|
حاله غريبه == حاله عجيبه السلام عليكم ورحمة الله وبركاته يا اهل الخبرة عندنا ناقه عمرها ثنية لم تلد ولا مره ولم تلقح ايضا الخبر العجيب ان الناقه الاسبوع الذي طاف كبر خلوفا ويخرج منها حليب بس قليل وحياها مخورم( داخل ) لكن لم تشاول واذا عرضناها على الفحل بقاها |
من متى وهي مضربه كم لها من شهر وهل حياها يطلع منه دم ولا لا وهل هي ترغي ولا لا اقتباس:
ياليت توضح عشان اعرف ارد عليك |
اقتباس:
الظاهر ان الناقه مصعد والله اعلم والبعير يطلب الصعود وتراها تضره اذا اضربها وش معنى بقاها ؟ الظاهر ان المقصد بغاها يعني طلبها البعير والله يوفقنا وياكم ويبارك لكم في حلالكم |
الناقه عمرها ثنو ولم تلد قط ولا ترغي ولايطلع دم بس ياالربع ماهي مصعده لانها ضربناها من قبل شهر اما معنا بغاها == طلبها اليوم مريت على احد الشيباب قال الناقه للقحت مو شرط تشاول |
ايه نعم بعض النياق ماتشاول لكن انت تقول البعير بغاها والفحل أبخص اليا منه كرفها انا ظني انها حايل اذا كانت ترغي مالك الا تصبر عليها الوقت هذا ماهوب وقت ضراب وبتبين بعدين ان شاء الله والله يرزقك بلقاحها |
الخبر العجيب ان الناقه الاسبوع الذي طاف كبر خلوفا ويخرج منها حليب بس قليل يالربع انتو ما علقتو على كلام الرجال وش تحليلكم لخروج اللبن من عجم وحايل وبالنسبه لاضراب البعير لها انا عندي لقحه واضربوها الربع يحسبون انها بروق واضربها البعير واستشمل وعقب اربع شهور جابت بكره والبعير هرش ولا هو يغشم الا في ذا الناقه |
بالنسبه للقاح فما فيها لقاح ولا شي بالوقت الحالي اغلب الأبل تكبر ديودها ويجي فيها حليب مخلوط بماء لونه ماهو بصافي وثقيل كأنه صمغه وماهو حليب حتي الحيل والبكار بالوقت الحالي يجيها ديود من الشحم ومن القيض وهذا شي عادي ماهو دليل على اللقاح ولا شي . والبعير بالوقت الحالي وخاصه وقت القيض ما يضرب الي المجسر اما وقت الهياج ممكن يكون قعود فسقان ولا هرش ابطا عن الضراب وممكن انه يطرح اللقحه |
اقتباس:
هذا تحليلي لها واما كلام اخوي محمد والله ماادري اول مره اسمع بهالكلام وانت ابخص مني |
يابو سعود انا اقول ان الناقه يوم اضربها البعير قبل شهر كانت القحه ولحين اصعدت اما اتخرق والحليب الي يضهر منها هذا دليل ان الناقه الصعدت والله اعلم |
انا اوافق اخوي محمد في راية واخوي عبدالله الناقة ما تصغد عقب شهر ولا حتى شهرين |
كان عندي جذعه لم اضربها ولم تلد من قبل وجا في ديودها حليب |
يابو سعود انا اقول ان الناقه يوم اضربها البعير قبل شهر كانت القحه ولحين اصعدت اما اتخرق والحليب الي يضهر منها هذا دليل ان الناقه الصعدت والله اعلم مع الأخ فلاح المحيميد أكيد مصعد |
الله اعلم لكن ننطر النتيجه |
اقتباس:
بيض الله وجهك على توجيهي ومنك أستفيد |
الأخ غنيم هل تعلف برسيم و توك معطيها البرسيم؟؟ |
يا اخوان الناقه حتي لو لقحه ما يضهر منها حليب الي بعد ما اتعدي 8 شهور وماهو حليب صمغه لونه ابيض كأنه مخلوط بماء اما الصعاد يختلف بعد مدة ست شهور لأن بالوقت هذا تكون جنين ويبان اعراض التعب على الناقه كأنها والد اما كبر الديد فوضحت الشي واغلب اهل الأبل يعرفون الشي هذا اما ان ناقه ما اتشاول وانها لقحه ممكن تصير حالة او حالتين وتعتبر حلات نادره ماهي اساسيه ولا يقتدا بها الله يرضا عليكم |
اقتباس:
|
الحليب في ديد الثنية والرباع البكر طبيعي في مثل هالوقت العام الماضي كان عندي رباع بكر وفيها حليب ولها ضره واضحه وهي حايل ولم تلقح الى قبل 4 شهور اختها من ابوها الان حايل وهي ثنيه ولو حلبتها يخرج منها مثل الحليب ولها ضره اعتقد انه طبع فيهن ووراثه افسر الحاله بان ناقتك مجسر بعد ما اخطت من الضراب السابق اما وجود الحليب فكما اسلفت وفقك الله |
| الساعة الآن 28 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |