لاهل الانتاج
 

هذا السؤال اعجبني في احدى القنوات التراثيه وحبيت اعرضه لكم
وش الافضل اذا لقيت بعيرين
الاول: انتاجه حوار ومفرود مالها حل واذا كبرت شانت
الثاني: انتاجه حوار ومفرود حلييوه واذا كبرت زانت وغدت من امات المزاين انت وش تختار

اذا انت رجال بتبيع يعنى شريطى عليك بالاول وان كانك رجال بتقنى عليك بالثانى وسلامتك وتدوم

انا مع أخوي هادي

عن نفسي أبختار الثاني

لكن السؤال وأنا أخوك وين البعيرين
ههههههههه

جعل عمرك طويل


ابختار الثاني

الثاني والحر الا طال المغار يبين.

الثاني دون ماخذ راي احد

عني باختار الثاني ,


والسبب / عليك بالناقه اللي زينه مقبل مهوب مقفي ,


وسلامتك ,:)

عني باختار الثاني ,

بدون مشاور الثاني

اللي ودي ان العرب يسومون حوارها ويمدحونه بوديها للاول ويمكن ان انتاجه عندي يزين ويتطور ولا يشين

واللي مافيها بيع ولا صخا باوديها للثاني

ولكن فحل ابلي ودي انه الثاني

إذا انا مقتدر آخذ الاثنين
ابيع انتاج الاول
آتقنى إنتاج الثاني

مافيها كلام
باختار الثاني ابي اللي كل يوم ازين منها امس

اما انا عني مانيب مختار الى اللي بيختاره سعود البريدي

الله لايهينكم جميع واسعدني مروركم وانا مثلكم اول ما سمعت السؤال من مذيع القناة والله اني ترددت بالرد لانها محيره ومنطقيه وفيه فحول كذا بالانتاج
اما بالنسبه لخوي سالم بن محمد اذا بتختار الي انا ابغي فانا افضل الثاني ....

وش جاب لجاب

اكيد الثاني ازين

كلام سليم

انا مع الوايلى

الثاني بدون نقاش

انا والله عني بختار الثاني بدون شور احد اذا انا راعي حلال وناوي مداء طويل

الله لايهينكم يالربع على المشاركه

الثاني ابختار ياغالي

لاهنت يافيصل وشرفت