والله انه ازين منع المهجناااات من دخول المزاينات كلها الكبير والصغير لان ذلك في غير مصلحه البدوي

راع المهجنه كأنه يشارك بشعلا ولا باكستانيه لكن( جذبها لون امها) وابوها اما سوداني ولا غيره

على العموم الله يبارك للجميع في حلاله ويرضينا بما رزقنا

مرحبااااااااااااا مليوووووووووون بالجميع وبيض الله وجيهكم على العلوم الطيبه

بيض الله وجهك يامبارك ولاهنت على العرض الطيب

ماشاء الله الفحل طيب وانتاجة اطيب

الله يبارك لراعية الكيرعاني

يالربع عطونا صور انتاج (دسمان) بعير الكرعاني
لان فيه ناس ضربوا عنده العام ولا بعد جتنا علوم الإنتاج
ولا هنتوووو

مساكم الله بالخير ياربع جميعا البكرة صحيح انها على بعير الكرعاني وابن انشير يسند على البايع وممكن ان البائع اخفى الحقيقة والله اعلم ولكن جت بكرة علية عند واحد اعرفه اخت البكرة هذي وبيعت من الطايف ويقال انها بيعت في الرياض قبل اربعه شهور من الان وهي علي\ى بعير ابو فارس وانا عندي قود ولد بعير ابو فارس على حد هذي البكرة ودمتم

السلام عليكم ورحمة الله وبركاته
مساكم الله بالخير يالربع
ونعم بالكيرعاني علمه غانم وبيض الله وجهه ومن جاني يمدحه
بس بستفسر يالربع أنا جاني علم
أن بعيره ينطل زرق وأكدو لي رجالين
هل أحد جاء معكم انتاج على بعيره؟
وسلامتكم

الاخوان الأعزاء مع التحية
السلام عليكم ورحمة الله وبركاته :
جتني الاخبار خلال اليومين ومن رجال ثقات وياتون بالعلم وهي كالتالي :
1- انتج عليه قعود (املح) من ناقة (زرقاء مجاهيم) وعند شيباني صوب الخاتلة .
2- انتج عليه بكرة (زرقاء مغاتير) من ناقة (ملحاء) وعند عتيبي صوب الدوادمي .
3- انتج عليه بكرة (زرقاء) من ناقة (ملحاء) عند قحطاني صوب الفروسية .
4- انتج عليه عند الكيرعاني بكار (زرق) من نوق (مجاهيم) صوب عزبته دون (رويغب).
واتمنى اني قد كفيت في ذا الموضوع وسامحوني على القصور .
وتقبلوا مروري ...

سؤال / 1- الزرق اللى تجي على البعير هل بيتغير لونها الى مجهم في المستقبل وخاصة اذا كانت امها غرابية ؟

مساكم الله بالخير جميعاً
حبيت اشاركم بالموضوع الي عن بعير ابو فارس الله يرزقه منه
انا ضربت عنده العام وانتج عندي بكره سوادء من ناقة فيه من الصهاب شوي والله يرزقنا ويرزق المسلمين اجمعين

ماشاء الله تبارك الرحمن

انا شفت بكره غرابيه من ناقه اقرب للصهاب
بيعت في الطائف ب 150 الف مع امها ووصلت في الرياض 450الف