|
الوقايه افضل من العلاج عزيزي صاحب الابل هل تود ان لا تتلين او تتطرق ايدي الحيران هل تود ان تحصل على مواليد بصحه جيده هل تود الحصول على شعر جيد المظهر هل تود ان تتقي فقر الدم والشلل فالابل هل تود ان تتقي خلخلة العظام وسهولة الكسر هل تعلم ان نقص النحاس يؤدي للاجهاض السعر غالي ولاجل الغالي يهون ال....... كملوها قم شغل الموتر شيك على المحفظه مليانه خلك معي رح للبيطري واشتر بلوكات الاملا ح الزرقاء لاحتوائها على عنصر النحاس واشتر البيضا وايضا الحمرا ان كانت ابلك حول الشبوك علقها لها وان كانت بالفلا حاول اضافة قليل من كل الانواع الى الطعام اليومي ولا تستعجل كل شي يبي وقت ملاحظه:اذا اعطيت البلوك الازرق عن طريق خلطه بالاعلاف حاول ان تكون الكميه خفيفه ولا تكثر لان زيادة النحاس سامه تقبلوا خالص تحياتي |
[size=3]الأخ عيد جزاك الله كل خير على جهودك إذا كنت اعطيها علف الوافي ومكرمها بعد 00000يكفي 00000و إلا أشغل الموتر |
دائماً وافي يابو أحمد وعلومك غانمة بيض الله وجهك على الوصفة ولاتبخل علينا بنصايحك الثمينة |
الاخ حسين العصيمي الاخ مبارك المري ماعليكم زود وشاكر مروركم وبالخدمه شغل الموتر ياحسين واقرا الملاحظه بالاعلى تقبلوا تحيات اخوكم |
بيض الله وجهك على الوصفة بارك الله بك |
اولا: اشكر الاخوان القائمين على هذا المنتدى المتميز والفريد في مجاله وأخص بالشكر الأخ فهد بن صلبوخ حيث تم تسجيلي عن طريقه فجزاه الله خير الجزاء كما اشكرك ياأخ عيد فكم استفدت من وصفاتك وذكرتها لغيري واستفادوا منها فأنا وهم ندعي لك في ظهر الغيب. وعندي استفسار يأخ عيد هل توجد حبوب نحاس اوغيره من فيتامينات او مقويات لأن اغلب الموجود ابر وبصراحه هالابر اتعبتني واتعبت الحلال,,,وبعدين هل التغذية السليمه كافية لسلامة الابل.... شاكر ومقدر لك رحابة صدرك وخدمتك لاخوانك جعلها الله في ميزان حسناتك |
الاخ فهد بن شديد مرحبابك ومسهلا واشكرك نيابه عن الاخ فهد بن صلبوخ وعن نفسي ومرحبابك بين اخوتك وفي محلك بالنسبه لسؤالك عن حبوب النحاس موجوده وبكثره وهي على شكل كبسولات خضراء وهناك عدة فيتامينات تحتوي على عنصر النحاس منها السا ئل ومنها البودره اما الابر لا ننصح بها اما التغذيه السليمه فهي كافيه . تقبل خالص تحياتي |
لاهنت يابواحمد على النصائح الثمينه |
جزاك الله خير يابو احمد كفيت ووفيت بيض الله وجهك....... |
الاخ /عيد بالنسبة لحبوب النحاس انا سألت عنها سابقا في وصفة الذيبة وذكر لي اكثر من بيطري انها لا توجد في السعودية وفي الختام اشكرك جزيل الشكر على جهودك المميزة |
أخوي الغالي عيد المنصوري السلام عليكم ورحمة الله وبركاته الله يبيض وجهك ويرفع قدرك ويجزاك الجنة على النصايح الغالية لاهنت . وتقبل خالص تحياتي محبكم عبدالعزيز العبدالله |
رد: الوقايه افضل من العلاج بييض الله وجهك ابو احمد الموضوع في غاية الاهميه يرفع للفائده |
رد: الوقايه افضل من العلاج ابو احمد اولا: كل عام وانت بخير ومبروك عليك الشهر ثانيا: انت وافي ومواضيعك دروس يستفيد منها الجميع والله لايحرمنا من طلاتك ودروسك القيمه ثالثا :عندي سوال انا اعطي الحيران كل شهر حبتين نحاس وهي سليمه هل يوثر عليها ؟ تقبل تحياتي |
رد: الوقايه افضل من العلاج http://c1903.r3.cf3.rackcdn.com/KPM478422_1.jpgمحمدالتميمي ووجهك ابيض يمكن الاستعاضه عن البلوكات باي مجموعة فيتامينات حبوب النحاس متوفره بالمملكه يابومحمد انا اشريها من الرياض وهذه افضلهالانه تم تجربتها بالمختبرات وهي الوحيده اللتي اعطتنا نتيجه ملموسه |
رد: الوقايه افضل من العلاج اقتباس:
|
رد: الوقايه افضل من العلاج الا خ محمدالتميمي مبروك عليك الشهر المشكله مديرنا العام اظن باعطيه احداثية العزبه يمر وياخذ علبه للتأكيد اخوي فلاح ارحب تراحيب المطر والله يباركلك ويعوده على المسلمين اجمعين يقولون مازاد عن حده ............ وانت شيخ العارفين نصفها يكفي اخوك |
رد: الوقايه افضل من العلاج الاخ عيد لا هنت وجزاك الله خير اخوي عندي استفسار بسيط وهو اكياس الاملاح الصفراء يقول البيطري انها اطيب شئ وكافيه وفيها جميع المكونات وما استخدم الا هي : السؤال / هل هي كافيه فعلا مع ان سعرها يبدو لي اغلى شي وجزاك الله خير |
رد: الوقايه افضل من العلاج اخ عيد بالنسبة للملاحظة ملاحظه:اذا اعطيت البلوك الازرق عن طريق خلطه بالاعلاف حاول ان تكون الكميه خفيفه ولا تكثر لان زيادة النحاس سامه طيب واذا علقته في الشبك فيه مشكلة ؟؟ |
| الساعة الآن 36 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |