|
اللي عنده سؤال عن زيان الابل المجاهيم يتفضل ..!! اخواني اخواتي انا هنا متبرع بمن لديه استفسار او سؤال عن زيان الابل المجاهيم فقط فأنا حاضر وان شاء الله افيد واستفيد والله ينصرني على الصواب ويد وحده ماتصفق .. اخوكم فهد بن صلبوخ الهاجري |
الله يوفقك ان شاء الله وانت كفوا لها باذن الله مغليك مشعل اليامي |
ماعليك زود يامشعل وان شاء الله اوفي واكفي وانت ماقصرت اول وتالي اخوك .. |
اخوي فهد بن صلبوخ ماقصرت بيض الله وجهك وجمل حالك والشكر والتقدير للاخ مشعل اليامي تحياتي اخوك |
تستاهل يا فهد ومشعل ما يذكرك الا بالخير وحن تحت امرك اذا بغيت اطرف شي مستعدين اخوك فارس اليامي |
ارحب ياعيد المنصوري ووجهك ابيض ولاخلا ولاعدم طال عمرك ولاحنا بغنيين من نفعتك اخوك |
ارحب يافارس ووجهك ابيض انت ومشعل ولاتغلون الا من يغليكم ولاخلا ولا عدم اخوك |
الله يقويك يااخ فهد |
ارحب يابن مريخان ولاهنت نفدا وجهك اخوك |
للتحديث اخوكم فهد بن صلبوخ |
لاهنت يا ابو حمد وجعلك ذخر طال عمرك وهاذي بادرة طيبة منك ولاهي غريبة عليك وعلي شرواك وعساااك على القوة أخوك |
الاخ العزيز فهد بن صلبوخ السلام عليكم وعلى عليك امر عطني رايك في القعود وتوه ملقي لني ابغي اشتريه وبغيت شوركم توني مشترلي مجاهيم اخوك احمد الشمري http://www.j1jj.com/uploads/77980ab34a.jpg http://www.j1jj.com/uploads/b995ca2346.jpg |
ارحب ياخالد وشرواك الطيب ولاخلا ولا عدم اخوك |
ارحب يا احمد واشكرك على ثقتك بنفسك وان شاء الله اكون قد وفقت اما بالنسبه للقعود طيب ان شاء الله راسه وسط وصيغته طيبه جدا وفنسته زينه واذنه زينه كذلك ولكن لحيّه قصير شوي وشربّه ضافيه وعظامه جلال وجنبه وسيع ورقبته طويله وزينه ومقامها طيب والقعود طويل ان كانه يلقي لكن ظهره ماهوب زين لأن سنامه متقدم وغاربه قصير ولونه مايل للصهاب .. واذا كانت امه غاليه وابوه اغلا فهده والله يمنح منه واما ان كانها عكس ذلك فلا تهده الى اذا كنت راضي به او محتاج اضرابه ..!! واتمنى لك التوفيق اخوك |
الاخ العزيز فهد بن صلبوخ الله يعطيك العافيه وبيض الله وجهك بخصوص ام القعود فهي عاديه لكن ابوه طيب ومنتج واصل ابوه من ابل ال مره وبيعت اخت القعود قدامي وسنها حقه 280000االف ميتين وثمنين الف هالسنه وترى افجحت القعود زينه بس عيبه مثل ماقلت سنامه متقدم وغاربه قصير وفي نهايه كلامي اقول جعل شيبانك الجنه اخوك احمد الشمري |
بيض الله وجهك بياض يشع مع كل ريع وجعل والديك مايجون النار واذا صار ابوه منتج فاصبر عليه مادام اخته راحت بذا القيمه والله يمنح منه ان شاء الله وبشرني عن انتاجه لاجاء وترا رقمي محجوز :) اخوك |
لاهنت يافهد على الفكره الطيبه وبيض الله وجهك اخوك |
اررررررررحب ياعاتق ووجهك ابيض يالسنافي ولاخلا ولا عدم اخوك |
ارحب يافهد والله يجزاك خير والله يعينك على الامانه. اخوك خالد السديري |
ارحب ياخالد والله لايهينك على المرور الكريم وتشرفني متابعتك يالقرم اخوك |
وافي ياابن صلبوخ وجعل عمرك طويل |
الوفاء في حضورك لاعدمته ومرحبا مليون اخوك |
ارحب يابو حمد وفيك البركه ماينخاف عليك عضالجنه محرومون من المشاركه فيهاقسوة عليكم |
ارحب يابوعلي والله يبارك في حياتك ولاحنا بمحرومين طال عمرك اعتقد ان حنا بنسوي مزايين بننا :) لاهنت اخوك |
الله يسعد مساءك اخ فهد ويعطيك الف عافيه الحقيقه اني طرحت هذه الصوره للقعود هديان في سوق المزاين وذلك لاعطائي رأيكم في القعود ولكن لم يدلي احد برأيه واليوم اتمنى منك ان تمنحني رأيك ودمت http://www.arab-x.com/get.php?filename=1163184424.jpg |
اعتذر يا احباب على التكرار الغير مقصود |
يا اخ فهد الله يسعد مساءك الحقيقه انا قمت بكتابة استفسار من خلال الرد السريع ولكن لم يظهر في المنتدى ارجو التوضيح رعاك الله |
ارحب يابوسعد اما من ناحية القعود ارجو تذكر لي سنه طال عمرك على شان اقدر احكم على طوله جبره ..!! وان شاء الله اني اقدر افيدك واشكرك على ثقتك القويه اخوك |
تبقا و تحيا يا راعي الفزاعات والله الصوره السابقه وعمره سنتين الصوره التاليه وعمره ثلاث سنين وكان ودي اني انزل اكثر من صوره لكن خلفيتي في تنزيل اكثر من رابط قليله ودمت واليك الصوره: http://00op.com/up/uploads06-11-11/f6fb43ed6b.jpg |
اخوي فهد هذي صوره ايضاً لوجه القعود وقدم اسفي لعدم وضوح الصوره : http://00op.com/up/uploads06-11-11/cff874f4fc.jpg |
... http://www.mzayan.com/vb/images/uplo...09957b7de7.jpg http://www.mzayan.com/vb/images/uplo...0998d4fa6b.jpg أخي الكريم : فهد أرجو طال عمرك أن تبين لي الفرق بين هذين الجملين .. أيهما أزين وتبين الأشياء الزينة في كليهما كما تبين عيوبهما .. ولك جزيل الشكر وكل الامتنان . |
ارحب ياعلي وانا بحكم انشالله على الصوره الاوله لان الاخير ماطلعت عندي وقععود مواريه كلها زينه ان شاء الله خشمه زين ورقبته طويله ومقامها طيب وظهره عادي لان السنام متقلّط ( متقدم ) عظامه جبره وطيبه وعيبه غاربه ماهوب ويل ولا له اسبال (( شدوق )) ولونه واكثر شي تعتمد على اصله من صوب امه اكثر ومن صوب ابوه وبالتوفيق ان شاء الله وان اصبت فهو من الله وان اخطأت فهو مني ومن الشيطان اخوك |
رايك الله يوفقك في هذا القعود فضلا لاامرا http://www.mzayan.com/vb/showthread.php?t=2498 http://www.mzayan.com/vb/images/uplo...a142b990c8.jpg http://www.mzayan.com/vb/images/uplo...a142ba30e8.jpg http://www.mzayan.com/vb/images/uplo...a143dadb87.jpg http://www.mzayan.com/vb/images/uplo...a143dc006d.jpg |
اخوي عبدالله السهلي هذا الرسم التوضيحي يبين لك وان شاء الله اني قد وفقت في ايصال المعلومه : http://www.mzayan.com/vb/images/uplo...a130096250.jpg اخوك |
اخوي علي الغانمي حياك الله واشكرك على هذه الثقه الكبيره اما بالنسبه للقعود : جنبه وسيع وعظامه جبره وطيبه وعيبه ماهوب افجح وسنامه متقدم جدا اي له عيز ..!! رقبته طويله وزينه واذنه حاده ولكن قصيره وراسه وسط لاكبير ولا صغير واللحي طوال وزينه واسباله عايديه ولاهوب افجح والاصل كله يرجع الى اصله اذا كان طيب جدا جدا مايهم حتى لو شكله عادي وبالتوفيق ان شاء الله اخوك |
اقتباس:
اريد توضح لي اكثر لمعنى افجح بالنسبه لااصله كما ذكر لي انه اصل طيب والله اعلى واعلم لك مني كل التقدير على الردود اخوك على الغانمي والامر الثاني بارك الله فيك |
مرحبابك ووجهك ابيض اخوي على الغانمي اما بالنسبه عن كلمة افجح يعني ان تكون هناك مسافه بين العراقيب والفخوذ ولا تكون قريبه من بعض او تكون روسها متقابله تقريباً فهذا لايرغب فيه تحياتي |
اقتباس:
|
يامرحبا ياعلي وحاضرين للطيبين اخوك |
اخوي فهد .. اشكر مجهودك الراائع .. وكتب الله لك بذلك اجر.. ابي استفسر شرايك بالبعير اللي بتوقيعي ..كم تقدر قيمته.. دمت بووووووود ... |
| الساعة الآن 04 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |