منتـديـات مــزايـن - عرض ابل وفحل دبيان السبيعي$$$السلطان$$$ وانتاجه

اقتباس:

المشاركة الأصلية كتبت بواسطة عبد الله بن مسعدبن مطلق الجعيد (المشاركة 102802)

أختيار موفق يابوسعود لا يأتي به الا المتألقون والمبدعون امثالك ياعبد العزيز وهذا يسجل ضمن مبادراتك
الغير مسبوقه لاعدمناك وياحبذا لو يتكرم فيصل الرويس ويزودنا بمعلومات عن الوبله التي خرج منها هذا الفحل المبروك ويحق للروسان ان يفتخروا بحلالهم الذي ترك بصمه تاريخيه

يامرحبا بالجعيد يالله حي اهل الحجاز الفحل من فحول ابن جزا الرويس وهو من اهل العبله اشتراه سموا الامير سلطان بن عبدالعزيز ولي العهد الله يمتعه بالصحه ابو خالد واهداه علي دبيان يوم مات فحله ويستاهلون سبيع ان هالفحل يجيهم هديه وللفحل اخوان وبنيخي ومنهن قعود شارك فيه هزاع بن جزا الرويس في مزاين قناة الصحراء الاخير ومن نفس السلاله وعندهم فحل اوضح بعد مادوج فى الجزيره العربيه فى زينه وابذكر قصيدة حويد المرشدي العتيبي في الفحل رمحان ماشاء الله تبارك الله والله يبارك لكلا في حلاله والله يرزق البلاد والعباد بالغيث وهو القادر سبحانه اني استغفره واتوب اليه....

عسى الله يجنبك الصواديف يارمحـان
وتسلم لهلك اللي خذوشهـرة الطيبـي
منيحة هل القطعان لوكثـرة القطعـان
عليـك النـزول مترسيـن الاداعيبـي
أنوالقعيب وغيرنانـزول مـن هكـران
يشيع الخبـر مابيـن نشـاد ومجيبـي
هذا مااستطعت وسامحوناعلى النقصان
هـذا موجزالاخبارغنابهـا الشيـبـي
أبا امدح وازيد المدح والمدح له برهان
ولاهوب عيب امدح كـرام الاشانيبـي
لقيناالـدلال الصفرومفطـح الخرفـان
فدوهم ضعوف ٍ ماتعـرف المواجيبـي
تكلمت في ربعاً على المرجلـه عـوان
طلع ذكرهـم مابيـن كـل الاجانيبـي
ارد الثنـا لأهـل الثناواصخرالقيفـان
من القلب والهاجوس واجمل هناديبـي
لياهاضت افكاري تفجركمـا البركـان
تـوارد عليـه مثـل ورد المشاريبـي
ادورجزيل الشارده واتـرك الهـزلان
علـى شـان مايلقاعليـه مضاريـبـي
تمثلت واكملت المثايل علـى العنـوان
حسب معرفة قلبي وفكري وتجريبـي
عسى رايح الوسمي لياعـزل الربـان
تلامـع بروقـه بالمـزون المحاديبـي
يشـق الدعيكـة والمشاقيروالعـبـلان
مداهيـل وضحـاً لبسوهاالدباديـبـي
على أبناء جزاء حلوا مثل نزلة المقطان
وصرنالهم ضيفـان وهمـه معازيبـي

وتقبلوا تحياتي ولا علي كل القبايل والعوايل قصور ونعم بكل طيب