|
يعطيك العافيه يا خالد شرح وافي وضافي ومن افضل ما رئيت من الوسائل الارشاديه بالمنتدى ولدي تعليق بسيط وهو: - الصورة الاولى الخاصة بالرقبه هناك تضارب بين الشرح باللون الاحمر وما تم توضيحه بالرسمه واقصد بذلك مطلع الرقبه - بخصوص رسم الراس ارجوا مراجعة ما ذكرت شرعا حيث اعتقد انه لا مانع بان ترسم فقط الراس بدون باقي الجسم ويكون ناقص بمعنى الا ترسم العين مثلا وفقك الله لما يحب ويرضى وتقبلوا تحياتي |
اقتباس:
وأشكر لك مرورك وردك الكريم وانا مافهمت أنت وش تقصد بالتضارب بين الشرح والمكتوب باللون الأحمر ، وأن كان فيه خطأ فهو سهوًا أو جهلاً وليتك تبينه لي وأما رسم الرسم فهذي أنا منتهي منها بالمرة وشكرًا |
موضوع رائع كروعة صاحبه ولكن لدي استفسار لتحديد مصطلح (الجنب) / هل هو من زر الفخذ الى مقدمة العضيده كما أعرف (لانها نقاط يمكن قياسها) /وهذا ما أفعله واتفقت مع اخوي راشد العرق في نقاش آخر على ذلك أم من مقدمة الفخذ فوق (الثفنه) الى بداية العضيده فقط كما ذكر لي آخرين أحيانا نحتاج أن نشبر الجنب وخاصة في الابل الصغيره (للتقدير) لذك يجب ان يكون المصطلح واضح صوره توضيحيه وليسمح لي اخوي راشد باستعارة الصوره من توقيعه للشرح/ http://www.alsowr.com/get-5-2007-xtbk6uhb.jpg http://www.alsowr.com/get-5-2007-yk8ort05.jpg أفتونا مأجورين وفقك الله أخي خالد في امتحاناتك وان شاء الله تفرح بالمعدل الطيب والشهادة العليا |
هلا بك ياحاتم وأشكر لك ردك الكريم ودامك أتفقت أنت وأبو علي على الشيء هذا ، أنا وش بقى لي قول بعد قولك أنت أبو علي وشكرًا |
السلام عليكم احييك يا اخوي خالد ما شاء الله على مواضيعك كل موضوع افضل من الثاني و افدتنا كثيرا جزاك الله خيرا بس عندي اقتراح لو تحط صوره للرأس و تشرح عليه بنفس طريقه شرحك للرسم , كما ان لي ملاحظه عامه وهي اني بصراحه لا استطيع ان افرق بين الناقه اللي بميتين الف وبمليونين كلهن فيهن المواصفات المطلوبه |
هلا بك ياطلال وأشكر لك ردك الكريم وبخصوص الراس أرجو أنك تعذرني وبيني وبينك(ولا يدري أحد)انا تندمت على أني نزلت الموضوع ، لإني يوم ميزة الأشياء هذي أعتقدت أني قمت أميز الزين من الشين،ولكن تفاجأت أني ماعندي سالفة ولا طلعت من البحر الا بقطرات ،يعني كل يوم يتبين لي شيء جديد كنت غافل عنه(والفضل لله ثم لأهل منتدى مزاين)لذلك شفني الأن حريص على متابعت المواضيع الي لها علاقة بالشيء هذا ، وبخصوص الثمن(والتفريق بين أم 200 الف وأم مليونين)هذي مع الممارسة تجي والثمن يحكمه أشياء كثيرة(شهرة صاحب الأبل - الساس - بعض الفروق - وقت البيع ....) ولكن أنت حاول تميز الزين من الشين بالأول ، وبعدين راح تميز الزين من الي أزين منه أن شاء الله ، أنا دخلت منتدى مزاين وأنا ماأميز بالزين شيء والحين الحمد لله بديت أميز بعض الأشياء وشكرًا |
السلام عليكم اخوي خالد اشكر لك ردك الطيب اما بخصوص هذا الموضوع بالذات اعتقد انه افاد كثيرا خصوصا انا قدرنا نميز بشكل عام بين الزين والشين واما التفاصيل الدقيقه فأعتقد انها تختلف من شخص الاخر وربما الافضل هو ما يقترب من ذائقه الاكثريه شو رأيك انت |
هلا بك ياطلال وأشكر لك ردك الجميل وبخصوص التفاصيل الدقيقة قليل الي تلقاها كامله الوصاف(والكامل وجه الله)ولكن فيه من النياق الي يجمع أكثر الصفات ، وفيه الي يجمع نصها أو أكثر أو أقل وبخصوص ذائقة الأكثرية هذي مابها كلام وش الفود اليامن كان عندك ذود وأنتاجه للقصاب؟؟!! والي يشوفه يقول لك "ترى تعبك خسارة" أن ماكان الذود وفق ذائقة الأغلبية ومتى مابغيت تبيع الا فيه ناس شرايه وتدفع به الي يرضيك وشكرًا |
بارك الله فيك موضوع ممتاز جدا ولاكن اول مره اسمع ان الفجحه هي بتباعد العارقيب عن بعض وهل الناقة الي عراقيبها بعاد عن بعض افضل ، كني مره سمعت شريط فيه قصيده فحل المجاهيم للشاعر عيدان بن راجس يقول في شطر من بيت من القصيده ( افجحً ايديه جليلً للقياد ) |
هلا بك ياسلطان وردك شرف لموضوعي وبخصوص استفسارك هذا الي أعرفه(أن الفجحه هي تباعد العراقيب) وبإمكانك أنك تسأل الي أعلم مني(ورد لي خبر) فإن كان بموضوعي خطأ ووضحته لي أكون لك من الشاكرين وهلا بك |
بسم الله الرحمن الرحيم مشالله عليك ما خليت شي والله يرزقك ويزيد من عمله واتمني لك التوفيق |
اقتباس:
وأشكر لك ردك الكريم وشكرًا |
اذا بقول مشكور والله ماتوفي بحقك كنت بحاجه لمثل هل موضوع وانت ماقصرت ولكن عندي سؤال السنام اذا كان متأخر في الناقه والعيز صار مستقيم الي الذيل من السنام للعيز للذيل كله مستقيم هل يعيب ؟ http://www.mekshat.com/pix/upload/im.../mk29508_3.jpg مثل هل صوره اذا كان العيز مستقيم الى الذيل والفجحه مافهمتها بس يمكن الي في بالي صح البعد بين الرجلين ؟؟ والف الف الف شكر لك |
لاهنت اخوي خالد على ما قمت به من مجهود جبار في محاولة وضع اسس ثابتة يمكن الرجوع اليها في حالة الرغبة في تحديد مستوى الجمال في الابل لكن عندي ملاحظه على ما يلي: 1- الصورة التي توضح جمال العرقوب خلاف المكتوب 2- شرح مفردات الرأس لم تعبر عنها بالاسماء الصحيحة المتداولة مثل: ((-وفا السبال:أن تكون ضافية مهدله إلى الأسفل.(السبال هو البرطم العلوي)) الصحيح ان المقصود بالسبال الوافية العلوية والسلفية ((طفحان اللحى:أن تكون اللحى طويله.(اللحى هو البرطم السفلي)) الصحيح ان المقصود بطفحان اللحي ارتفاع للاعلى بغض النظر عن السبال فقد يكون هناك مطيه لحيها طيب وطافح لكن مالها مشارب (( سبال وافية) فطول اللحي وطفحانه من مواطن الجمال ((عرض الخد :أن يكون عريضا والرأس كبيرا (والمقصود بالخد هو المسافة من اللحى إلى الرقبة)) المقصود بالخد المسافة بين اللحي واسفل العين ولا علاقة له بالرقبة . ((طول العرنين:أن يكون العرنين طويل ومرتفع ومقوس(العرنين هو الأنف)) الصحيح ان طيب العرنيين ينظر فيه الى ارتفاعه للاعلى وعرضه ( جله) وليس شرطا ان يكون مقوس فهناك البعير الأرثم ( الأفنس) وهناك الكثير من الفحول الفائزة ليست مقوسة العرنيين فالتقويس من عدمه يخضع لرغبات شخصية وليس موطن جمال ((الأذن :تفضل ذات الأذان الطويلة المتقدمة(بالمجاهيم)والقصيرة المتأخره بالمغاتير )) اضافة فقط على جمال الاذن في المجاهيم ان تكون طويلة ومتقدمة ومتلاقية كأنها الحراب. كما اوافق الاخ راشد المري فيما يخص الظهر في المجاهيم ولاهنت على كل حال وارجو من الاخوان اذا لهم رأي خلاف ما ذكرت الافادة حتى نستفيد جميعا |
جزاك الله خير على الشرح التوضيحي فكره جديدة وتستحق المرور وشكرا |
| الساعة الآن 36 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |