|
رد: التقييم بين الخبره والتدريب الناقه مبروكة واعطيها من 15 الى 20 الف |
رد: التقييم بين الخبره والتدريب 10 الاف ماتتعداها والله اعلم |
رد: التقييم بين الخبره والتدريب نلاحظ فرق التقييم من الاعضاء ولم نرى من ذكر عيوب وزين المطيه فقط تقييم مادي ورأينا تفاوت في التقييم فمنهم من اعطاها تسعه ومن عطاها عشرين وكلن ونظره ولكن لن نستفيد من هذا التقييم مالم يضع المقيم جوانب الزين والنقص في المطيه فلا يكفي ان نقول لا نرى فيها زين او مبروكه بل نقول فيها كذا وكذا وكذا من زين وشين وارى ان قيمتها تتراوح من كذا لكذا فهي التي تعكس لنا جوانب التقييم وهو المطلوب ولا نريد ان يتحول الموضوع الى تخمين لكي يصل الموضوع لما وضع له وتعم الفائده نريد تقييم وليس تخمين بالنسبه للناقه المعروضه السوم عند راعيها 16000 قبل شهر ولا باع واللي اراه فيها انها ناقه رقها زين ولونها زين ووجها مقبول وضهرها مقبول وغاربها زين وتشره على الاذن شوي والرقبه وعمر الناقه وسط وتقييمي لها من 12 الى 14 |
رد: التقييم بين الخبره والتدريب أرحب يابو فالح ... أبشر .. وأنت صـادق لابـد من ذكر زين الناقه وشينهـا ... .. والناقه اللي عرضتهـا راسهـا ( ردي )كله من وجهة نظري .. ماعدا خدتهـا ... ومطلع رقبتهـا كذلـك ماهوب زيـن .. ولونها ماهوب المطلوب .. وجنبها وظهرهـا عادي جداً جداً .. ووبرتها كذلـك .. ... |
رد: التقييم بين الخبره والتدريب مساكم الله بالخير وش تبونا نذكر مابه شي نذكره تبونا نذمها الناقه رديه من الهيه الى الهيه انا سومي وتخميني عشان الحليب فقط فقط غير الحليب ما تاصل هالقيمه نهائي نزلو لنا ناقه فيها من مواري الزين والشين شي عشان نذكرة ( واتمنى من الاخوة ان يتقبلو كلامي لانه في دائرة الموضوع ) شكرا |
رد: التقييم بين الخبره والتدريب اقتباس:
اخوي جابر المري هذا المطلوب جابه مشعل الشويش بالضبط التقييم بعد اضهار الزين والعيب في المطيه وكلن انظره يقديه بالنسبه للمعروض هذا غالبا مقياس ما يعرض في المنتدى مقاني ومنايح ولا عرف الاعضاء يقيمون الصنف ذا جيد والدليل التفاوت في تقييمها ما بين التسعه الى العشرين وفيه من قال فيها زين ومن قال كل ما فيها ردي فهذا المطلوب معرفة التقييم على ضوء ما فيها من الزين والردى والتفاوت ملحوظ في تقييم المنايح والمقاني فما بالك لا جاء الزين ونسبة التفاوت 50 % |
رد: التقييم بين الخبره والتدريب يابو فالح ياليت تسوي نموذج يسهل على الاعضاء التقييم تحياااااااااتي لك ,,, |
رد: التقييم بين الخبره والتدريب اعرض لكم صورة ناقه سديس خلفه هدية كم تسوالها http://hh7.net/Apr1/hh7.net_13019153871.jpg |
رد: التقييم بين الخبره والتدريب النماذج موجوده تقييمي وتقييم مشعل الشويش اعتقد انها واضحه وكانت اول التقاييم على المواضيع المطروحه |
رد: التقييم بين الخبره والتدريب ناقة سلطان منيحه عمرها صفر لونها ماهو المطلوب والوجه عادي ونذكر فيه اللحي طافح والرق زين والرقبه فيها خضعه ومطلعها دون والظهر زين والناقه كبيره ولا هيب سدس ان كانت هديه وخلافها سلم وحليبها واجد بتاصل العشره وان كان نقص فيها شي من المذكور فقيمتها من 7 الى 8 |
رد: التقييم بين الخبره والتدريب السلام عليكم ورحمة الله وبركاته ذي صوره لبكره لي سنها لــقيه من ابل عبود بن هريسان ونسماع منكم التقيمم يا اهل النضر الشـيخــــــــــــه V V |
رد: التقييم بين الخبره والتدريب وذا النموذج الراس\ الرقبه\ السنام\ الغارب\ الجنب\ العمر\ وباقي الموصفات من عندكم مثل العرقوب وغيره |
رد: التقييم بين الخبره والتدريب لا هنت يا سلطان نموذج طيب يسهل التقييم البكره طيبه وراسها كفو وبداوه وتقييمي على الصوره المرفقه البكره فيها صله شوي الراس\ كفو وتشره على الاذن متفاهقه ويمكن الصوره ما بينتها زين الرقبه\ فيها قصر على الصوره ولا فيها سناد السنام\ متقدم قدام سرها الغارب\ صغير ما كل منه السنام الجنب\ شقتها ضيقه العمر\ العمر ما اقدر اقطع عليه مدري عن طول الشبك لكن اتوقع ان عمرها وسط العرقوب / ما بين اللون ما وضح معي ان كانت غبرى ولا عطرى او وضحى ما غسلت اتوقع ان قيمتها ان كانت وضحى وعمرها زين من 35 الى 40 وان كان لونها غير دون في العشرينات الله يبارك لك فيها يا سلطان |
رد: التقييم بين الخبره والتدريب الناقه فاشحه رجولها عشان كذا صعب الحكم عليها راسها حلو وينقصها سيف اللحي اذنها خرعا وحلوة بس حاده شوي وبعض الابل كبر اذنها يزينها مطلع الرقبه تشره عليه السنام متقدم العرقوب غير باين بس من تقدم سنامها ما اعتقد انه المطلوب الناقه سناد وواضح ان غاربها ارفع من فقارتها جنبها مهو الي انت تبي بس الناقه دوبها لقيه والوقت قدامها اللون مهو المطلوب التقيم من 25 الى 30 اتمنى ان الي يعرض صوره مستقبلاً تكون الصورة وافيه وشامله الناقه من جنبها من غير ماتكون الناقه ممتسه او فاشحه رجولها عشان تبين كل مافيها |
رد: التقييم بين الخبره والتدريب ياسلطـان : البكره فيها ارتخاية مقـدم .. مشربهـا ماهوب اللـي .. سيف لحيها زيـن .. أذنها تشره عليهاا .. خدتها زينه .. الرقبه حسب الصوره : ( فيها خضعـه .. وعاديه لافيها طول ولا رق ) جنبها : زين كمغتـر .. ولقيّــه .. غاربها مقبول نوعاً مـا.. سنامهـا عليـه مآخـذ شوي .. اللون : ماهوب المطلوب .. وكذلـك الوبـره .. البكره عموماً : نظير وأطيب مافيها راسهـا .... الباقي ما اتضح من خلال الصورهـ .. .. أعطيهــــا 35 ألـــــــــــف |
| الساعة الآن 28 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |