|
رد: التقييم بين الخبره والتدريب والله مدري يالربع السرا علي والا لا لكن انا لي دوري فات وهذي مشــاركتي http://almzayan.com/files/2284.jpg http://almzayan.com/files/2338.jpg علومهـــا صفرا ثنو معشر ونتظاركم .. |
رد: التقييم بين الخبره والتدريب ارحب اخوي عبدالعزيز بالنسبه للناقه كل ما منها زين وعليها مداخل الراس بداوه تشره على الاذن كبار والباقي فنسه وعرنون ومشارب وخد طيب اعطيه 30 من 50 العمر زين والعرقوب طيب وشقتها عريضه والغرب غاربين وتشره على السنام متقدم من الصوره اعطيها 20 من 30 الرقبه طيبه ولا تلحقها بزود مشروه اعطيها 15 من 20 الناقه حلوه زين بداوه واقيمها ان كان سنامها متقدم من 25 الى 35 وان كان ظهرها مغتر من فوق الخمسين الله يبارك لكم فيما عطاكم |
رد: التقييم بين الخبره والتدريب اقتباس:
بالنسبه للناقه اقيمها بعد ما ذكرت سومها اعلاه على الصوره المرفقه من 30 الى 40 معشر او القحه والتقييم هنا على الصور المرفقه وليس على الطبيعه |
رد: التقييم بين الخبره والتدريب ارحب يا عبد العزيز الناقه طيبه ومثل ماقال ابو فالح بداوه اعطيها في الراس 25 من 50 عرنونها طيب وسبالها ما هيب ظافيه واذنها مرتفعه وخدتها زانه اما في الرقبه اعطيها 25 من 30 رقبتها طيبه رقاق وطويلها بس ما هيب مرتفعه بالحيل اما العمر اعطيها 15 من 20 جنبها طيب وعرقوبها طيب والناقه يبدول لي انها قصيــره وسنمها متقدم والتقيم اعطيها من 40 وجاي |
رد: التقييم بين الخبره والتدريب الله يعطيكم العافيه جميع واشكر الجميع على هذا التوضيح ومعالم الزين وغيره من الملاحظات والتقييم الناجح واتمنى من بعض الشباب التركيز في التقييم اما بالنسبه لمداخلتي وهي الانتباه من الشباب اذا التقط صوره فل يتأكد انه اعطى الناقه حقها في الصورة الطيبه التي يرى الاعضاء تفاصيل الناقه لاعطائها حقها مثل هالصورتين انا لما شفت الصوره رقم ( 1 ) قلت ما فيها من الزين شي وبعد الصورة ( 2 ) اتضحت صورتها وتوضح زينها والله يجعل فيها البركه واشكر القائمين على هذا الموضوع ( 1 ) http://almzayan.com/files/2338.jpg ( 2 ) http://almzayan.com/files/2284.jpg |
رد: التقييم بين الخبره والتدريب بالنسبـه للتقييـم فمـا هـو بالضـرورهـ يكون على قـد السـوم !! يا اخوان حنـا نقيّم حسب ( الصوره ) فقط .. وحسب مانراه ... !! وبالنسبه للاسـوام .. ماينقاس بها زين الناقــه من وجهة نظري .. !! ــــــــــــ ــــــــــــ اما ناقة عبدالعزيز ... الراس اعطيـه 20 مـن 50 .. لإنهـا ( صفراء ) والصفراء لاماجا راسها راهي بالحيل ينزل سعرهـاا لحيها ماهوب طافح .. ومشربهـا وسط .. واذنها عليها مآخذ .. الخده طيبه .. سيف اللحي ماهوب اللي رقبتها فيها رق ولو ماهيب طويله اعطيهـا : 10 مـن 20 السناديه زينه .. والظهر وسط .. والعرقوب كايف .. وغاربها مارق .. ..... اعطيهـــــــــا : 20 ألف ..... |
رد: التقييم بين الخبره والتدريب لاهنت يامشعل وكان فيه تعليق ل خالد الفالح وسلطان الدلبحي بس اختفوا مع التطوير الجديد .. |
رد: التقييم بين الخبره والتدريب تسلم ياخالد على الفكره الرائعه وسعر الناقه ذي من 20 - 25 ألف عمرها وعظمها ورقبتها ولونها ردي ولا كان بتسوى ... |
رد: التقييم بين الخبره والتدريب يعطيك العافيه على الفكره الحلوه وعطي حقها 24الف |
رد: التقييم بين الخبره والتدريب ودنا نحرك ركود هالموضـوع ... هذي طالت عماركم مفروده وضحى يطلب راعيها الاستشاره والتقييم من اعضاء مزاين والمعذره ماوصلني غير ذا الصور ... ماشاء الله تبارك الله http://www.alhadafa.com/uploadedfiles/images/12524.jpg http://www.alhadafa.com/uploadedfiles/images/12525.jpg http://www.alhadafa.com/uploadedfiles/images/12527.jpg بإنتظار تفاعلكم .... |
رد: التقييم بين الخبره والتدريب حلواااا بذا البكره يا يبو ذعار الرق حلو والغارب كايف والوضاح حلو ولو ان لبدة الحليب مغطيتها الاذن شماليه والعرنون كفو واشره على الرقبه فيها خضعه واللحي تسنه قاصر ويمكن من التصوير مابين وصعب اقيمه ماديا بذا الصور لا ضهر بين ولا جنب كامل ولكن البكره حلوه وبداوه |
رد: التقييم بين الخبره والتدريب بيض الله وجهك يابو فالح ولاعدمناك على هالحضور والتقييم ولكن ماحنا بعاذرينك الرجال اهم شي عنده السعر . وننتظر بقية الاخوان |
رد: التقييم بين الخبره والتدريب ووووينكم يااخـوان . الموضـوع مرجع مهم .. ولازم يستمر . ! بإنتظار تفاعلكم |
رد: التقييم بين الخبره والتدريب اارحب يا مشعل البكره حلوه ما عليييها الراس : العرنون حلو واللحي مثل ما قال ابو فالح قاصر ومابها خده والاذاني حلووه بس ودك لو انها صغيييره شوي الرقبه : مطلعها حلووو ودقاق ولو انها قاصره شوي الظهر : الغارب كااايف والجنب حلو والوضاح زين انت ملزم علينا بالقيمه انا اعطيها 20 - 25 ألف على التصوير ذا |
رد: التقييم بين الخبره والتدريب اتوقع من 15 الى 20 الف تقريبا من وجهت نظري مع احترامي لك وللأخواه |
| الساعة الآن 20 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |