|
اورام في يوم وليله؟ الافاده للاهميه! السلام عليكم ورحمة الله وبركاته الى الزملاء في منتدى مزاين بعد التحايا عندي مشكله في احد الابل وهي من اغلى النياق على قلبي معلومات الناقه العمر/ سديس ام رابع لقحه وانتاجها بعد شهر يعني شهر 12 حاله بدينه اكلها ممتاز وبالها كذالك اعراض المرض ورم/ الديد ورم/ قدام السر ورم/ قدام النحر اورام في يوم وليله انا عندها قبل يومين ولم الاحظ الاورام المذكوره ملاحظ الناقه شهيتها ممتازه الناقه خاطرها ممتاز وللمعلوميه لاتدمع العين وانا جاهز لاي سؤال عن الناقه الرجاء من اهل الخبره واهل التجربه الافاده ولهم جزيل الشكر اخوكم/محمد الوهبي التميمي |
اخوي محمد الناقة راعية شبك والا تسرح وتروح . |
اقتباس:
الناقه بالبر وتسرح بس مهنا من بعد واشكرك على سرعة التجاوب |
حياك الله يا محمد وش طعام الابل الى تطعمها وكم الكميه |
ماعليها الا العافية انشاء الله بعض البل لا نزل ديدها قبل الولاد تخف السير وتكون كمية السوائل واضحة على جسم الناقة من قلة المشي وبعد الولادة سرعان ماتتلاشى . |
اقتباس:
طعام الابل رودس مستمر في معالفها ومكعب وافي بمقدار مناسب |
اقتباس:
والحقيقه اني تخوفت من بعض الامراض مثل الهيام وغيره من الامراض الخطيره وللمعلوميه الابل مسراحها من اسبوع تقريباً شبه واقف ولاتبعد حول الشبك عشان رحولها مهيب معها هالاسبوع وانشااء الله الرحول الجديده جاايه وترجع لمسراحها الاولي لاهنت على تعقيبك ومرورك العطر |
ناقتك انشالله ما بها شي يجي دايم في بعض الابل اللقحات القريبه من الولاد وهو عباره عن ماء حوالين السر ويتم ايام بسيطه عقب الولاد ويروح من كيفه لا تتعب حالك الامر سهل هذي الحال مرة معنا كثير تقبل تحياتي اخوك : عبدالعزيز العصيمي |
اقتباس:
الله يبشرك بالخير واليوم الصباح انا عند الابل وابشرك الناقه وضعها تمام بالنسبه للورم اللي قدام السر اختفا وصار جنب الديد واللي قدام نحرها مثل ماهو ماتغير بس الناقه خاطره ابشرك طيب وعلى الله الاتكاال |
اقتباس:
والله يجزيك الف خير |
يالربع خلو البل تمشى وخاصه القاح |
اقتباس:
ابشرك البل تمشي من صباحها لحد تالي عصير ولاهنت على مرورك العطر |
صارت معاي نفس الحاله قدام الديد وبالنحر كأنه كيس ماء الجلد يترهل ويختظ وشرحت الحاله للدكتور وقال لي التهاب وانا اعرف ان الناقه سليمه مع البل ولم اقتنع بالدكتور وتركتها وحالتها واكلها طبيعي وبعد 15 يوم اختفت وزانت الناقه يعني ناقتك انشاء الله مافيها شي |
اخواني ماهو علاج البدوة التي تخرج من رحم الناقه اعزكم الله قبل الولادة باشهر قليلة ؟ وهل تكون عيبا في الناقة؟ |
وسع صدرك يالتميمي مهنا الا العافيه بسألك وش لون الناقه |
اقتباس:
ولاهنت على مرورك |
اقتباس:
ولاهنت على مرورك |
السلام عليكم ورحمة الله وبركاته اخوي انا عندي ناقه مثل حالة الناقه الي عندك وبصراحه الناقه متورمه ونحرها متورم وديسها مورم والناقه بالعافيه تسحب رجليها وجاها ورام حتى في سيقان الناقه رجليها والناقه دقيتها ابره هيام فرنسيه قبل ومانفع معها وما استفدت اي شي وانا بصراحه بعض البل اذا ورمت وهي ملاقي اذا ولدت الناقه ولدها اذا طلع من بطن امه يصير ماهو نشيط والله يستر يموت لان صار عندي كذا حاله مثل هذي وماتت الحيران . اتمنى من الاخوان الي عنده حل من الاخوان الي جربو وشافو نتايج عاليه او الاخ عيد المنصوري يفيدنا عاجل عاجل ... اخوك .... عبدالله |
الناقه مافيها الا العافيه الخاطر طيب على الطعام مافيها شي باذن الله |
السلام عليكم ورحمة الله وبركاته انا عندي ناقه متورمه وهي باقي عليه شهر للولاد وتورمت الناقه ونحرها متورم وديسها متورم وعطيتها ابره هيام فرنسية وللاسف مافيه فايده وش الحل في نظركم يا اخوان وبصراحه الناقه وضعها يخوف مره ونحره متورم ورم شين مره والمبرك للناقه متورم .. ارجو من الاخوه الي عندهم خبر او الاخ عيد يفيدنا بالموضوع ومشكورين جميعا ... |
| الساعة الآن 41 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |