|
الباكستانيه السلام عليكم ورحمة الله وبركاته الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين في الأونه الأخيره دخل على أبل الجزيره الكثير من الأبل المهجنه والأجنيه واللتي تتوافر بها مميزات اجمل من أبل الجزيره كشكل ورفضة لجان المزاينات دخول هذي الأبل الي المزاينات هل هناك مأيد لدخول هذي الأبل ؟؟؟ وان دخلت ما مستوا تغير في النتائج في المزاينات ؟؟ وهل سوف ترتفع اسعار هذي الأبل وتنزل اسعار إبل الجزيره ؟ وما الحكمه من عدم دخول هذي الأبل ؟ وما الفائده من دخولها ؟ اتمني من لديه إجابه ان يطرحها او يطرح وجهة نظره |
موضوع جميل جدا من ناحيتي انا ارى ان جميع المواصفات الجمال المطلوبه موجوده بالباكستانيات الرقبه الطويله لحيها طويل سبال ضافي وجرم كبير عندما تهجنها مع ابل الجزيره تنتج شي رائع ويمتع ناظرك فأنا ارى انه يجب التهجين وانتاج الجمال المميز مهما كان الاصل وهذي صوره http://up3.m5zn.com/photo/2009/5/6/12/6mxo1hqvz.jpg/jpg |
شخصيا مع تحسين السلالة بأي وسيلة فلا ارى مانع من ذلك طالما اننا نحصل على سلالة جيدة ولانفقد مواصفات ايجابية في ابل الجزيرة |
ألا تري انه بخص بحق اهل الأبل الأصيله في الجزيره وخاصه انهم لا يمنعون البيع والضراب عن احد |
اقتباس:
ممكن ان نحسن الانتاج " كما تعلم ابو مشار ي ويعلم الاخوان ان الفحول المنتجة عندها طوابير ينتهي الموسم والطابور ما انتهي كما ان حصيلة انتاج اللي توفقوا وتعاشرت ابلهم مثل حصيلة المدارس الليلي سابقا (( لم ينجح احد)) اضف ان طوابير الانتظار فيها تكليف على صاحب الفحل والفحل والشخص المنتظر وهذا هدر للمال والجهد فإذا كان بالامكان تحسين الانتاج بإقتناء فحل باكستاني فهذا افضل خصوصا ان اسعار الفحول الباكستانية في متناول اليد للجميع ولتفعيل ذلك لابد من السماح للابل الباكستانية بالمشاركات في المهرجانات او كبداية يوضع لها اشواط خاصة مثل السودانيات في الميادين وقبل هذا لابد اولا ان نتأكد ونطلع على انتاج الباكستانيات مع ابل الجزيرة هل تحسن الانتاج فعلا ام لا؟ ودمتم بود |
اضافة بسيطة يوجد حاليا مجاهيم تشارك في المهرجانات اذانيها قصار ومنفهقه ولا تختلف كثيرا عن الابل الباكستانية مع انها في الاصل من ابل الجزيرة فما المانع " من ناحية الشكل " من مشاركة الباكستانيات؟ |
مع الاخ مسعود العماري |
انا ضد التهجين والسبب خوف من ضياع سلالات ابل الجزيره ابومطر ههههههههههه حلوووو المثال على التهجين |
ههههههههه ابو مطر تشبه ........ لا هنتو يالربع على المشاركه لاكن انا من وجهت نظري منع الباكستانيه من المشاركه في المزاين ... رأي صائب وذالك كما وضح الأخ ... حمد الغواص لعدم ضياع السلالات ... وان الباكستاني سعره معقول بالوقت الحالي ولاكن ان دخل يبي يلحق السحاب ويجي اكثر من سعر ابلنا حتي لو شين وهذي التجربه بينت في أبل الشمال .. العراق بالنسبه للمجاهيم ممكن ما تفرق لانه المجهم ثقيله في المشي ونفس جرم الباكستانيه وكثير ادخلو الباكستاني وضاع اسم الباكستاني . وسمي بفحل فلان لاكن بالنسبه للمغاتير فتفرق لان راعي المغتر يبي الممشي العجل والباكستانيه غير ذالك انا اعتقد تهجين الباكستاني له وعليه ولكل انسان وجهة نظر ولا أأيد دخول البكستانيه ولا يختلف اثنان انها اجمل من أبل الجزيره في الشكل لاكن ابل الجزيره حتي لو غالي سعرها ................لها حلي بالقلب اما الباكستانيه على قل سعرها .... قليله حلا |
اخوي محمد حتى في الشكل العام اخالفك الراي ماهي باجمل من ابل الجزيره يمكن كبر الروس والخراطيم لكن فيها عذروب قاطع ولاحظ علابيها تجيك دقاق وهذا العذروب يقلل حلا الناقه لووجهها زين وكذلك بالنسبه للاذن خاصه عندنا ياهل المجاهيم الباكستانيه اذنها ماتسوى ريال. |
انا مع كلام اخوي مسعود لإعطاء الفرصه لتحسين السلاله ليت الراي ماتعدا الفحول الباكستانيه والنياق يا ابومطر....!!!! |
أنا مع اخوي بندر في رايه |
نختلف بالرأي ولاكن يبقي لكل شخص وجهة نظر تخصه لاهنتو على التعليق |
من وجهه نظري ان انتاج الباكستانيه من الفحل المجهم افضل من انتاج الباكستاني من الناقه المجهم |
نأسف على جرح المشاعر |
اقتباس:
والتشبيه الذي تفضلت بذكره له وجهته وخصوصيته ولكن قد لايناسب الطرح العام ونشكر لك مرة اخرى وجهة نظرك ورحابة صدرك ودمت بالف خير |
فعلا التهجين يخلط السلالات ويضيع الاصالة اما من ناحية كون الباكستانيات اجمل من المجاهيم فمن وجهة نظري انه غير صحيح وهذي صورة لاحدى ابل سالمين بن حمود المنصوري وهي قمة في الزين والغلا وكبر الجرم ولم يدخلها تهجين http://www.mzayan.com/vb/images/uplo...6a57695ec0.jpg |
لا هنت يا مبارك توضيح وافي |
بسم الله الرحمن الرحيم بالنسبة للتهجين أنا معا الأخ مسعود العماري ولا أرى فيه عيب بالنسبه للأبل الباكستانية أول من أدخلها إلى السعودية الملك خالد بن عبدالعزيز آل سعود , أي انها لها فترة ليست بسيطه بالسعوديه منذ دخولها إلى الأسواق أنا من وجهة نظري المتواضعه ارى أنا بعض الأبل بها زين يقارب الباكستانيات وقد يكون هذا الزين من خلال هذا الخلط بين أبل الجزيرة وبل المجلوبه من باكستان وجهة نظري بالنسبه للتهجين فئه المجاهيم خاصه |
انا ارى ان تهجين الابل الباكستانيه من ركاب الجزيره لا يضر السلاله العربيه وهناك امثله كثيره اعتقد ذكرها الان قد يغضب البعض هناك ركاب مشهوره الان امهاتها با كستانيات وكثر المهتمين بهذى الجانب يعرفونها بدون ذكر اسماء ولا يعتبر عيب في تلك الركاب بل كان لها الفضل بعد الله في تحسين الابل في الجزيزه اشكرك اخوي محمد على فتح مثل هذي المواضيع التي منها فايده تحياتي |
مرحبا يافهيد ولكن الركاب اللي قلت اهلها مايعترفون بذا الشي هل عندك تاكيد للموضوع ولاهنت على الراي الصريح. |
مرحبا بالجميع ومشكورين على التفاعل وملاحظة بسيطة ارجو التنبه لها وهي عدم ذكر اسماء محددة اثناء النقاش وذلك لعدم وجود دليل مادي يثبت صحة اي نسب للفحول بانها باكستانية كما ان ذكر ان اي فحل ان فيه سر باكستاني يؤثر عليه سلبا ويقلل من اسمه وقيمته ونحن هنا لانرضى ان نضر بالاخرين وتقبلوا خالص شكري وتقديري |
لاهنت يابومحمد على التنويه وانا معك فعلا لايوجد دليل مادي. |
أنا من وجهة نظري أن أهل البل انقسموا الى قسمين: القسم الاول: أهل البل اللي ما فرطو فيها وتمسكو بسلالاتها النادره وذلك بسبب حبهم لها اللامحدود ( فهؤلاء ليسو بحاجة الى فحل باكستاني أو سوداني أو غيرها من الفحول أو التهجين ) بالعكس تجد الفحول تأخذ من عندهم وذلك لسبب بسيط لأن ساس الزين عندهم بعيد...وهناك خير أمثلة على ذلك ويمكن البعض منكم يعرفون حالات مما ذكرت. أما القسم الثاني: فهم الذين اضطروا الى البيع والتفريط في النادر من الابل وذلك لظروفهم أو لأي سبب كان او كما نرى في المزاينات من بيع وشراء (فهذه الفئه هي التي تحتاج الى فحل باكستاني لتحسين الانتاج ليلحقوا بالفئه الأولى) وتقبلوا مروري |
يعطيكم العافيه أشكراا صاحب الموضوع وكذلك من قام بالتعليق عليه حتى يستفيد الكل منه ونحن نحتاج لمثل هذه المواضيع حتى يتميز منتدانا بما هو مهم هذا ولكم احترامي |
لا هنتو على التفاعل ولا ابقي انا على رايي اني من اشد المعارضين دخول الباكستاني في المزاينات لن تبقي قيمه للأبل ان دخل |
وانا مؤيد وبشده لراي محمد بن شريه مثلا سمح لدخول الابل اللي فيهااا تهجين للمزايناات تدرووون وش بيصير بيتوجهووون اغلب المنتجين للباكستانياات وهذا السبب كفيل ضياع السلالات الشي الثاني الباكستانيااات فيهااا عذاريب واجد وانتو عارفينهاا ولاهي بازين من ابل الجزيره |
لا هنت على المرور وعلى التأييد |
لاهنت يابن شريه على الموضوع ولا هانو الربع على التعليق اللي اعرفه ان التهجين من الباكستانيه في المغاتير اكثر بواجد من التهجين من المجاهيم خصوصا الصفر والشعل والحمر وانا ارى الكلام عن التهجين اقتصر على المجاهيم او انها التي قد لا يضر بها التهجين او قد يرفعها ويزيد من جمالها وانا هنا اخالفكم الراي لان المجاهيم من صفاتها الجماليه التي تزيدها جمالا عدة صفات منها 1/طول الاذن وارتكازها وتقدمها 2/الاطيمس 3/الفنسه 4/عرض العفس (المعذر) 5/الفجحه 6/اللحي الطافح 7/ السواد وهذه الصفات تدمرها الباكستانيه مافيها من الزين الا السبله والباقي ملحه شوي ولا تشبع في العلف والركاب المجاهيم الطيبه والكبار واللي اصلها وزينها ما فيه حكي واجد ولو كانت لم تاخذ حقها من الدعايه وبالنسبه لدخول الباكستانيه المزاين انا ضده الا اذا كان لها شوط خاص بها |
اقتباس:
هذا هو الكلام الصحيح |
اقتباس:
الله يبقيك يا علي انا لن اذكر اسماء ولو ان عندي الدليل القاطع على ان بعض الركاب المشهوره الان فيها باكستاني من حيث الام الناس المهتمه بهذه الجناب تعرف ذالك جيداَ وكذالك اصحاب الصنف والنظر الثاقب تعرف ذالك وانا اوفاق اخوي مسعود الراي ذكر الاسماء لايخدم النقاش المتزن تحياتي |
الباكستانية فيها الراس والرقبة والخرطوم وعذروبها عدم المشي والعربية العكس تماما |
انا اختلف مع الأخوان الي يقولون التهجين في المغاتير ممكن بالحمر والكل يعرف صاحب الذود هذا اما بالشعل والوضح صعبه .. لاكن بالصفر والمجاهيم نعم هناك تهجين والكل يعرف هذا اما بالمجاهيم انه مافي تهجين فهذا امر غير صحيح هناك اكثر من 3 اذواد موجوده ومشهوره ومعروف انها تهجين ولا نريد التطرق لذكر اسماء الكل يعرف حقيقتها وانا من اشد الناس مالعارضين للتهدجين سواء م ناقه ولا من فحل |
طيب وش رايكم في زرقاء المجاهيم كيف يسمح لها بالمشاركات في مزاين المجاهيم وهي تعتبر مهجنة؟!!!! |
ابو محمد ماهو بشرط اتكون زرقه اتكون تهجين ممكن تكون من أبل الجزيره ابو محمد بالنسبه للباكستانيه لجنة ام رقيبه احتكرتها على شخص ودخل بذوق بأكمله من باكستان ولاكن الناس العاديين لا يقدرون الدخول انا بذكر موقف حصل في ام رقيبه الي فات هو .... في الحمر والكل يعرف الحمره والشقحه واحد لان راعي الوضح لا يدخل الشقحه معه وراعي الحمر نفس الكلام فضاعت الشقحه بينهم مع العلم ان توقف العرض في فأت الحمر كم ساعه لين اخرجو جميع الشقح الي في أبلهم والبعض منهم ذهب لسوق ام رقيبه لشراء الحمر للدخول والبعض ارسل دنات لمراحه مع التناقض الي في لجنة الي يدخل بذود بأكمله من باكستان وهذا الكل يعرفه وهذا بحد ذاته ( بخص بحق اهل الأبل الحمر في الجزيره ) لان تركيبة لون الحمره صعبه وهذا واقح انا شفته مع اهل الحمر خاصه انهم يضربون احمر ومره يجي انتاجه اوضح ومره اشقح وبسيط من ينتج حمر وان انتج ماتجي مثل المطلوب اما في المجاهيم فهناك صفرا المجاهيم وحمره المجاهيم وزرقه وبها جميع مواصفات المجهم لاكن اختلاف بالون وهني نضع ؟؟؟؟؟ الأنصاف |
بسم الله الرحمن الرحيم الابل الباكستانيه مافيها قصور بس المشكله... 1 يجب المحافظه على سلالات ابل الجزيره مثل الحفاظ على الابل الاصايل الحره 2- اللون مايساعد 3- الممشا تمرض راعيها (تاصل الحيا وهو زد قفا ) |
لا هنت يا بندر كلامك في محله |
كل له طابعه الخاص بس الباكستانيه قليله حلا ثقيله وعلى قول بن مرعي بعلباها ماهو جيد وتقبلو مروري ,,,,,,,,,,,, |
يا هلا فيك بدر ورايك طيب |
بيض الله وجهيكم |
| الساعة الآن 30 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |