لازالت الناقة موجودة وأخر سوم لها صامل بـــــــ26000 وذلك لعدم رد الاخ غرمان الشهراني واللي سام الناقة بــــ28000 والان نعتبر سوم ال 26000 ونقول زاد الله من زاد

الله يمسيك بالخير سالم على 26500 بشرط شروط الربع والحلف
وهذا رقمي 0505222220 والله لايهينك ان بعتني ارسلي رساله على جوالى اذكرفيها انك سالم واكلمك على طول
الشكر والتقدير لشخصك الكريم

الاخ خالد مرحبا بك والله يوفق الجميع

زنقزل زاد الله من زاد ولا عادني ببعيد من السومه


والحلف بنحلف لك انها سالمة العذاريب ولقحة على بيعير ابو صلعه والله الموفق

الله يربحك ياسالم وجعلك من الى يكسبون الملايين
تحياتي لشخصك الكريم

جزاك الله خير أخوي خالد بن عبد الله ال ثنيان

والناقـــة موجودة وولادها قرب ونقول زاد الله من زاد

يا سالم الله يمسيك بالخير انا ازهم عليك يا خوك وانت مارديت وعان رقم جوالى طلع عندك 0505222220 علشان الناقه
تحياتي

خالد ال ثنيان

سومة طيبة من وجه طيب ارتفع شوي واشاور والله اللي يكتب فيه الخير والناقة ام بكار ان شاء الله لان انتاجها عندنا بكار والموفق الله

الاخ محمد سالم اليامي

الخاص لديك لامغلق ولا يستقبل رسال خاصة \

حاول مره اخرى مع الاسف

الاخ محمد سالم اليامي

ارسلت لك المعلومات التي طلبت على الخاص اتمنى إنها وصلتك

الأخ محمد اليامي

حاولت ارسل لك صورة أخرى وجدت الخاص لديك يعطي إشارة أنه ممتلئ أو غير مفعل

يالربع الناقة انتجت قعود البارح وقعود فحل اشهد أنه فحل طول وعضى ووجه واللي له خاطر يزود والقعود ماينبع لكن أنا بياع

يا سالم السوم اللي عليها يوم هي لقحه ولا عقب ما أنتجت
وهل تقلد على السوم القديم يوم هي متلي .

لأني وأنا أخوك على ما أذكر عنوان الموضوع كان
('المتلي الطيبة ولقحة على بعير منتج ومن سلالة طيبة')

هذا السوم عليها وهي لقحة والناس طامعين بالبكرة لكن الحين الانتاج قعود

اذا انك بياع فعلا اشوف انك تبدأ السوم من جديد ولا تقلد بالماضي وتفتح لها موضوع مستقل

مرحبا بالربع

فهد

وعبدلله


الناقة أخر سومها لها وهي لقحة بــ26500 ولا بعت والآن عليها قعود طيب وفحل واطلب الزود في الناقة وولدها والله يوفق