|
حواره مزيزنه للبيع سبحان الله وبحمده , سبحان الله العظيم السلام عليكم هذه الصورة للحوارة ( الخيّره ) عمرها قرابة الشهر والنصف على بعير مترك الحمياني ( بليهين )مسيومة بـ 42 الف http://www.geocities.com/nasssr_nassr/20060210024.jpg جوال 0504827442 اخيكم / تركي القرفي |
السلام عليكم ورحمة الله وبركاته ماشاء الله البكره طيبه والله يربحك اخوك خالد السديري |
ماشاء الله الله يباركلك فيها |
ماشاء الله تبارك الله الله يربحك ويربح من يشريها |
سبحان الله وبحمده , سبحان الله العظيم السلام عليكم الاخ الكريم / خالد شكراً على مرورك وجًزيت خيراً على الدعاء. اخيكم / تركي القرفي |
سبحان الله وبحمده , سبحان الله العظيم الاخ الكريم / نقا هشال لاهنت على المرور , بارك الله فيك على الدعاء الطّيب. اخيكم / تركي القرفي |
سبحان الله وبحمده , سبحان الله العظيم الاخ الكريم / علي مشكور على مرورك الكريم , وفقك الله على دعائك الطّيب. اخيكم / تركي القرفي |
السلام عليكم ورحمة الله وبركاته الاخ تركي القرفي البكرة طيبة لكن ياليت تنزل لها صورة واضحة وتقبل تحياتي،،،،، |
البكرة مزيون الله يربح صاحبها بس انا مع الاخ فهد القحطاني وازيد اذا كانت امها موجودة تصورها ودي تغير جهاز الجوال اللي صورت الاولى منه علشان توضح |
وين موقعك وهل عليها سوم |
الاخوة الكرام فهد القحطاني و مشعل اليامي لا هنتوا على المشاركة والاشاده ولكم ما طلبتوا وان كنت قد وجدت صعوبه في أخذ الصور لمروري على الذود وانا مستعجل ولا خلتني المبروكة ( بأذن الله تعالى ) ان اصورها براحتي. http://www.geocities.com/nasssr_nassr/20060217079.jpg http://www.geocities.com/nasssr_nassr/20060217072.jpg وهذي صورتها قدام وجه امها http://www.geocities.com/nasssr_nassr/20060217067.jpg وهذي امها http://www.geocities.com/nasssr_nassr/20060217066.jpg والمعذرة اذا كان هناك عدم وضوح في الصور او انني لم استطيع التصوير يشكل احترافي لان خويكم عليمي في التصوير . اخيكم / تركي القرفي |
سبحان الله وبحمده , سبحان الله العظيم السلام عليكم الاخ الكريم راشد المقيبلي مساك الله بالخير والسرور حنا وانا اخوك في المنطقة الشرقيه في ( جو سمين ) غرب مدينة الجبيل وحدنا الله العالم السبوع الجاي او بالكثير عشرة ايام وبنشمل ندور الربيع عسى الله يرزقنا واياكم وكل مسلم برزق من عنده. والسوم وانا اخوك اللي ذكرته في اول الموضوع 42 الف ريال وتراني والله ما عرضتها على الشراية اللي حولي الا شخص واحد ولا كنت معطي الموضوع في حينه اهمية ومن ثم عرضتها هنا وكل من وده يسوم وان كان مقتنع من الصور الا انه بأمكانه ان يسوم ولا هو بملزوم بسومته قبل شوف البكرة على الطبيعه والاقتناع التام بما شاف. اخيكم / تركي القرفي |
اخوى تركى اخوانى الاعزاء ممكن اعرف ليش الحوارة عليه سوم 42 الف يا اخوان كلنا راعين ابل والحق ماينزعل منة ورجاءا ان يتسع صدركم لنقدى ام الحوارة عادية جدا جدا بل اقل من العادية ولافيها شي من الزين الكايد ممكن اعرف ليش هذا الغلا ء !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !! |
سبحان الله وبحمده , سبحان الله العظيم السلام عليكم الاخ الكريم / عبدالله من هو اللي قال لك او كتب هنا ان ام الحواره فيها شئ من الزين الكايد !!!؟؟؟ بل انني لم اضع صورة الام الا تنفيذاً لرغبة الاخ الكريم / مشعل اليامي اخيكم / تركي القرفي |
الاخ عبدالله العازمي الاخ تركي القرفي البكرة طيبة وتستاهل السوم اذا كان عمرها على كلام تركي شهر ونص تستاهل اما بالنسبة لام البكرة هي ما هي بشينة بس فيها ميزة زينه انا اذا جولت على اي بعير طيب تاخذ صفات ابيها وتخلي امها وهذه احسن ميزة الشي الثاني هدوا الوضع وترى لكل واحد وجهت نظر اخوكم مشعل اليامي |
الوضع هادى يا اخوان وكلنا اخوان وكلنا جمعتنا حب الهواية هذى جرت العادة عند البدو لما يبون ياخذون حوارة والا حوار فحل انك تروح للمقهور واصلن ماتطل فى الحوار تروح تشوف امه وابوة وهذا اللى نعرفه ياخوان الا فى شي ثاني |
سبحان الله وبحمده , سبحان الله العظيم السلام عليكم الاخ الكريم / مشعل اليامي كلامك عين العقل وعداك الريع وبالنسبه لعمر الحواره فهو كما قلت لكم سابقاً مايرزق الا الله . الاخ الكريم / عبدالله العازمي راجع كلام الاخ الكريم / مشعل اليامي (( بس فيها ميزة زينه انا اذا جولت على اي بعير طيب تاخذ صفات ابيها وتخلي امها وهذه احسن ميزة )) وبعدين وانا اخوك ما مدحت الام بل لم اتطرق لها ولكن اعتقد انك ما انتبهت الى انني ذكرت ابو البكره (( بليهين )) بعير مترك الحمياني وهو ( غني ) عن التعريف لدى كثير من اهل البل الطّيبه . والان اود منك مشكوراً ان تبدى رأيك في (( الحواره )) وليس في امها بعد ما ذكرت لك ابوها وعمرها. اخيكم / تركي القرفي |
مشا الله تبارك الرحمن الله يربح البايع والشاري موفق خير |
سبحان الله وبحمده , سبحان الله العظيم الاخ الكريم / دغيلب البقمي لاهنت وجزاك الله كل خير على دًعائك الطّيب اخيكم / تركي القرفي |
هلا اخوي تركي ومشاءلله ولكن اخي ابي اسالك عن الناقه الي في الخلف في الشبك الثاني الي بين راسها ورقبتها عندك انتظر منك رد وتقبل تحياتي |
سبحان الله وبحمده , سبحان الله العظيم الاخ الكريم / ماجد الروقي اولاً تقّبل عذري على التأخير وبالنسبة للناقة اللي في الشبك الثاني فهي لنا وهي ذالحين خلفه وتحتها قعودِ غالي وهو ثالثها على قول اللي شريناها منه العام وهي لقحه. اخيكم / تركي القرفي |
السلام عليكم والرحمه الله وبركاته مشاء الله تبارك الرحمن أخوى تركى الله يربح البايع والشارى والله يطرح لك فيها البركه موفق خير أخوك |
مرحبا اخوي /تركي اتمنى تعرض لي صورة القعود وامه الي قلت عليه وتقبل تحياتي ماجد الروقي |
بسم الله ماشاء الله الحواره طيبه وهي بنت أبوها لن ماعليها من أمها شخوص وتستاهل السوم المذكور وخذوا كلام حضري مايعرف البل تحياتي للجميع |
سبحان الله وبحمده , سبحان الله العظيم مشرفنا العزيز / خالد المطيري لاهنت على المرور وجزاك الله خير على الدعاء الطيّب كطيب صاحبه. اخيكم / تركي القرفي |
سبحان الله وبحمده , سبحان الله العظيم الاخ الكريم / ماجد الروقي لاهنت على المرور وعذراً على التأخير وسأحاول عرض الصوره عتدما اذهب للابل واصور الناقه وولدها وهي بعيده الان ( على الحد ). اخيكم / تركي القرفي |
سبحان الله وبحمده , سبحان الله العظيم مشرفنا العزيز / شجاع الاكلبي لاهنت يالحضري :):) بس وش يفكك من بعض ( العرافه ) اللي يعرفون يقيمون البل احسن مني ومنك :(:(. اخيكم / تركي القرفي |
ماشاء الله |
الاخ تركي البكره طيبه وفيها البركه انشاء الله وسعة الصدر زينه يالربع |
اخوى تركى القرفي ممكن اعرف منو اللى قال البيتين هذولا بعين الرجال تصير كل الحمـول خفـاف وتثقل بعين الـلاش سهـلات الاحمالـي وانا من رجال(ن) طيبهم في الجزيره طاف قروف(ن) لهم في المجد ممسى ومقيالـي |
ماشاء الله تبارك الله الله يربحك ويربح من يشريها |
سبحان الله وبحمده , سبحان الله العظيم الاخ الكريم / عبدالرحمن العتيبي لاهنت يالعتيبي وجزاك الله خير . اخيكم / تركي القرفي |
| الساعة الآن 37 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |