|
عيد المنصوري وجميع الاخوان الفزعه ينشاما 00000000000000 4 مرفق السلام عليكم ورحمة الله وبركاته كيف حالكم إن شاء الله دائما بخير ؟ يجماعة الخير عند البعير يبول ( يوزر ) دم أعزكم الله وجبت البيطري ومافيه فايده سحب مني الفلوس وتركني وبعير نشت حالته وتردي أكله ضعف وشربه للماء قليل ودائما يوزر وهو صاك رجليه . ولاحظة في الأيام الاخيره عند المبرك يبرك علي جنبه ويدخل رجله تقول فيه مغص وجه البعير شين وكلاوي البعير دخلات في بطنه ودمنته ناشفه وحجمه ضغير ولها راس مثل الابره ويوجد صور . سؤالي يااخوان هل هذه الحاله (( جرح او شوكه )) أرجوا من يقرأ هذا الموضوع أن يفيدني لان الفحل مشتراه غالي ؟؟؟ واليكم الصور |
مرحبا .. مسيت بالخير .. المرض اللي تكلمَ عنه هو شوكه لآن الشوكه هي اللي تجي بالدمن ( عزكم الله) حَاده مثل راس الآبرَه .. والله آعلم .. وإن شاءالله هذا تحليلها السموحه |
هذا الجرح والله العالم , وله وسم في مخفق الكلى , وماادري كان له علاج حديث والا لا , اتمنى اني افدتك , |
اقتباس:
|
اقتباس:
شـكــ وبارك الله فيك ـــرا لك ... لك مني أجمل تحية . |
أخوي طلال فيه علاج لدى البيطري خاص بالشوكة عبارة عن بودر .. يضاف له لتر ماء (( غرشة صحة )) الكبيرة ويغر البعير ويترك ثاني يوم ثم يكرر عليه نفس العلاج وبالإمكان إعادة الجرعة مره أخرى وقد جربته بنفسي على بعير هرش عندي وسلم بإذن الله من جرعتين اما إذا لم تكن النتائج جيدة فإني أنصح بالكي ومكان الكي مثل ما قالك أخوي نايف وسلامتك |
اقتباس:
الله يجزاك كل الخير ممكن تذكر اسم البودر الي أستخدمته؟؟؟؟؟؟؟ |
أخوي طلال هذا الجرح والله العالم , وله كي شفلك حد يكوي اتمنى اني افدتك |
اقتباس:
بالنسبة لأسم الدواء لا يحضرني الآن ولكن بالإمكان الإتصال على الدكتور عاطف وبإذن الله يعطيك الدواء جوال الدكتور 0508189540 |
فيه أبرة أسمها (فينتام بلص) . وحاول أنك تلقاها لانها نادره وتأكد من تاريخ الصلاحية . |
لا تشوه البعير بالكوي هالحين صار له علاج فعال جدا في البيطرية ومجربة انا اكثر من مرة ولله الحمد النتيجة طيبة عبارة عن ابرة ومحلول ازرق اسئل اي دكتور ويعطيك الخبر الاكيد والنسكافية مع الماء لمدة ثلاثة كافي ورد العلم عني انا شخصيا علبة النسكافي الصغيرة فرغها في علبة ماء 2 لتر وشف النتيجة بنفسك وبخصوص انه يوزر دم مالها علاقة في الشوكة والله اعلم انه الاتهاب في المسالك البولية والاخوان بيفيدونك اكثر تحياتي |
فيتامين k ومضادات إلتهاب كفيل بالعلاج |
اقتباس:
الأخ الكريم : عيد المنصوري أنا عطيت البعير فيتامين كاف مدة 5 ايام والجرأه 20 سم ولافاد ومضاد الاتهاب عطيته جوتم مسين مدة 8 ايام و 20 سم ولا فاد . ارجوا من الله العزيز ثم انت ان تذكري اسم مضاد الاتهاب . شـكــ وبارك الله فيك ـــرا لك ... لك مني أجمل تحية . |
السلام عليكم ورحمة الله وبركاته ابي حل يااخوان علي بول البعير لحد الان موقف ارجوا من يدخل في الموضوع لايطلع شاركوا |
مرحبا ياطلال بالنسبه للجرح او الشوكه فهي في بعيرك واللي يدل عليها الدمن مدبب والبعير يبرك على ثفنته ولا قصروا الاخوان بوصف علاجه بيطري او شعبي وبالنسبه لبول البعير دم ما مر علي ولكن بسال عنه وارد لك خبر والاخوان ما هم مقصرين اذا مر عليهم وابو احمد قليله يكفي عن كثيرنا واسال الله يعافي بعيرك ويبارك فيه |
مرحبا يا اخ طلال... بعيرك طال عمرك فيه الجرح ميه في الميه وهذي الحاله مرة علي اكثر من مره ولاله علاج الا الكي ((المشط على الكلو الايمن من فوق ومطرق على آخر ضلع من يسار يعني الضلع القصير ))) افزززززززززززع لاينفطر الجرح في بطن البعير دور لك حد بصير يكويه وأسال الله ان يشفيه |
الله يجزاكم كل الخير البعير كويته لجرح والمشكله بول البعير عي يوقف ينشامه احد مرة عليه مثل الحاله والله مافي احد بالكويت ماسالته |
البعير للحين يبول دم أعزكم الله ز هل هذه الحاله تسمي بالمالطه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
هاذي الشوكه |
الله يجزاكم كل الخير البعير صارله 5 ايام ماياكل انا الي أوكله تعب البعير ودم عي يوقف |
يمكن حصار فيه والعالم الله ولها كوي الحصار والله يشفي بعيرك ان شاء الله |
السلام عليكم ورحمة الله وبركاته اخوي لازم تعطيه من فتامين k عشان يعوض الدم الي طلع منه , ولازم تراجع دكتور فاهم عشان يشوف الشي على الطبيعه افضل , والله يقومه بالعافيه انشاء الله اخوك ,,, عبدالله |
هذا جرح والله العالم ويبغى له كوي على الكلوة مشط |
السلام عليكم ورحمة الله وبركاته البعير مات ويقفل الموضوع وشكرا للجميع علي تعاون والمشاركه الله يجزاكم كل الخير |
هذا جرح وعلاجه كيه من الطرف اليسار على خفقة الكليه والله يعاغي بعيرك |
أمسيكم بالخير إذا كان البعير يذفن رجله ويدخلها تحته هذا الجرح ويستدل عليه بدمنة البعير إذا كانت نحيفه ومزنطبه ودائم يبرك على جنبه وله كي أرجع إلى طرق كي الأبل وله أبره توجد في البيطري |
البعير مات وبعير (( معيون )) نسأل الله سلامه البعير مر علي عدة مراح من المرض خلال شهر ونص تقريبا البعير اول ايامه قام يبول دم اعزكم الله ولم يتوقف . وبعد اسبوع تعرض لمرض (( الشوكه )) وكويته وبعد يومين تقريبا بعير جاه الوخام (( الهدب )) وقطعته وفركته بالملح وبعد يومين جاته ذيبه , وبعد ثلاث ايام جاه شلل نصفي الشق الايمن عاااااااطل والايسر يتحرك وكويناه وسلم 5% وبعد ليله جاه ابو وجه لف وجه البعير مثل الرجال ومات . والحين ولد البعير يبول دم وعمره 7 شهور |
| الساعة الآن 25 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |