الخلفه المزيونه للبيع
 

اخوي سلمان نفتح سوم جديد ولا على السوم القديم

نفتح الباب 10الاف

مالك لوا ، وجزاك الله خير

ولا هيب ذي قيمتها ، لكن مافيه باس أول فال يامرحبا به .

يا بو حمد وش هو أبو القعود ؟؟؟

أبو القعود عند راعيه في مشاش السهول وعليه سوم 165 ألف ( لعام ) وقبلها يقول سيم بـ 200 ألف
وله انتاج انا شفته بنفسي تسوم على (50) الف وهي حيران !

انا عندي 11000 شراي

جزاك الله خير

إنشاء الله بتجيب أكثر ، أبصبر وزاد الله من زاد

12الف يستاهل الطيب

جزاك الله خير

يجيب الله زود أبصبر

12500 ريال 0558130013

جزاك الله خير على السومة الطيبة

الحقيقة منيب حول السومة والله يجيب الزود

عندي 13000
00971503321326

13500 ريال 0558130013

ممكن صور جديده للناقة وولدها مقطع فيديو لاهنت

حط رقم جوالك بارك الله فيك
وبالنسبة للصور الجديدة والفديو ماعندي مشكلة لاكن إذا رحت للبل صورتها .

مساكم الله بالخير
بالنسبة للصور والفديو الموجوده في أول العرض ، أنا أشوف فيها البركه , والطبيعة أفضل بكثير
وبالنسبة للتصوير الجديد إذا رحت للبل أبشر .
جوالي / 0594301414

لكن لي ملاحظه : يا سلمان انت بدوي وراعي ابل تقدر تشرح لي كيف صارت رباع وهي ذالحين خلفه ام ثالث
مثلا
يعني لو ضربت لقيه انتجت جذعه بتعد خلفه جذعه ضربت ثنيه بتنتج رباع بثانيها
معناه اما انها ثنو في ديدها ولا سديس في سنها علما انك في الموضوع الاول تقول شاق نابها مهب سديس
ارجو التوضيح وانا اخوك ان كان هناك لبس

بالنسبه لسومتي اشرط النظر على الطبيعه لعدم ارفاق فديو للخلفه وولده جديد 15000 على النظر يبو حمد لك حق تقلد عليه ولا ترفضها
0540969703

بسم الله الرحمن الرحيم

السلام عليكم ورحمة الله وبركاته :

لك حق السؤال وهو شي يحير اختلاف الكلام في العرض الأول والثاني ، والتوضيح كالتالي :
1- أنا شريتها من راعيها وقال لي أن ثاني حوار لها أول ماولدته امه شاله من تحتها وضيره على ناقه ثانية نظراً لإعجابه في إنتاج بعيره اللي عنده ورغبة منه في تضريب الناقة هذي بأسرع وقت عشان انتاج بعيره زين يعني الناقة مارضع منها حوارها سنة ! الحقيقه رضع حوارها أقل من الشهر .
2- أنا الحقيقه رجال ماأعرف كيف سن الناقة إذا شفت فمها لكن الناقة كانت قبل خمس شهور عند سوداني في المزاحميه وهو يقول أنها شاق نابها وأنا مشيت على كلامه لعدم المعرفه وبعدين شلت الحلال إلى مكان ثاني وتغير العامل وسألته عن سنها وبركها وقال هذي رباع بالضبط وقريب تكسر رباعاتها وتخش سديس ورحت وسألت ثلاثة سودانيين غير اللي قال لي أنها رباع وكلهم قالوا نفس ماقال انها رباع .
3- أما بالنسبة لسومتك فهي طيبه وبقلد عليها ولكن مانيب بايع بذا القيمه وتعال شف سنها بنفسك علشان نطلع من الجدال وتشوفها على حلها جعلك تسلم .

ملاحظه / انتو هل البل يالدواسر ان كان ماتعرف ويعلمك السوداني فهذي كبيره على العموم
لن اعيد الشرح ولكن ساوجهك الى رابط موضوع عن اعمار الابل كتبه العضو المميز فلاح الرشيدي حتى تستفيد منه انت والاعضاء الذين سيقرؤن عرضك اتمنى ان نستفيد جميعا من بعض كتاب هذا المنتدى فهم كنز حتى لا يكون لبس ولا غرر اتمنى لك التوفيق في عرضك

http://mzayan.com/vb/showthread.php?t=19252

اسأل الله العظيم لي ولك وللجميع التوفيق .

وصحيح انها قويه شوي اني ماعرف لسن الناقة ! لكن هذا الصحيح وهذا الحاصل والشكوى على الله ، أنا جديد على الحلال بشكل عام يعني لي في البل خمس سنوات فقط .
ونعمة كبيرة أني أعرف اشتري الناقة الزينه ، أما السن فوالله أني ماقد فريت فم ناقه أو غنمه شريتها ! بس اشتري على كلام البياع حتى ولوهو كاذب والنية الطيبه إنشاء الله ماتضيع راعيها .
وبالمناسبة عندي لقحه أجمل منها بكثير وعليها سوم 36 ألف قبل أربعة أيام ولاهيب قيمتها لكن هذا للعلم بالشيء فقط //// وجزاك الله خير ياللحية الغانمة ،،،،،،

بالخير يالربع

تراي ببيع حول سومتها الاولى الــ(25) اقرب يالقناي
يعلم الله جل وعلا في سماه أن السلعة طيبه وياليتك تشوف الناقه بنفسك وخل الفديو عنك .
والله يرزق الجميع من واسع فضله ،،، آمين

نسوم من 15500 والله يوفقنا للخير 0504790700

جزاك الله خير

وسومة طيبة ياللحية الغانمة ، لكن تعدلوا زين واعرفوا للناقة المقنوي

مساكم الله بالخير

اللي عنده غنم طيبه جداً جداً للمبادله بالخلفه يعرضها علي عن
طريق الجوال / 0594301414
أبو حمد
واللي عنده فلوس يامرحبا والناقه سالمه من العذاريب ومزيونه

مساكم الله بالخير

البارح شربت من حليب الناقة ولأول مرّه ، لأني مخليه لحوارها .
والحقيقه طعم الحليب حلو جدا مع انها تتعلف رودس وشعير .
وهديه في الحلب شرط .
لكن حليبها قليل مره ويكن السبب لأن العلف غير مكثف ولاهو برسيم .
وسلامتكم