|
سؤال عن البرسيم ؟ السلام عليكم اخواني الاعضاء عندي سؤال عن البرسيم وهو ماهو الفرق بين البرسيم الناشف والبرسيم الرطب. وشكراً |
يفيدونك الاخوان |
شف وانا اخوك البرسيم بشكل عام يزيد من حليب الناقه .. واذا صار رطب يزيد اكثر .. والبرسيم الرطب يخلي الناقه تجسر بسرعه .. وتحياتي .. |
يفيدونك الاخوان |
!!!!!!!!!! الاخوان فيهم خير وبركة |
يا هلا بالجميع ومشكورين على التفاعل بصراحة انا سمعت من احد الربع ان البرسيم اذا صار اخضر ورطب تكرمون يجيب الذراق ويهر بطونها ننتظر ردودكم وشكراً |
البرسيم عود البرسيم : ألياف ورق البرسيم : بروتين البرسيم الرطب : نسبة البروتين عالي فيه بسبب وفرة ورق البرسيم فيه. البرسيم الناشف : نسبة الألياف أعلى بسبب قلة ورق البرسيم فيه. أبو عبداللطيف |
شكراً على التوضيح يابو عبداللطيف بس وش رايل هل الرطب يجيب الذراق تكرم ؟؟ |
اقتباس:
هذا أمر طبيعي عند الحلال خاصتاً ما إذا أكل أي شي رطب وبكمية كبيرة برسيم أو غيرة من العلف وإذا حبيت تطعم الحلال بالبرسيم الرطب والعارف لا يعرف عليك بالتدرج في الكمية وبأذن الله الحلال مايجية شي. ]أبو عبداللطيف |
طيب يا اخوان الافضل البرسيم اللي كله ورق والا المخلوط للبل طبعااااااااااااااا |
يا مال السلامة والعافية يابو عبداللطيف ولا هانوا الاخوان |
اقتباس:
من خلال خبرتي البسيطة .البرسيم الرطب: يعطا للمفاريد المشبوكة والناقة الكبيرة في السن مع الشعير المجروش بتدرج هذا إذا كان المقصود تسمينها. البرسيم الرطب: يعطا للخلفات مع الشعير لزيادة إنتاج الحليب. البرسيم الرطب: يعطا للفحل المربوط مع الشعير إذا كان الفحل راح يفك في البل لقرض التلقيح. تقدر كمية العلف المعطاة للواحدة من الإبل حسب وزنها لكل 100 كغم(2 كغم علف حب كحد أقصى) بمعنى إذا كان لديك ناقة (تسرح) وزنها 400 كيلو غرام فهيا بحاجة إلى 8 كغم حد أقصى من العلف شعير حب يومياً تظهر نتائج التغذية الإيجابية على الحلال بعد 45 إلى 60 يوم والأخوان أصحاب الخبرة الطويلة في تربية الإبل إن شاء الله ماهم مقصرين علينا بالعلم الطيب أبو عبداللطيف |
ينقل الموضوع لقسم الأسئلة والنقاشات . ولكم تقديري .. أبوعبدالرحمن |
كفيت ووفيت يا بو عبداللطيف ولا هانو الاخوان ومن ناحيه الافضل انا اشوف ان البرسيم الصافي افضل من المخلوط والناشف افضل من الرطب بس التدقيق ان ما فيه لزيق واشوف انه من اكبر الاخطاء بالنسبه للابكار بجعل البرسيم وجبه رئيسيه وتعطى كميات قليله عشان النمو لنك اذا زدت لها البرسيم بتطلع عرض يعني بطن ونموها يكون بالجوانب وياثر على طولها لكن يقدر لها كميه بسيطه يومياً لتزيين شعرتها ولحاجتها للبرسيم وانا اقول الكلام هذا من خلال تجربه الابكار تحتاج لتنويع بالاكل لا الكثره منه وشي طيب لو تعطى فيتامينات واملاح يالربع تراء التعليف امر مهم جداً ولا يتهون فيه من اول يوم تلد الناقه والله لايهينكم على الموضوع الطيب وننتظر الاخوان لاثراء الموضوع وشكراً |
اقتباس:
أفضل من المخلوط ( عودان وورق ) بالنسبة للأبل ..؟ |
اقتباس:
لا وانا اخوك مهو هذا قصدي ولا اعتقد ان فيه برسيم ورق من غير عيدان المقصود بالمخلوط اي شي يخالط البرسيم من الورقيات والصافي هو البرسيم بعيدانه بس بدون خلط من اي نوع من الورقيات دمت بود |
انا من وحهة نظري ان البرسيم الي بدون ورق افضل |
السلام عليكم ورحمة الله وبركاته مما لاشك فيه أنا جميعاً نبحث عن المُفيد من العلف للحلال ولا حنا دافعين دافعين سوى كان العلف ناشف ولا رطب المقصد أنا الحلال والوقت هوا إلي يفرض عليك نوع العلف و مثال على ذلك. 1. الناقة الكبيرة تبي علف لين علف سهل تطحنه بالباقي من سنونها وتهضمه بمعدتها بدون تكليف عليها. الفطيم يبي علف مثل الناقة الكبيرة. 2. الوقت الوقت إلي حنا فيه الآن قالباً النياق لقايح وموسم ولادة الإبل قريب ومثل ماهوا معروف لدى الجميع إطعام القايح بالبرسيم بشكل مستمر وبكمية كبيرة يساعد على تورم الضرع و هذا لا يعني أني أنصح بعدم إطعام القايح بالبرسيم لأكن عطها كل ثلاثة أيام مرة أو كب لها يومياً بنسب قليله. الفحل، الجميع يعرف أنا الفحل الضعيف يكون لقاح النياق عليه ضعيف ولا يستطيع إن يضرب أكثر من وحدة إلى ثنتين في اليوم ويتعب راعي الحلال وموسم هياج الفحول قرب لذا لابد من تدارك الوقت والعناية بتغذية الفحل من خلال اختيار العلف المناسب له. أبو عبداللطيف |
الله يعافي الجميع على المشاركة الي نورتنا وزادتنا عرف |
| الساعة الآن 57 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |