|
علي ال مرعي بيض الله وجهك علي الموضوع المميز من قائل هذا البيت البل بيوت(ن) لاتهدم بنيها صعب(ن) علي الرديان سد اثلومها |
حياك الله يابومعجب وسوف ابحث واللي من الشباب عنده علم لايبخل علينا. |
الله لايهينك اخي علي ال مرعي على الموضوع الرائع ولكن عندي ملاحظة بسيطة إن شاء الله انها تخدم الموضوع وهي انه ماأحد يطرح سؤال قبل ما ياخذ السؤال الي قبله حقه في الاجابات وبالنسبة لسؤال اخوي بندر ما اعرفه إن شاء الله الاعضاء مايقصرون تقبـــــــــــــــــــل تحيـــــــــــــــــــاتي |
اخوي علي بيض الله وجهك على الموضوع الطيب المفيد |
لاهنت على طرح الموضوع تحياتي |
اخوي علي بيض الله وجهك على الموضوع الطيب المفيد |
يالربع لايموت الموضوع وعاونونا على بيت ابن متعب الهاجري وبيض الله وجهك ياراعي الموضوع |
رد: من القائل؟ موضوع من الايام الخوالي الله يذكرها بالخير حبينا نحدثه ونبدا بالسهل من القائل؟ تخبطت في غديره وشرعت جمّه=داجت وطابت خواطرها وردوها |
رد: من القائل؟ يالله بنون من الحمه الى الحمـه ترجع عسوس السحابه ماتعدّوهـا البل شعاها نفيضه وسرحت يمـه واهل الجهازات والشاصات خموها تخبطت في غديره وشرعت جمه وداجت وطابت خواطرها وردوها على رغادٍ يجي في نبتهـا زمـه تحبـه البـل وترتعهـا وحبوهـا يرعاه وضحى" شعايفها كما العمه مدسمة شرب الضيفـان لاجوهـا سعد بن جدلان الاكلبي |
رد: من القائل؟ لاهنت ياسعود والسؤال عندك طال عمرك |
رد: من القائل؟ تســــــــــلم ياعلي الله علـى شرشـوح ذود ٍ ملاويـن****أنا أشهـد إنـه رغبتـي والسعـاده |
رد: من القائل؟ البل عظام المال ياجاهلاً بها@@لكنها ماكل شيئاً يجيبها البل تبي رجلاً قويه عزايمه@@دايم على طراافها يشتقيبها مخلد القثااامي رحمة الله عليه |
رد: من القائل؟ هذه قصيدة الشاعر/ زيد بن فيحان بن بريكان الكريزي وهي ( فالإبل ) وهي من قصايده المشهورة . وجدي وجود مخلص الديـن بالديـن= يبغى الوفاء وأصبح مـدان ٍ زيـاده أبا أتمنى وأرفع الصـوت صوتيـن = لـو التمنـي نقـص مـدري نقـاده الله علـى شرشـوح ذود ٍ ملاويـن=أنا أشهـد إنـه رغبتـي والسعـاده هزع ٍ عراقيبـه ودعـج العرانيـن =رثـم ٍ مناعفهـا بيـاض وســواده روس الوبر مثل الحلق نص دورين= وخدودها صورة مصاحـف عبـاده وشعافهـا دور ٍ عليـهـا زمانـيـن =ورقابها تزهـى الجـرس والقـلاده وبعيرها عنه أشكـل البـدو داريـن=معامقـه تحسـب ويحسـب هـداده أدعج حرش لهاف برص البراجيـن= لحيه ورى الشبريـن شيـرٍ زيـاده مانسـبـوه مسمنـيـن الطلايـيـن =ولاطب جـدر العيـر يهبـد قـراده أقصـى مداهيلـه حثـاث ودغانيـن=وأدنـاه مابيـن الجبـل والحـمـاده ومصيافه الطارف شمالـي حضنيـن=ومشاربه حد السهـل مـن سـواده مع سرب زعجولٍ ليا أوحى الغياطين=تلافتـن عجـلات مامـن ركــاده هن الفخر عزوة طـوال الذراعيـن=كم واحـدٍ ينسـى الحيـاة وجـواده من دونهن تسلـم خـزاة الشياطيـن=لا لحـق راعيهـن صعيـبٍ عنـاده يدجر مثل قطنان يوم أقسـم الديـن=علـى عقيـد القـوم شيـخ القيـاده مثله وغيره فـي القبائـل شجيعيـن= في الشرق الأوسط داخله واِمتـداده فيهم دجر مسلـط زعيـم الرباعيـن= دومـة مهـذب شالهـا فـي فـواده عدو الدجر من دون شول ٍ ملاويـن =عـز الأميـر اللـي قديـم ٍ شـداده ماهيب مثـل مدلبسـات الرعاميـن =زهـادة ٍ يابينـهـا مــن زهــاده حدب الظهـور ويابسـات القحانيـن=اللـي نفسهـا لـون روح الجـراده نفس ٍ ضعيفة مـن منـول وذلحيـن=كار العجوز اللـي عليهـا صمـاده ماعاد أصدق مـادح الشـاه مسكيـن=طماعة الحصنـي وشـوك الكـداده ألا ليـا قـال إقلطـوا يالمحيـيـن=وقـدم مفطحهـا سـواة الـوسـاده ماغيرها شـيءٍ بعـده مـن الزيـن=لافتحت الصفحة شرحـت الأفـاده تندى المناخر والمواطـي سكاكيـن= والخشم كنك داعسـه فـي رمـاده بغيت أجي شاوي وأجاور هل الضين=وأثـر الغنـم ماغيرهـم وقــراده تمـت بـجـاه الله رب المصلـيـن=اللي لـه التقـوى وحسـن العبـاده |
رد: من القائل؟ مريض مرض قلب ولا للقلوب علاج####وانا خابر طبي مع البدو وعلاجه |
رد: من القائل؟ حياك يابوحمد ومشكور على ذالبيت ونا بتركه للشباب وذا محد جاوب جبناه وهو من قصيده مشهوره ومن شاعر فحل لم يخدمه الاعلام. |
رد: من القائل؟ كملوا البيت و من قايله :_ يا باغي البكر السناد الرقاقه ...؟؟ |
رد: من القائل؟ ياباغي البكره السنـاد الرقاقـه اللي قليل شكلها ياهـل النـوق دور لبوها في فحـول الرفاقـه خطوى املحِ متنيوطِ كنه ملحوق القائل لااعلم |
رد: من القائل؟ الشاعر ابن جرحب :_ ياباغي البكره السنـاد الرقاقـه اللي قليل شكلها ياهـل النـوق دور لبوها في فحـول الرفاقـه خطوى املحِ متنيوطِ كنه ملحوق الا دبرته فاشح فوق ناقه والا نطحته فالنحر كنه مدقوق اسود تعاوج لا مشى عظم ساقه والخف كنه مدره فيه طابوق لانحل قيده و انزعج بانطلاقه لا كن كرسوعه مع (.......) مبنوق وسلامتكم |
رد: من القائل؟ وانت الصادق قائل الكلمات يارمحان هو الشاعر مبارك بن سالم ابن فراج الجرابعه ويقاله ابن جنحوب لكن شبلاكم تخطريتوا البيت اللي سدحته لكم |
رد: من القائل؟ سفر يا اخيك والله ما هي سفهة لك لكن تحمسنا زياده على اللزوم |
رد: من القائل؟ ابوحمد محد جاوب عطنا الابيات ان كانك حافظها لاهنت |
رد: من القائل؟ مرحبا يابوعبدالله الابيات ماني بحافظها لكن باحاول اجيبها باقرب وقت وقائلها الشاعر الكبير ناصر ال حمده |
رد: من القائل؟ لاهنت ياعلى على الفكرة الممتازه والشكر الاخوان على التفاعل الجميل |
رد: من القائل؟ السلام عليكم ورحمة الله وبركاته من قايل ذا الابيات وابي تكملتها لاهنتو اذا اجتمع كبرن مـــع رق زيني = زين يزيل الهم عن كل مضهود وان بيع منها حوار فك الرهيني = اللي برجله من كبر باسه اقيود على فحـــلها البدو كنهم قطيني = على جبا عد مصادير وورد |
رد: من القائل؟ بيض الله وجهك ولا هنت على الطرح المميز |
رد: من القائل؟ مساكم الله بالخير طوال العمار انا جاني بيت شعر لاعرفت القصيده ولاعرف راعيها واتمنى اللي عنده خبر يعلمنا على الاقل بشاعرها وهذا البيت اللي جاني جمعنا ضرب المخابيط مافله ::::::: الجهل دواج في روس عقاله |
رد: من القائل؟ لا هنتوا من قائل هذا البيت وهل له تكمله على درب ملحاً روحن والديار اوقوت = غدت بالبكار اللي لها القلب ميلافي |
رد: من القائل؟ اقتباس:
مثل ماقال السديري وبالقيض ماركب النضاء مثل صاهود اما بالنسبه لقائل البيت ان شاء الله اجيب لك اسمه ياابوعبدالله |
| الساعة الآن 34 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |