|
لاهل العرف تكفون نبي مشورتكم ورايكم السلام عليكم يالربع انا عندي رحول شان حالها وراحت عظم وجلد وتاكل طبيعي وشهيتها مفتوحه واذا جت تبرك بركت على جنب وطول الوقت نايمه على جنبها وبعرها كرمكم الله مدور وله راس قالو فيها شوكه وكويتها المشط على مخافق بطنها وعطيتها حبوب الدود ولاكو فايده ويالربع الراعي يركبها ويرد عليها البل وظعها طبيعي بس ان حالها شاينه بالحيل مابقى غير عظمها وجلدها مع انها تاكل طبيعي وانا مكرمها بالطعام والحين صارلها على الحال فوق الشهرين اول ماجاها صارت عينها اليمنى بيضه بالمره وعطيتها ابره الهيام الفرنسيه وعطيتها افوميك الانجليزي وبعدين ومع الادويه رجعت عينها زينه بس ماقامت تشوف فيها زين الا القريب حيل وانسل حالها وضعفت بالحيل واليوم عطيتها ابرة الهيام الهنديه وعطيتها دوا مضاد حيوي مدري شسمه وبعد يومين ابعطيها سوبر افوميك ان شاء الله اللي عنده خبره يالربع لايبخل علينا واللي يعرف المرض هذا يعلمنا فيه الله يمنعه عن حلال المسلمين وجزاكم الله خير |
السلام عليكم ناقتك مابلاها الا الراعي يصلف عليها ومسرف فيها وشيك علا غاربها شف فيه جرح من الشداد راقب الراعي بدون مايدري وبتعرف كلامي وبعدين الي فيها شوكه ولا فضخ اكلها يقل وبخصوص عيونها عطها ملتي فيتامين والله يشفيها |
هل الناقة تدخل وحده من رجيلينها وهي باركه ؟؟ |
اقتباس:
نعم الناقه لبركت تبرك على جنب ووحده من رجليها داخل |
يالربع ياهل البل ماحد عرف العله وشنهي |
يا عزيزي هذا جرح والدليل دمنها وقم بالتالي : 1- انت كويت على الخفق بمشط وهذا اول العلاج ويقاله جرح متخر . 2- اكو جرح مقدم وذلك بكويهها بمطرقين بالطول I I على جنبها الايمن قبل العضد ومن فوق المطرقين مطرق بالعرض ___ يعني بسير على شكل حرف ال مقلوب ____ I I 3- اكوهها على نفس الجنب على الضلع الكبير اخر ضلع من صوب الكلوه بمطرق بالطول . 4- غرها بثلاث غراش زيت سمسم لمدة ثلاث ايام كل يوم ثلاث غراش . 5- راجع الطبيب اذا لها علاج او ابر . اذا ما عالجتها وتركتها على الوضع ذا ترا موتها قريب والاعمار بيد الله لان الحاله قد صارت معي والله يشفي ناقتك . والسلام ختام |
يا جماعه الخير راعيه الجرح يقل اكلها والرجال يقول ناقته اكلها زين الله يزين حالكم |
اقتباس:
الله يجزاك خير ويجعله في ميزان حسناتك انت والاخوان اقتباس:
مدري هذا عشان عطيتها امس ابرة الهيان الهنديه وعطيتها مضاد حيوي مدري شمهوعطيتها ملين البرافين والا ماله شغل واليوم جبتلها بودر اصفر يقول الدكتور حق التهاب الكلى وغريته منه اليوم والله كريم |
اللي في ناقتك هي الشوكة وهذي اعراضها الدمن عزكم الله يكون مدبب مثل ما قلت واذا بركة تدخل وحده من رجلينها وحصلت في ناقة من خيرت ابلنا وخذا معها المرض قرايب شهرين وماتت ولا تتعب نفسك بالعلاجات لانه ما منها فايده والشفاء بيد الله تقبل تحياتي |
اقتباس:
الله يعوض علينا بخير منها سوينا اللي علينا وتخسرنا عليها بالعلاجات والله كريم يبي يرزقنا الله عسى الله لايخسر مسلم امين |
اخوي مبارك دور على واحد يكوي الناقه على بطنها دائره على سرها ومطرق قبل الضرع وريحها بعد ذلك ولاعاد تعيد جرعات الهيام او ابر الجرب بعد الكي تعطى زيوت نباتيه بقدر فنجان يومي مع الشوار او غيره سوا سمسم او زيت عافيه المتوفر واعارض الكميات الزائده |
صحيح كلام ذيب اللي فيها والله اعلم جرح |
اقتباس:
الله يجزاك خير على هالمعلومات اقتباس:
|
السلام عليكم ياعيد الكوي الي عطيته هذا كوي فضخ والناقه ماطاحت ومشيها سليم ونا قتك يا مبارك انا متاكد بعد الله ميه بالميه هذا جرح والدليل الدمن مثل المسامير والحاله مرت علي اكوهها واخر العلاج الكي ولا تعطيهاابر جرب وهيام اتمنا اني افدتك والله يشفي ناقتك والسلام ختام |
اقتباس:
الله يجزاك خير ياذيب انت والربع والناقه انا كاويها قبل اسبوعين تقريبا على مخافق البطن على الكلى مشط يمين ومشط يسار وبعد ماعطيتها الادويه هذي والله ياخوك كانها تحسنت اشوفها باركه طبيعي اليوم وليا دكت من مبركها احسن من امس واليوم عطيتها ابرة سوبر افوميك مع مضاد حيوي مع بودرة لونها اصفر حق التهاب الكلى وان شاء بقولكم النتايج بس ادعولنا عسالله يشفيها |
الله يشفيها وعلمنا بالنتايج وترا زيت السمسم اثبت جدارته اسال مجرب والله يكفي حلال المسلمين البلا |
اقتباس:
|
انا عطيتها ثلاث غراش زيت سمسم حجم الغرشه صغير يعني 500 ملل الغرشه كبر الكف لمدة ثلاث ايام وامسك لسانها قبل ما تغرها وتشافت الناقه وبدون كوي والله يشفي ناقتك يا ولد عطاااااااااااااااااا وتقبل مروري ,,,,,,,,,,,, |
اقتباس:
بيض الله وجهك يالذيب يابن علي |
السلام عليكم ورحمة الله وبركاته اقتباس:
|
اقتباس:
|
ابشركم ان الناقه والحمدلله بدت تاكل وتبرك طبيعي ولاعاد تبرك على جنب ولاعاد ادخل رجلها لبركت وبعرها اعزكم الله رد طبيعي وبس ان طابت بالمره راح انزل موضوع عن علاج الشوكه والعلاجات مجربه راح اذكرهن والله يجزاكم خير |
ولد عطاااااااااااااااااااااااااااااااا علمنا بعلوم العلاجات وش سويت الله لا يهينك |
اقتباس:
|
مباااااااااارك عطيتها زيت سمسم ولا لا ؟؟ وعلومها اذا عطيتها ؟؟؟ |
اقتباس:
|
اشهدن مابه اطباء والحمدلله على سلامت ناقتك والله يفكها من كل مكروه تقبل مروري يا ابن عطااااا اخوك عبدالعزيز العصيمي |
اخوي مبارك طمنا عن ناقتك وفدنا بلعلاج الي سويته لان عندي ناقه نفس الحاله لها ثلاث شهور ماخليت علاج لشوكه ماسويته ولافاد عطيتها زيوت ولا فاد جبت الدكتور وكذالك فا يا ليت تذكر بتفصل وش سويت لاهنت |
اقتباس:
الله يجزاك خير |
اقتباس:
1- مضاد حيوي لالتهابات البكتيريه Hexasol LA ابره 20 سيسي لمدة خمس ايام بالرقبه 2- شراب ملين برافين عطها نص لتر اليوم ونص لتر بكره 3- ابرة الهيام الهنديه كرتونها احمر بين اللحم والجلد على حد الرقبه مع الكتف 4- ابرة سوبر افوميك 20 سيسي تحت الجلد بين الجلد واللحم بس تعطيها بعد ابرة الهيام بيومين ثم تعيد نفس الجرعه بعد 14 يوم 5- بودر اصفر لاتهاب الكلى اول يوم تعطي 120 جرام من البودر مع نصف لتر ماء وذوب جيدا وتغر الناقه فيه وثاني وثالث ورابع يوم تعطى 90 جرام من البودر مع نص لتر ماء وتذاب جيدا وتغر الناقه فيه 6- تعطى مالتي فيتامين لمدة ثلاث ايام اول يوم 20 سيسي وثاني وثالث يوم 15 سيسي بالرقبه بالعضل ملاحظه :- *اول يوم تعطى ابرة المضاد الحيوي مع ابرة الهيام مع نصف لتر من شراب البرافين * اليوم الثاني تعطي ابرة المضاد الحيوي مع نصف لتر شراب البرافين * اليوم الثالث ابرة مضاد حيوي مع نصف الماء المخلوط بالبودر الاصفر 120 جرام مع ابرة السوبر افوميك الامريكيه الجرعه الاولى *اليوم الرابع ابرة المضاد الحيوي مع نصف لتر ماء مخلوط مع البورد الاصفر90 جرام مع ابرة فيتامين 20 سيسي *اليوم الخامس ابرة المضاد الحيوي الاخيره مع نصف لتر ماء مخلوط مع البودر الاصفر90 جرام مع ابرة فيتامين 15 سيسي *اليوم السادس نصف لتر ماء مخلوط مع البودر الاصفر90 جرام مع ابرة الفيتامين الاخيره 15 سيسي ملاحظه مهمه الصبح عطها شعير والمغرب عطها شعير وشوار مخلوط وباليل عطها برسيم واكرمها وان شاء الله بتشوفون اللي يسركم ادري ان الابر كثيره بس الله يعينك ويشفي ناقتك وعلمنا اللي يحصل معاك ولاتنسانى من دعوتك |
يمكن ياخوي مبارك فيها جرح وكيه مشط من الكلوه وتقبل مروري |
| الساعة الآن 38 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |