|
استشارة(من شاور ماخاب) 3 مرفق السلام عليكم ورحمة الله وبركاته نبي استشارتكم يا اهل النظر في هالقعود اللقي ويجذع المشتى الجاي وودي أهده بحول الله وقوته في ابلي وابل اخواني وانا أثق في هالمنتدى اللي يحوي رجال أهل نظر وخبرة وتجربة وأمانة نحسبهم والله حسيبهم ولا تحرمونا آراءكم المباركة http://www.mzayan.com/vb/attachment....4&d=1304359105 http://www.mzayan.com/vb/attachment....5&d=1304359202 http://www.mzayan.com/vb/attachment....6&d=1304359311 |
رد: استشارة(من شاور ماخاب) 2 مرفق |
رد: استشارة(من شاور ماخاب) من وجهة نظري الفحل ذا صفر مافيه شي من الزين اللي يخليك تهده مايصلح فحل دور غيره وجهة نظر |
رد: استشارة(من شاور ماخاب) مشكور ياخوي الرشيدي وعلى قولك وجهة نظر |
رد: استشارة(من شاور ماخاب) لا تهده حتى لو ساسه طيب |
رد: استشارة(من شاور ماخاب) نظرتي المتواضعه القعود ما فيه من الزين الا عرنونه فقط لا غير |
رد: استشارة(من شاور ماخاب) بجاد العتيبي عبدالعزيز التميمي شاكر لكم مروركم |
رد: استشارة(من شاور ماخاب) ان كان ساسه طيب فعن نفسي بهده في خمس من اوسط البل وابترجى الكريم الاكرم ....وان كان ساسه مجهول والا دون من الوسط فلا بالله ابترجى الكريم وابضرب عند الاجاويد ان كاني مالي قدرة اشتري بعير منتج. |
رد: استشارة(من شاور ماخاب) لابالله دور غيره وبيرزقك الله |
رد: استشارة(من شاور ماخاب) لا بالله ان كان اصله زين فيشفع له تهده وابشر بالخير راسه زين ومشاربه وافيه ولا هو الزين المطلوب تشره على الرقبه لحيم وقصيره والعرقوب والعمر فان كانك خابر ساسه طيب فهده ولا انت خايب الفحل الكايف المنتج اقيامه غاليه ولا كلن يقدرها وهذا يبي فحل بداوه وعلى قد افلوسه وان كان الساس ماش فنصيحتي دور لك هرش منتج لو تهده برقين وترجى الله منه ابرك لك وفحل من اعياله |
رد: استشارة(من شاور ماخاب) ان كان ساسه طيب هده وان كان لا بعه لان الساس اهم من الشكل |
رد: استشارة(من شاور ماخاب) تركي بن عمران بيض الله وجهك وكلام سديد. طلال الروقي بيض الله وجهك نصيحتك الغالية |
رد: استشارة(من شاور ماخاب) أخي خالد الفالح سرني مرورك وشاكر لك هذا الكلام الذي يصدر من رؤية ثاقبة فتحليلك دقيق وحكمك مبني على خبرة وتجربة وليس حكماً انطباعياً سريعاً وهذه عادة الناقد الدقيق وأبشرك أن القعود ساسه طيب وصورته هذي أول لقاه وعلى الطبيعة فارق كثير وكل يومٍ بحمدالله في زود. شكري وتقديري مرةً أخرى لرأيك الحاذق ونقدك الدقيق والحقيقة أنك أصبت الهدف دون قصور في جميع الموجودين من الرجال اللي أثلج صدري مرورهم. |
رد: استشارة(من شاور ماخاب) بدر العاطاوي بيض الله وجهك على المرور وأبشرك أن ساسه طيب وراجين من الله فيه كل خير |
رد: استشارة(من شاور ماخاب) ساس الفحل هو الاهم من الابل والام واذا كان ساسه طيب هده وبكل امانه ماشفت شي في الفحل زين الا عرنونه وربما يكون هذا الفحل هو افضل الموجود لديكم او على مستوى المكان المتواجدين فيه |
| الساعة الآن 19 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |