|
منقيــة الحمــــر وعددهم 5 فقط ماهو السـر في هذا بالنسبـة لمنقيـة الحمـــر في مهرجان ام رقيبـة لمزايين الابل , والعدد 5 للمشاركين في كل الفئــات , هل في تحديد للمشاركين او عدم سماح لاكثر من 5 مشاركين وماهو السبب ولماذا كل المنقيات عدد مشاركينها 10 وهي لاتزيد عن 5 مشاركين ,وهل فيه توجه اليها بعد الزحام والدحام الكبير من قبل المشاركين بالاالوان الاخرى . فئه حمر 100 الاول ناصر بن غنيم بن شويه السبيعي الثاني ماجد شبيب المطيري الثالث مناحي حماد ابو هليبه الدعجاني الرابع خالد بن سعد اللحياني الخامس مطلق بن راجح المطيري فئه حمر50 الاول محمد سالم الفجري الثاني شافي بن ضيدان بن هويدي الثالث محمد ناصر السبيعي الرابع محمد فلاح العدواني الخامس فهد شويمان الحربي فئه حمر 30 الاول ماجد عبدالله الميموني الثاني هلال بجاد العتيبي الثالث محمد بن رماح المطيري الرابع ابناء سعد المليحي الخامس هزاع مشخص العصيمي |
رد: منقيــة الحمــــر وعددهم 5 فقط ماهو السـر في هذا أتوقع أن السبب لأن أغلب اللي يقنون الإبل الحمر في الحجاز قبايل هذيل وسليم وعتيبه هل الحجاز وعدم مشاركتهم بسبب بعد موقع المزاين عنهم ويكلفهم الكثير لنقلها . الشيخ خالد اللحياني من قبيلة هذيل من منطقة مكه ونتمنى مشاركته السنه هذي وكذلك مناحي الدعجاني |
رد: منقيــة الحمــــر وعددهم 5 فقط ماهو السـر في هذا يمكن لقلة المشاركين في هذا اللون لان الحمر نادره جدا .. |
رد: منقيــة الحمــــر وعددهم 5 فقط ماهو السـر في هذا هي كما تفضل اخي الكريم عبدالعزيز البقمي فالحمر نادره جدا وقليل من يقتنيها واذكر قبل اربع سنوات انه لم يكن مشارك فيها سوى اثنين هم ناصر بن شويه وهيف ابن عبود والسنه اللتي تليها شارك النهدي فاصبح المجموع ثلاثه سجل فيها ناصر بن شويه وهيف ابن عبود النخبه والنخبه مكرر , والمركز الاول كان من نصيب النهدي |
رد: منقيــة الحمــــر وعددهم 5 فقط ماهو السـر في هذا حياك الله .. والسبب قلة الحمر وصعوبة توليف منقيه بسهوله . بعكس الالوان الاخرى . وعلى كلام الشيبان وأهل البل ان البل الحمر اكثر ماتوجد في المدينه المنوره ( بل حتى في كتب التاريخ ) فلو أقيم هناك مزاين على مستوى المدينه أتوقع انه سيؤثر على زيادة المشاركين في ام رقيبه في لون الحمر . |
رد: منقيــة الحمــــر وعددهم 5 فقط ماهو السـر في هذا الإبل الحمر موجودة في الحجاز كامله لايختص بمنطقه عن أخرى وتلاحظ أخي الكريم أن القبايل في الحجاز سليم وهذيل وقريش وثقيف وجهينه ومطير الحره وعتيبة الحجاز وحرب الحجاز والقبايل الحجازيه اللي رحلت لنجد والشرق مثل زعب من سليم وبعض مطير إبلهم أكثرها حمر ثم الصفر والشعل بدرجة أقل ومن ملاك الإبل المشهورين في مكه والمدينه ومابينها :- 1- عامر النهدي وعدد إبله 130 2- مناحي الدعجاني 3-مبارك بن دهيكل السلمي وعدد إبله 180 4- بريكان البقمي وعدد إبله 70 5- عوض الله القايدي السلمي وعدد إبله 50 6- منصور بن عوض الله القايدي السلمي وعدد إبله 50 7- أبناء تراحيب الدعجاني وعدد إبلهم 200 8-عبدالغني بن رضيان السلمي وعدد إبله 120 9- خالد اللحياني 10- أبناء ستر اللحياني 11- السفري في غران وعدد إبله 150 12- الجدعاني الحربي 300 13- عبدالله بن جبر السلمي 250 14- البناتي السلمي 200 وغيرهم الكثير ممن لم يحضرني أسمائهم وقبل فترة بيعت إبل القرشي بالمغمس بمكه اللي كان عليه القصاص وكان عددها 250 تقريباً وهي من أفضل الإبل في الحجاز ووصلت لأسعار عاليه جداً بالنسبه للحمر وشروها شيوخ من الإمارات و شيوخ من قطر وبريكان البقمي ومناحي أبوهليبه وخالد اللحياني و و هذه نبذه عن بعض الملاك والأعداد المذكوره أغلبها متأكد منها والبعض حسب سماعي أما عن أسباب عدم المشاركه فهو الثقافه بفائدة المشاركة وبعد المسافه ووقت المزاين وتقبل مروري وشكراً |
رد: منقيــة الحمــــر وعددهم 5 فقط ماهو السـر في هذا ((أما عن أسباب عدم المشاركه فهو الثقافه بفائدة المشاركة)) ماسطر اعلاه من مشاركة الاخ هاشم اتوقع هو السبب الرئيس والله اعلم 0 |
رد: منقيــة الحمــــر وعددهم 5 فقط ماهو السـر في هذا لاهنتوا اخواني على المرور اخوي هشام لاهنت وكلامك في محلة وماقصرت |
رد: منقيــة الحمــــر وعددهم 5 فقط ماهو السـر في هذا شكرا للاخ هاشم للتوضيح واتمنى ان تفرد لها موضوع متكامل لتنوير الكثير من الاخوان بالمناطق الاخرى عن هذه الابل ولدي استفسار : ذكرت في مشاركتك ان ابل القرشي بيعت باسعار عاليه جدا بالنسبة للحمر ، فأتمنى ان تعطينى نبذه عن اسعار الحمر بارك الله فيك وتقبل تحياتي |
رد: منقيــة الحمــــر وعددهم 5 فقط ماهو السـر في هذا السلام عليكم ورحمة الله وبركانه ياطويل العمر هذولا الى تم ترقيمهم العام والمشاركين اكثر من خمسه ولكن الجوائز توزع لخمسه فقط للوان الحمر لان المشاركين لايتعدون 8 او 10 لكل فئة هذا الذى اعرفه والله واعلم |
رد: منقيــة الحمــــر وعددهم 5 فقط ماهو السـر في هذا أشكر الجميع على الردود الطيبه اقتباس:
أسعار الحمر الخلفات الزينه تبدأ من (25000) (الغالب) إلى (120000) والبكار الزينه من (25000) إلى (90000) والفحول الطيبة الإنتاج من (50000) إلى (250000) والقعدان من (50000) إلى (200000) أما إبل القرشي فباع 10 بكار على شيخ من الإمارات (القاسمي) بـ(950000) وفحل ب(300000) وأكرر هذه الأسعار حسب خبرتي وسماعي عن بعض البيعات |
رد: منقيــة الحمــــر وعددهم 5 فقط ماهو السـر في هذا السلام عليكم ورحمة الله وبركاته حبيت اضيف على كلام الأخوان ان المواصفات المطلوبه من قبل اللجنه للإبل الحمر المزايين مثل المواصفات المطلوبه في المغاتير ( الوضح , الصفر , الشعل) والناقه الحمرا المزيونه والمطلوبه نادرة الوجود ولاتنلقي الا مع راعي المغاتير الطيبه وتلقى معه وحده او ثنتين ولا يفكها الا بمبلغ غالي وحتى في الإنتاج يتعب راعي الحلال القناي لفئة الحمر يطلع معه حيران شقح وصفر وانا أتكلم عن واقع تجربه لأن قريبآ لي يملك إبل حمر والله يوفقنا وياكم لما يحب ويرضى |
رد: منقيــة الحمــــر وعددهم 5 فقط ماهو السـر في هذا اقتباس:
اقتباس:
|
رد: منقيــة الحمــــر وعددهم 5 فقط ماهو السـر في هذا اقتباس:
ولاكن اذا كان اصله احمر بيكون الانتاج طيب ولون واحد الانادرا يظهر عن اللون . |
رد: منقيــة الحمــــر وعددهم 5 فقط ماهو السـر في هذا لا احد يعطيني اسعار خيالية للأبل الحمر !!! قبل 5 سنوات الناقة الطيبة ناقة النخبة الحمراء ماتجيب 60 الف ريال سعودي . انا اعلمك السبب . اللون الأحمر عند هل الابل امحق . ولا احد يحبه . وهذا اللي خلى ندرة اللون الاحمر في الابل والحمر نوعين عربيات وخور . وهناك سلالات قديمة جداً للأبل المجاهيم الطيبة تعود عربيات حمر وهي مجاهيم الاتلاد في منطقة الوديان . والكلام يطول ولي مفصل عنه |
رد: منقيــة الحمــــر وعددهم 5 فقط ماهو السـر في هذا اقتباس:
ولاكن نحن نناقش لماذا اسعارها الأن وليس قبل 5 سنوات والحمر المزاين اسعارها 400 الى 600 , وقبل ايام فيه صفقه تمت بين رئيس اللجنة ومناحي الدعجاني ناقة ب 400 الف تقريبا , رغم ان هذا اللون غير مرغوب فيه وخاصة اهل الأبل الأولين ولاكن لماذا لاتفسر السبب بعد ماقلت للون امحق وكذلك ليه في بدايه بسيطه في تكوينها . |
رد: منقيــة الحمــــر وعددهم 5 فقط ماهو السـر في هذا اخوي ماجد العتيبي سبب ارتفاع الحمر بصفه مفاجئه هي ان طال عمرك ماسمحوا بذا اللون بالمشاركة الا قبل سنتين بس . وما ضني بتاصل اللمبالغ الخيالية او تتخطى حاجز المليون ومايشري الحمراء فوق 400 الف الا واحدن عقله يبراله هههههههههههه او ان له مآرب اخرى . ومايتعدى حاجز المليون الا الوبره البيضاء والوبره السوداء . وبيني وبينك ماتخلوا اي صفقه من المعاريض يعني اطرح نص القيمة ولا اكثر هههههه واذا ما وصلت المعلومه او انا جانبت الصواب او اخطيت في فهم سؤالك وضح الله لايهينك اخوك مناحي السبيعي |
رد: منقيــة الحمــــر وعددهم 5 فقط ماهو السـر في هذا هلابك يامناحي كيف حااااالك عزالله انك ماتنقدر ههههه وادرى ان هوى السبعان كله وووضح وباقي القبايل لاهانوا,ولاكن المسالة ماهيب كذا بس ابي منك طلب تروح وتجيب لي تسعيرة رسمية من وزارة التجارة بإسعار الابل الحمر وباقي الاالوووان عشان اقتنع بس ان الابل كلها سعرها محدد ومعروف ولايتعدى الحاجز الفلاني , واللي ابي اوضحه لك ان لون الوضح وصلت اقيامها اكثر من 20 مليون وخاصة الفردي والمجاهيم حول اسعار الوضح ويجي بعدها الصفر والشعل اسعارها تتقارب ولاكن الصفر ارغب وأغلى شوي وتاصل الى 3 مليون نروح بعد كذا للحمرر اللي اهي اقل رغبة واقل منافسة للمزاين ولاكن ابل لها حملها خاصة في الحجاز والمجال الان مفتوح بالنسبة للي بينافس ويستفيد من الاستثمار دام اسعارها ماهيب غالية الان ولاكن سعرها على الوضع الراهن المليون قليل فيها بالنسبة للي تدخل المزاين وتنافس , وان كان انا مخطي او ماوصلت لمقصودك وضح لي الله يجزاك خيرر |
رد: منقيــة الحمــــر وعددهم 5 فقط ماهو السـر في هذا اخوي المسأله ماهيب مسألة تسعيره وما تسعيره اخوي ماجد حنا ماعندنا إلا الشيء الظاهر الناقة الوضحا والمجهم مرغوبة اكثر من غيرها قبل المزاين كانت اسعار الابل بشكل عام متدنية لو قارنّاها بأسعارها الحالية !! وهذي نقطه . جاء الحين سعر الطلب والعرض الطلب على الناقة الوضحا والناقة الوضحى ناااااادرة جداَ ومنول ماتلقاها إلا عند سبيع الحدارية ومنها الطوافح والكحيلات وآل العليا ...الخ . وهي الناقة الجودية اللي اذانيها كنها اذاني جربوع هههه وماكانوا اصلاً يرغبونها اغلب الناس واذا شافوها منول يقولون هذي هوريه نسبة للهور وهو جبل في العراق وماكانوا يهتمون الا بالجرم واللحي فقط وتجملك عند الأجناب اللي لو تحلب وشالها كفاهم . طيب من البديهي اذا كثر الطلب على سلعه اكيد بترتفع . مثلاً عندك ناقة ملحا وراسها فاااهق وجنبها طويل ....إلخ يعني ناقة مزاين !!! اكيد بيجونك الشريطيه والتجار وكلن يسوم بيرتفع سعرها إلا اذا حديتها . هذا مثله مثل أي لوووون المرغوب واللي الناس ترغبه المجهم والعفراء ثم تليه الألون اللي بعدها من صفراء وشعلاء ...الخ ومما لا شك فيه ان كل لوون له محبينه وهذا يتفاوت من لون إلى لووون . والله يرزقك باللي تمناه ويرحم شيبانك على الإستطرادات الشيقة التي تعكس حبك للأبل يا راعيها . |
رد: منقيــة الحمــــر وعددهم 5 فقط ماهو السـر في هذا يعني تتفق معي على ان الابل الحمر مالها سعر ولاهي محدوده بإقيام معينه بمثل ماذكرنا في الردود السابقة لربما تصل المليون اواكثر , عكس كلامك اللي قلت فيه ان من يشتري بالاقيام 400 عقله يبراااااله توافقني الرأي الان |
رد: منقيــة الحمــــر وعددهم 5 فقط ماهو السـر في هذا الحمر ليست قليله بل كثيره وخاصة في الحجاز اذواد تهولك من كثرها والسبب في ظني ندرة الزين وخاصة في الراس فتجد الرعيه الكبيره وزينها قليل وبالتالي فلا يرغب ملاكها بالمشاركه واللي يشاركون يشاركون بالباكستانيات نيابة عنها؟؟؟؟ الا القليل ارى بان تشكل لجنة تقييم خاصه للحمر من اهل الحمر فاهل الاصناف الاخرى لايستطيعون تقييمها بالشكل المناسب ولا تعجبهم مجرد راي |
رد: منقيــة الحمــــر وعددهم 5 فقط ماهو السـر في هذا السلام عليكم واشكركم على المعلومات الثرية عن لون الحمر . لدي شخص عنده ناقه حمراء مزاين جذعه ويرغب في بيعها ومن يعرف احد يشري لايقصر يدله عليه مع العلم انه سوف ينزل صورتها قريبا في الموقع رقمه0503112528 |
| الساعة الآن 27 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |