|
رد: بعارين اللدام اليامي سوى عشاء لجيرانه اللي نزلوا حوله وحط لهم سرا والثلاثاء للعتبان والدواسر وبافي الاسبوع اللي عنده خبر يعلمنا اذا تكرمتوا |
رد: بعارين اللدام طلب بسيط من الأخوان أعضاء وزوار المنتدى رجاء لاحد يتكلم في موضوع وهو بنفسه ماعنده الخبر الأكيد ويقول من كلام فلان وفلتان ويلحق الرجال ملام وكلام وهو ماجاهم وأخذ العلم الأكيد منهم وعقب يحدث به ياجماعه الي يجي على طريق الرياجيل لابد يلحقه كلام وبالذات هل الركاب المنتجه لأن بعظهم وانا اقول بعضهم يبغي قولة ونعم ويبغي يتجمل لاكنه يضيع السنع وانا من جهتي رضى الناس غاية لاتدرك والطيب أخير من الردى في كل حال |
رد: بعارين اللدام اقتباس:
شي اكيد رضاء الناس غايه لاتدرك واهل الفحول الله يعينهم ويجملهم ولاتحلقنا شكه فيهم ابداً ولن نسمح باي رد مسيئ لاي شخص كان وبأي طريقة فالجميع على قدر ومعزه فالرجاء من الاخوه اما النقاش الهادف أو الاكتفاء بالاطلاع على ردود الاخرين |
رد: بعارين اللدام اقتباس:
|
رد: بعارين اللدام اقتباس:
وفعلا الله يعينهم على بعض اهل الشبوك الي يلصق فيه الله يعين اهل الركاب المنتجه |
| الساعة الآن 11 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |