|
تكفون مالحل فى الجرب ؟؟؟؟؟؟ السلام عليكم ورحمة الله اخواني تكفون من فتره وانا استغيث ولا فائده الجرب مستوطن عندي فلم اسمع علاج الا واخذته ديكتوماكس - اوفميك + اوفميك سوبر - افرمكتين ..... داو ميكتين...الخ الجره دائما استخدمت الزيت مع الجره + استخدمت القطران ماشاء الله اشاهد الابل من حوالي شعرتها صافيه الا ابلي ناس قالوا ابعد عن المزارع طيب وين اروح عن ملكي تكفون طريقه تريحني امنيتي ارى جلد ابلي صافي عشمي فى الجميع التعاون |
عبدالله صبحك الله بالخير والجرب وأنا أخوك ماله إلا الجاره اللي بها سم الجرب,وبالنسبه للون ماله دخل بالجرب لإن كل منطقه ولإبلها لون آي أن الموقع يمكن يغيّر اللون.. وسلامتك ياعبدالله وعسى الجرب يبعد عن إبلك وإبل جميع المسلمين.. |
الله يمسيك بالخير يا عبد الله الله يعينك يا خوك هذا جرب الجثام يحيل الحول على الابل ماراح لكن عندي طريقه مجربه عليك الغسيل بالفيري وادعك مكان الجرب مع استمرارعلاج ابر الجرب وان شاء الله يروح والمثل يقول يا عبد الله اسال مجرب ولا تسأل طبيب |
هلا وغلا ياراشد مشكورواسأل الله ان يحفظك ولكن ياخوك دائما نرش منه بعد خلطه بالماء ولا فائده جسم الابل مبقع |
هلا وغلا ياخالد مشكور والله يحفظك انا ماجربت الفيري وان شاء الله اجربه |
حياك الله مثل ماقال احد الاخوه الفيري مجرب أذا خلطته مع الجره افضل بعد الابر المخصصه للجرب الامريكيه ان وجدت ولا الاردنيه وبالنسبه للمكان الثابت رش الشبوك والاماكن اللي تحتك عليها البل وفالك وفالها طيب ان شاء الله |
اخوي عبدالله لاترش وبس حاول تحك الجرب مع الرش بتراب او قطعة خيشة بصل فرك زين والله يعينك لاتطلع من المزرعة ويتأذون منك اهل الحلال |
هذا الحل طول الله عمرك بسيط فيه ابرة جرب فرنسيه في اللحم الناقه تعطيها 20سم و الحشوان 10سم وخلها كل 20 يوم و الغسيل خله يتواصل اسبوع و حط معه اي شامبو عشان يخلي الصابون يمسك في الجلد ... و حاول لو لقيت ابر تقوي المناعه ولا جرب تحط لها الكبريت حق الغنم .. و اتوقع انها ان الدواء هذا ان شاء الله بيفكها من الشر و لا تنسى ابرة الهيام البارده بعد ما يضعف الجرب لانه يقوي المناعه ... |
عليك بالفيرى مجرب والشفاء بيد الله سبحانه وتعالى ولا تنسى الفيرى |
اقتباس:
مشكووور ياسعد والله يحفظك |
اقتباس:
المقصد ليس طلب اهل الحلال فالمزرعه لي ولكن قالوا ابعد عن المزرعه لان فيها حشرات تكون دائما بالشجر وهي تسبب تبقع جلد الابل |
اقتباس:
تكفى اسم علاج الابره الفرنسيه |
اقتباس:
مشكووور ياموسى حفظك الله |
علاج الجرب يا طيب روح محل سمك وخذ الزيت الى مقلى فيه سمك وادهن جميع جسم الناقه وانشا الله تدعيلى ...مجرب :thanks: |
اقتباس:
العلاج غريب حفظك الله ولكن هل جربته وكم مره ادهن الابل وهل نتيجته سريعه |
أخوي عبدالله أبل الوالد كانت مثل حال أبلك وكانت بالمزرعه والمزرعه هذي كلها نخل واشجار ورطوبة وشان حال الأبل دود وامراض وجرب وعقب طلعها لشمال بمزرعه خاصه للبل فقط وابشرك زان حالهن وشعرتهن وتغيرن مليون بالمية وقلت أمراضهن الشاهد أخوي أن بعض المزارع وخصوصا لكانت مزروعة نخل واشجار ماتناسب الابل |
اخي العزيز جربت تجربه بسيطه مع الجرب ونجحت وهي عن طريق طبيب بيطري وهو استخدام مادة الكبريت مع الفازلين ونجت ولله الحمد وحبيت انقلها ولك تحياتي |
اخوي اولا استخدم الابره ايفومك السوبر الاصليه ورش الابل سميه مخففه مع الفيري بعده والاهم رش الارض سميه ديزانون 60 واردم الارض رمل ناعم ورش الشبوك وبعد اسبوعين كرر عليها الايفومك لانه بالنشره لابد اعادة التحصين بعد اسبوعين وان كنت تعلف الابل ذره وقفها |
جرب الفيري |
رش مبارك البل لان يمكن منها البلاء والافضل رشل الابل وغير محلها لانك ماتستفيد شي ترش البل والبل في مكانها مستحيل يروح رش وغير المحل وياذن الله يروح |
الاخوان جميعا مشكورين حفظكم الله تعاونكم رائع وليس بغريب على الاجواد وفعلا المزارع من حواليها كثيره جدا ولكن لانقول غير لاحول ولاقوة الا بالله |
يا خوي عبدالله اللي في ابلك ماهو جرب الجرب يمديه راح مع العلاج والابر تكفا لاتكثر عليها العلاج اللي في ابلك نسميه (وقش) وهو عباره عن بقع في القوايم وفي جنوب الناقه ورقبتها بالذات (صح ولا لا؟) سببه الحشرات -الذباب - المراح اللي ماهو نظيف ابلي كانت في استراحه بجنب البيت ولعب فيها ومن يوم طلعت البر وهي بخير ولله الحمد الله يعينك ويسلم ابلك من كل شر تقبل تحياتي |
اردم الارض برمل من غير وجيهكم رمل جديد فقط ورشها بالجره |
اقتباس:
مشكور اخوي حاتم نعم فى الرقبه يكثر |
اقتباس:
مشكوور يانواف حفظك الله |
يا عبدالله ابشير عليك شور طيب حول البل وانا خوك وحطها بارض(( جلد ضرسه)) واطلها بالقطران _ ولو تحمي القطران حماه فقط يكون احسن _وخلها بذي المنطقة أسبوع ثم طلقها والا جا عليها شهر حولها للمكان الجلد وسو مثل ماسويت المرة الاوله وبإذن الله ترجع صافيات من الشين |
جرب هالعلاج وبإذن الله راح تدعي لي أخوي فيه عند محلات العطاره ماده يسمونها (الزرقاء) وهي عباره عن بودره لونها أزرق خذ منها ملي ملعقة الشاي الصغيره وحطها على لتر زيت (أي زيت طبخ) وملي كفك ملح خشن و 30ملم دواء جرب حطها جميع في علبة ماء فارغة ورجها جيدا ثم إدعك مكان الجرب دعك خفيف بحيث لايطلع دمها مره واحده فقط وبإذن واحد أحد خلال عشرة أيام راح تشوف النتيجه وبعدها بشرني أخوي بشفاء بلك |
الاخ الغالي عبدالله الاخوان كفو ووفو ولم يدعوا شارده ولا وارده الا اذكروها وعلاج الابل في شطر بيت مشهور الابل هواها كل يوم شديدي الابل شددها وانا اخوك وافتح باب المزرعه واضرب الريع واعصب راسك واحتسب الاجر عند الله الابل لو تعالجها من الجرب مية سنه وهي في نفس المكان ماهي ويا الخير والخيره ....الارض اللي فيها الجرب ....شد وخلها تربع ...صدقني عهدها بالامراض يوم تفارق المزارع اخوك ابوخالد |
اقتباس:
أخي مشكووور ويعطيك العافيه بس اشرح لي مره اخرى مع الاعتذار |
اقتباس:
مشكووور اخوي يعطيك العافيه |
[QUOTE=أحمد بن عوض المطيري;283593]الاخ الغالي عبدالله الاخوان كفو ووفو ولم يدعوا شارده ولا وارده الا اذكروها وعلاج الابل في شطر بيت مشهور الابل هواها كل يوم شديدي الابل شددها وانا اخوك وافتح باب المزرعه واضرب الريع واعصب راسك واحتسب الاجر عند الله الابل لو تعالجها من الجرب مية سنه وهي في نفس المكان ماهي ويا الخير والخيره ....الارض اللي فيها الجرب ....شد وخلها تربع ...صدقني عهدها بالامراض يوم تفارق المزارع اخوك ابو خالد أخي الغالي ابو خالد والله كلامك الواقع ولكن مامن طريقه فالمنطقه معظمها اشجار ومزارع او جبال شاهقه لاتصلح للابل واقرب منطقه صحراويه حوالي 300 كيلو وانا اعشق الابل يعني يوميا الجلسه عندها متعه لاتوصف علما بان الابل لاتعود الا المساء من المسراح حفظك الله واشكرك على المشاركه |
اقتباس:
اشكرك على المشاركه حفظك الله |
| الساعة الآن 07 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |