|
سؤال يطرح نفسه بقوه ......؟ هل الناقه القصيره رقبتها أو العنجا يعدلها الفحل .............؟ الرجاء الرد من أهل الخبره هل يعدلها بنسبة كم 100% 50% 20% وشكرا تحياتي للجميع (خالد الحريص) |
أنا برأئي 50 % |
انا اقول 20% |
السلام عليكم ورحمة الله وبركاته موضوع جداً ممتاز وملاحضه منك ممتازه ,, اخوي بعض الابل والله مايقدر عليها الفحل ولو 5 % مايعدلها ولاكن ترتفع النسبه اذا كان البعير سناد وبناته كلهم سناد والرقبه طويله ومسنده على قدام على فوق ممكن يعدلها مابين 20 % او تصل بعضها الى 50 بالميه وعلى حسب قوه الفحل واصل الناقه لان بعض من النياق مايعدلها شي وبعضها فيه امكانيه لعدل رقبتها وكل شي يصير باذن الله , تحياتي لك اخوي ,,, |
والله هذا ما نقدر نقدرة لكن هذا يعتمد على وفقة الله ثم اصل الفحل عندنا ناقة وبناتها والله انك تطلع بناتها من كل البل مع ان خواتهن اطيب منهن بواجد لكن امهن امسكتهن واكبر بانتها عليها بكرة ونفس امها سبحان الله العرق دساس |
برايي %50وهي على البعير وزين مقدمه وعلى الناقه وانتاجها هي تجيب عليها واللا على شبه البعير |
وعليكم السلام ورحمة الله وبركاته العنجه وقصر الرقبه يعتبر عيب خلقي وهذا مايرد الناقه من الانتاج بالافضل منها والانتاج على حسب ظني انه ماراح تجي فيه هذه الصفات الاماندر الا اذا كانت الناقه قصيره الرقبه كانت منتجه من ناقه مثلها رقبتها قصيره فهذه الصفات راح توثر على الانتاج عند واحد من الربع ناقه فيها نفس المواصفات اللي ذكرتها قصر الرقبه والعنجه وكان شاريها ماندري عن ساسها واظربها على بعير منتج وجابت له بكره طيبه ولافيها قصر ولاعنجه |
بسم الله الرحمن الرحيم السلام عليكم ورحمة الله وبركاته لاتعب نفسك ولاشئ اهم شئ بعير انتاج وناقه طيبه متسندة ناقه بدوي طيبه والبعيرحاول بقدر ماتستطيع بعير انتاج ويطرح لك الله فيه البركه والكلام رقبه وهي قصيرة لاتعب نفسك حاول اول شئ بعير انتاج وبس وتقبل مروري وشكري |
السلام عليكم ورحمة الله وبركاته هلا يا خال حياك الله والله الاخوان ماقصرو كلن يذكر الى جربة بنسبه لى انا صعب يعدل رقبتها وهذا عذروب فى الناقه لصارت عنجة فحل منتج ولا مش منتج لو ان الفحل طيب مرة وحدة طيب طيب يمكنة انه يعدلة بس مش زى خواته الى من الفحل تلاحظ علية رقبته ان خواتها افضل منه وشكرا |
اتوقع اكثر شي على البعير هو الراس صعب عليه تعديله حسب ما اسمع من اهل الخبره والانتاج |
صعب نحدد نسب المسأله وراثيه بحته بتقدير الله تعالى الناقه يمكن تجذب ولدها في العنجه والبعير يمكن يجذبه فى العدال والتساند وطبعا اساس الناقه له دور ان كانت العنجه صفه سائده قديمه ام طارئه على هالناقه من بين امهاتها تقبل تحياتي |
السلام عليكم ورحمة الله وبركاته يعتمد على الجينات المتوافره في البويضه الملقحه وكذلك نوعية الحيوان المنوي وصفاته فممكن ان يكون لديك ناقتين عنج واحده يعدلها البعير والثانيه لا يقدر عليها كما انه بالامكان ان يعدلها في المرة الاولى ويفشل في تعديلها بانتاج المرة الثانية خلاصة القول الامور هذه كلها غيبيه ولكن البشر تستئانس بما تشاهده من انتاج للفحل وتتوقع ولكن الجزم بالشيء غير صحيح ولا يعتد به تقبلوا تحياتي |
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين الناقه الزقماء القشراء اللي وجهها على قولت عوض المطيري كانها سكروب ممكن تنتج بكره والى قعود ماله شبيه الشي على الانتاج وبطنت الناقه وفي بعض الاحوال تنتج بشي بسيط من شكلها طيب اذكر لك ناقة وضحى عندنا وضربناها ببعير اصفر والبل مابين شعل وصفر مافيه الى هي الوضحى الوحيده المهم ان الناقه انتجت بكرة وضحى كانها برده وابوها بعير طيب وانتاجه على الصفرا والشعلى عليه اصفر وهي الناقه الوحيده اللي انتجت على لونها يعني لا تستغرب شي |
ياجماعة الخير المسألة توفيق من رب العالمين أنا في رأيي المتواضع أن ما فيه قاعدة تبني عليها في هالموضوع لأنك سبحان الله العظيم تشوف ناقة كاملة والكامل وجهه ومضربة ببعير معروف اسمه وفعله والنهاية يجيك الانتاج شد ابو خمسة وفي المقابل تشوف ناقة وهذي وقفت عليها بنفسي ردية بمعنى الكلمة وبنتها وصلت 70 الف ولا باع راعيها يعني الدعوه حظوظ وارزاق من رب العالمين |
بسم الله الرحمن الرحيم الام تجذب ولدها الى 75% ولفحل مايتعدى 25% هذا مهو كلامي كلام المختبر وسلامتك طال عمرك |
الله لايهينكم على المرور ودمتم سالمين |
من وجهة نظري هذي توافيق من الله والابل تختلف والساس الردي يبين في الانتاج والساس الطيب يبين في الإنتاج وبعض الابل بطنها مبروك وبعض البعارين مبروك وهذا ماله معيار ابد ابد ابد ولاتتعب نفسك ونصيحتي دور لك ناقة بدوي موجهه ومن ساس طيب ومقيمه لأن المقيمه ينعشها الفحل يعني يظهر انتاجها طيب ودور لك فحل طيب ولا امسك سرى على الفحول المنتجه والله يكتب اللي فيه خير |
الاخوان ماقصرو وانا ااقولك على حسب الفحل بعض الزوامل مايعدل ولايجذب الانتاج وبعض الزوامل لون ارقبتها على غاربها يخليها منتله و(وجهت نضر) |
| الساعة الآن 16 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |