|
رد: التقييم بين الخبره والتدريب اقتباس:
اشكر مداخلتك وتوجيهك واقتراحك وضعنا الموضوع واحد متصل ليكون مرجع غير منقطع لمن اراد الفايده والبحث فلو كان لكل عرض صفحه لتشتت العروض وصعب تجميعها اما من جهة الخبراء المشاركه متاحه للجميع خبراء ومبتدئين ومن خلال نقدهم يقاس خبراتهم والموضوع تدريب للمبتدي وتعويد العين على مكامن الزين والنقص في المطيه وفي اعتقادي ان الاقبال جيد والفايده افضل نرجوا اتحافنا بخبراتك يبو عبدالعزيز فالموضوع للجميع النقد ثم التقييم |
رد: التقييم بين الخبره والتدريب يامرحبـا تراااااحيــب وبـــل المطـــــــر ... يالله حي ابو فـاااالــح مـدد بـلا عـــــــدد ... ومبروك العمــره يابو فالح .. وعسى الله يتقبل منكم .. وبعدين حطيتنـا مطبّ يا اهل الطائف ...؟! طييييييييب طييييييييييب ......... ومطلوب منـك يابو فالح تقييـم المطايا اللي ماقيّمتهـا يابو فالح ودنا نستفيد منـك ... وتقييمك مهم لجميع الاعضاء .. ........ |
رد: التقييم بين الخبره والتدريب تــفــضــلــو http://www.youtube.com/watch?v=yKo2hml8jSs الأب :- من أبلنا و لو حن مابعناة كان جانا علوم في المزاينات الأم :- من الأبل الطيبة و شـــــكـــــرًا |
رد: التقييم بين الخبره والتدريب ارحب يبو مرزوق بالنسبه للناقه ما ذكرت معلومات عن مجراها بالنسبه للناقه الضاهر انها عشراء من ديدها الناقه جنبها طيب وعمرها قصير وراسها طيب اعطيه 30 من 50 وناقة بداوه المشارب وافيه والفنسه مهيب المطلوب وجهها تداقه من ورى العين الاذن كبار ولاهي حداد الرقبه اعطيها على الممشى 10 من 30 تشره على مطلعها وتسنادها العمر اشوفها قصيره ومتعلوي عيزها غاربها اعطيها 10 من 20 اللون زين والسنام متوسط والعرقوب اركز وفجت المنحر وحال الناقه مردم شحم |
رد: التقييم بين الخبره والتدريب ارحب ارحب يابو فالح الحمدلله على السلامه وتقبل الله منك ام عن ناقة ابو مرزوق اعطيها في الراس 35 من 50 مشربها طيب وعرنونها حليوا وخدتها طيبه واذنها ماهيب حاده اما عن رقبتها فااعطيها 15 من 30مثل ما ذكر ابو فالح ينشره على مطاليع رقبتها اما العمر فا اعطيها 10 من 20 جنبها طيب وحالها طيب بالنسبه لها با انها مجهم وعرقوبها طيب والناقه قصيره والتقيمم من 20 وجااي |
رد: التقييم بين الخبره والتدريب يا اخوان لمن اراد المشاركه يجب ان تكون المطيه ملك للمشارك او لورثـته مثل ابوه وغيره |
رد: التقييم بين الخبره والتدريب السلام عليكم جميعا ومرحبا يابوفالح نور المنتدى ومبروووك العمره وعقبال الحجه ان شاء الله .. |
رد: التقييم بين الخبره والتدريب اعطيها في الراس 25 من 50 اما رقبتها فاعطيها 10 من 30 فيه عناجه ومطلعا مثل ماقالوا الاخوان تشره عليه اما العمر فاعطيها 15 من 20 والسعر تقريبا 27 وجاي |
رد: التقييم بين الخبره والتدريب |
رد: التقييم بين الخبره والتدريب مرحبا بك ياالتميمي .. الناقه يا اما نك ظالمها بالتصوير .. او انها لامشت ماودك تشوفها ..... والناقه من وجهة نظري المتواضعه : عاديه جداً في كل شي ... كل مافيها عااااااادي .. وبما انها خلفه وثنيه اعطيها : 14 ........ 15 ........ |
رد: التقييم بين الخبره والتدريب مثل ماقال مشعل الناقه عاديه اذا كان اللي تحتها بكره وحلبيها متوسط والتقيمم من 17 وجاي وليتك صورتها وهي واقفه ازين |
رد: التقييم بين الخبره والتدريب الاخ / مشعل الاخ/ سلطان مشكورين علي التقيم بس ننتظر تقيم الاخ خالد الفالح حتي نعلمكم بسومها يوم انها لقحة وسومها يوم انها خلفه |
رد: التقييم بين الخبره والتدريب نشكر اخونا خالد الفالح على هالموضوع المفيد لكن عندي ملاحظة وهي ان تقييم القيمة بعيد عن الوقع ناقة تقدر بــ 5 الاف وصاحبها يقول مسيومة خمسين وناقة اقدر بـ 30 وهي تسام 150 فكيف تجي كذا انا ادري ان التقييم على الصورة غير الطبيعة ويبقى الموضوع اهميته كيف اركز على نقاط الجمال بالبل |
رد: التقييم بين الخبره والتدريب اؤيد الاخ مشعل الشويش يابو فالح وينك والسرا وش وضعه الان :) .. |
رد: التقييم بين الخبره والتدريب أشكر جميع الاخوان علي التقيم يمكن كلام اخوي مشعل صحيح بأن التصوير ضالمها طال الله اعماركم سيمت الناقة وهي لقحة150 الف وسيمت بأم رقيبة وهي خلفه 250 الف 100 الف للناقة و150 الف للحواره ودددددددددمتم |
| الساعة الآن 59 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |