|
تـــغـــطـــيـــة الـــمــهــرجــانــات السلام عليكم ورحمة الله وبركاته أخواني أعضاء منـتدى مزايـن الرائع أردت ن اطرح موضوع تغطـــية المزايــــن ((أخواني نحن قصرنا في حق المنتدى وأولهم انا ))لماذا لا نســاعد الأخوان خالد السبيعي وحمد السحيمي في تغطية المزاينات لماذا نذهب ونرجع بلا اي معلومات للمنتدى العذر مع اللي عندهم اشغاال لكن اللي ماعنده اي شئ وش يسوي ((يمكن التصوير بالجوال وأدخالها للكمبيوتر او كاميرا تحميض وادخالها ((جهاز السكنر))ومعلومات عن المراكز الأولى ووووو الجوائز لماذا لا نجعل مزاين منتدى يبحث عنه كل شخص ويمتع بالقراءه ومراعاة المموروث الشعبي لماذا لا نجعل جميع الناس يهتوون في الأبل ؟؟؟؟؟ لماذا لانجعله أفضل منتدى مراعاه للأبل والي الان هو افضل منتدى وهناك افكار كثيره من الجميع تجعله افضل منتدى لايمكن لخالد السبيعي او حمد السحيمي بمفردهم ان يطرحوا افكارنا جميعا انا من الناس اللي ما اقدر اروح للمزاينات الا اذا تاحت الفرصه لكن هناك اشخاص كل مزاين يروح والله يهديه ما يجمع اي معلومه لماذا؟ أخواني اتمنى ارى المواضيع في كل قسم تتجدد بسرعه اكثر المواضيع في كل قسم اخر موضوع في الصفحه الجديده قبل شهرين من الممكن واول موضوع مثلا قبل 4 ايام ليش؟؟ ليش ما نحاول البحث في بعض المنتديات الغير معروفه وناتي بها هنا ونكتب عليها منقوله لكي يستفيد منها الاخرون في المنتدى المعروف والخاص لماذا لا ؟؟؟ عموما اتمنى الرد من الجميع وشاكر لكم جدا علي العتيبي |
الله لايهينك ياعلي على الموضوع الطيب واهتمامك بهالمنتدى الطيب وكلامك في محله ياغالي لكن انا عضو جديد وان شاءالله افيد المنتدى واستفيد منه |
عليكم السلام و رحمة الله وبركاته كلام طيب يا علي وانشالله ما نذخر في المزاينات القادمه وحبذا لو يكون الاهتمام اكثر من اصحاب الاختصاص |
محمد بن راشد هلابك ونا خوك ومرحبا بين أخوانك شاكر جدا على ردك الطيب وان شاء الله تفيد وتستفيد أخوك علي العتيبي |
مبارك سالم المري هلا والله فيك وشاكر لك جدا جدا على الرد الطيب وان شاء الله بتستفيد وتفيدنا أخوك علي العتيبي |
اخوي علي الاخوان خالد السبيعي وحمد السحيمي يمكن انها توجه لهم دعوات للحضور هذا المزاين وهم ما قصروا في تغطيه المزاين ولا الاخوة الاعضاء كل واحد منهم ينقل المهرجانات الموجودة حوله او في ديرته موضوع جيد الله يوفق الجميع مشعل اليامي |
اخوي مشعل هلا وغلا شكرا لمرورك أخوك علي العتيبي |
يعطيك العافيه اخوي على فكره رائعه ينقصها التفعيل |
الله يعافيك أخوي نقا هذا من طيبك ونا خوك وشاكر لمرورك تقبل تحياتي أخوك \علي العتيبي |
الاخ علي السلام عليكم لجعل الموقع شيق وفيه حركه انصح بوضع مقاطع طويله لعرض الابل او البطح تقبل تحياتي والى الامام |
فيصل بن مرخان هلا ومرحبا فيك شكرا لمرورك |
فكره حلوه اخوي وكلام جميل ولو انا اقدر اروح كان ماقصرت وانشالله الرجال الموجودين فيهم الخير والبركه ولو انا اصلا مالي دخل بالموضوع بس انت تقول لازمة تردون تحياتي اختك |
بنت عتيبه شكرا على تقديم الرأي في الفكره واشكر لك اهتمامك يعطيك العافيه علي العتيبي |
الله يعطيك العافية وان شاء الله الجميع ما يقصرون في المزاينات القادمة تحياتي لك |
الله لايهينك ياعلي وبيض الله وجهك كلام طيب من وجه طيب في محله ياغالي ومثل ما تفضلت اليد الواحدة ما تصفق ومن واجبنا جميعا التعاون في سبيل خدمة هذا الموروث الغالي لاهنت يا علي والجميع فيهم البركة وان شاء الله نرى مجهوداتهم وانتاجهم هنا في مزاين تحيااااتي وتقديري أخوكم |
اخوي / علي العتيبي الحقيقة تشكر على هذا الوضوع وهذا كلام في محله و الغريب في الامر اننا نفتقر للمواضيع المتجدده بالرغم من ان اعضاء هذا المنتدى بالقليل خمسين شخص وان لم يكن اكثرررر بكثير اذاً لماذ لايكتب كل شخص موضوع واحد فقط عن اي شي مفيد و مهم لهذا المجال من مقاطع فيديو وغيرها من صور متجده عن الابل المنتشرة عن طريق البلوتوث وليس بالضروره ان يكون المقطع او الصوره عن الابل بل عن حياة الباديه عن الربيع ...الخ ارجوا ان اكون قد افت بشي وامل ان تكون المعلومه مستوعبه واكرر شكري للاخ علي النفيعي على ادراج هذا الموضوع وتقبلوا تحياتي............... |
الأخ علي بن عبد الرحمن بيض الله وجهك ولا هنت على الموضوع المهم جدا جدا وان شاء الله على ما يقولون ما نزيد السمن الا عسل لكن يا خوك ولا يهونون الربع كل وشغله وأنا واحد منهم وظروف العمل لها دور وأنا حضرت كم من مزاين وجوالي ما بقى فيه محل من الصور لكن ما أعرف ياخوك احطها بالكمبيوتر حتى توقيعي مسويه على يد المحسنين . وأنت بنفسك قد أرسلت لي طريقة تنزيل الصور ولكن والله اني إلى يومك ما أدري كيف أجيبها . ولكن أبشر المزاينات الجاية باذن الله تشوفون ما يسركم وأنا أحسب في البداية أن المسؤول عن المزاينات وتنزيل صورها هو الأخ حمد السحيمي واذا ماخدمنا هالمنتدى الطيب والوجيه الطيبة صار منهو اللي نخدم ولا كن اذا طلبنا المساعدة في تنزيل الصور لا تقصرون تقبل تحيات أخوك محمد بن جاري |
الأخ علي بن عبد الرحمن بيض الله وجهك الحقيقة تشكر على هذا الموضوع وهذا كلام في محله |
عيد العطوي خالد السبيعي سلطان الحربي محمد بن مجاري محمد علي المري مرحبا للجميع وشاكر لكم جدا جدا على مروركم لهذا الموضوع والاهتمام له لاهنتم يا اخوان تقبلوا خالص تحياتي أخوكم علي العتيبي |
عزالله انها دكة طيبه ولاهنت |
خالد السبيعي لاهنت يالغالي على المرور وكلامك طيب وفي محله أخوك علي عبدالرحمن |
غشام الدوسري مرحبا بك ولاهنت على المرور والمشاركه معنا تقبل تحياتي اخوك علي العتيبي |
الاخ /على العتيبي فكره جد رائعه |
سعود الكبر مرحبا الفين ولاهنت على المرور تقبل تحياتي علي النفيعي |
الأخ علي السلام عليكم الموضوع طيب وأنا مستعد أن انقل لكم جميع المهرجانات الي تقام في سلطنة عمان. اتمنى من الأخوة في جميع دول الخليج أن يقوموا بمثل هذا الشي الطيب. مع الشكر لجميع الأعضاء. |
علي العتيبي الله يعفيك والسلام |
احمد الحوسني شئ طيب منك ولاهنت يالغالي ونحن بأشد الانتظار لها ولرؤيتها شاكر لك جدا مرورك وردك على الموضوع أخوك علي عبدالرحمن |
كامل الرشيدي الله يعافيك وجزاك الله خير وشاكر لك جدا على مرورك الكريم |
الله لايهينك ياعلي على الموضوع الطيب واهتمامك بهالمنتدى الطيب وكلامك في محله ياغالي وابشر مالك الا اللى يرضيك يس انت أمر وانا انفذلك واتمنى انك تحدد صور مقاطع معلومات وانا انفذها لاحرف الواحد واشكرك ياخوي على هذا الموضوع |
محمد مشاري ارررحب وحياك الله وماتقصر وحنا مانبي نكلف عليك لكن المقصد في الموضوع ان بعض منا يذهب اللي المزاينات ولاينقل لنا شئ وحنا نبي منهم من راح ينقل لنا بعض الشئ وشاكر لك جدا جدا ولاهتمامك |
والله ان تلفوني فيه اكثر من 114 فيلم فديو للمجاهيم بس للاسف ماعرفت انزلها وان عرفت ابشرو بالخير |
يعطيك العافيه اخوي على العتيبي فكره رائعه ينقصها التفعيل والبدايه ياليت تكون عندك مزاين الهيلا على الابواب |
علي محمد السالم مرحبا بك وحاول لاهل المجاهيم ينتظرونك شكرا لك |
تركي الصويمل حياك الله وانشاء الله بنجيب لكم قد مانقدر تقبل تحياتي علي عبدالرحمن العتيبي |
مشكور يالعتيبي على طرح الموضوع والاخ ابو ثامر من جد يتعب وانا عن نفسي أشهد بهذا الشي والحمد الله كان هناك تعاون في مزاين قحطان بيننا ولقاء وتم أنزال صور عن فعاليات مزاين قحطان من تصويري وان شاء الله مهرجان قبيلة عتيبة راح يكون هناك تغطيه خاصه |
حياك الله يالقريني وشكرا على تعليقك ولاهنت وننتظر منك الصور |
كلام صحيح واشكر اخوي علي على هذا الموضوع (يمكن زوار المهرجانات يرون اشياء جميله ينقلونها الى المنتدى ) لكي يرتقي الموقع ونرى الجديدفي هذا الموقع |
| الساعة الآن 32 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |