|
ياجماعة انا سمعت كلام ان الملك خالد رحمه الله هو ادخل الابل الباكستانيه في المملكه السعوديه اي قبل 30 سنة فهذا ليس زمن قصير اكثر من ربع قرن فكيف نثبت نحن ان الابل مهجنة الا ذود وانتم عارفينه مايخفاكم بس سمعت ان ابل فيها سر باكستاني مغاتير قديمة والباكستانية نوعان درجة اولى اللي ظهرها طيب والثانية اللي لها عيز اي ظهرها رديء ودمتم بخير |
في هذه الفترة التي إهتمينا فيه في جمال الإبل يجب أن لاننسى شيئاً آخر وهو المحافظة على خصائص السلالة العربية فهي الأقدر على تحمل الظروف القاسية لبيئتنا. |
لا هنتو يا اخوان ووجهة نظر قد تميل الي الصواب الي حد كبير |
اقتباس:
|
السلام عليكم ورحمة الله بركاته (سوف أدلي بدلوي) أنا مع أن التهجين مافيه أي شي من البعير العربي من الناقة الباكستانية لأن فيه أبل تدخل المزاين وهي ساسها مهجنة من قديم وهي الأن تسابق الريح في الممشى هذا من المغاتير أما المجهم ممشاها ثقيل طبيعي لاكن العربية خطوتها طويله والباكستانية قصيرة أما الدليل في المغاتير فيه ركاب وضح تنتج ثلاث ألوان من (حمر وصفر ووضح ) وهذا ألوان البكستانيات اللي دخلت المملكة قديماً وشكراً |
الأخ حمدان كلامك الأخ على الي مرعي صحيح ولاكن العلابي ماهو بعذروب كافي دام ان الوجه كايف يبي يغني من يشوف عن اي شي أخر الي الرجال الي يبي يدور ويدقق بيض الله وجهك يا محمد لاكن اللوان ماهو مقياس لان هناك ابل قد يكون في جداتها اللوان الي ذكرت اللوان الأبل الي تتكلم عنها من صفر وشعل ووضح وحمر وشقح وهذا موضوع ممتاز اهلها موجودين ويضربون ابلهم في البر والناس اتضرب عندهم ونفس الأنتاج .. بمعني ان ناك كثير من الناس من يقول فلان حاط فحول باكستانيه في مزرعه .. ويطلق تصريحات وهو جالس ببيته حتي ما يعرف فلان اشلون شكله وهذا والله كلام خطير ولو اهل المزاينات فحولهم باكستانيه ومنتجه .....ما شرو باقيام عاليه أبل الجزيره ومقولة ان العرب ضربت من سلالات قديمه كانت موجوده او جت عن طريق اخر .. فهذا امر لا نقدر ان نقطع فيه الشك لان البدوي ... من اول ما يحرص على الفحل الطيب .... كثر ما يحرص انه يفحل ولد الناقه الغاليه على قلبه لو انه شين ولاهو مهم عنده زيان الأبل مثل الوقت الحالي .. حتي انه يتعني انه يضرب من احد او يروح لديار بعيده يضرب عند الناس ............. وبعض الناس الي تكلمت انا عنهم لغايت اليوم موجودين ما يضرب اي فحل ولا يتعني على شان ضراب ولا يهمه مزاين وغيره ولا بيع غالي .. الي يبيه فحل يضرب ويلقح فقط .. واشكر الأخوان على المداخله الجميله |
السلام عليكم ورحمه الله وبركاته00000000حبيت اسال لمزاينات ليش حطت 000ماحطت الا للمحافظه علا سلالات ابل الجزيره مهب علا سلالات باكستان وبعدين المفروظ ان المشاركين يحلفون علا ان الناقه مادخلها جنس ثاني سوا انها مجهم ولا مغتر000000وسلامتكم |
اقتباس:
مع اخوي مسعوود يجب ان نحسن السلاله مهما كانت الوسيله |
موضوع مميز وطرح راقي انا ضد مشاركة الباكستانيه اول الناقه الاجنبيه مع الأبل المحليه اومثل ماتفضل الاخوان وسموها ابل الجزيره بدون تهجين يعني باكستانيه على بطن وظهر اما التهجين فأنا مؤيد للفكره لما لها من ايجابيات على الحلال والبل كلها عطايا الله وخالقها وراحد سواء باكستانيه ولاهنديه ولا امريكيه كلها ابل ويلاحظ ان الباكستانيه دخلت على الخط بقوه وانتجت ونافست وفازت وبيعت بأقيام خياليه شي منها عرف ان فيه اصل باكستاني وشي منها ماحد عرف عنه شي الى الأن التهجين حتى في ابل او مطايا الريس الهجن كان له اثر ايجابي وابدعت والكل يشهد لها وفالأول والاخير مافيه الا توفيق الله سواء تهجين ولا غيره الفكره تعبر عن رائي الشخصي وتقبلوا مشاركتي المتواضعه |
بيض الله وجهك اخ عبدالله حمد هران على الطرح المتزن الخالق الله وحده ولا جاب ذكر التهجين الا لانها تميزت سواء كان هجن ركض او زين. وكما تعلم ان الباطنيات من افضل الهجن سواء زين شكل او حليب او انتاج ركض ويقال والله اعلم انها مهجنة من قديم . |
بسم الله والصلاة والسلام على رسول الله انا لن اتطرق لمشاركتها بالمزاين من عدمه لان موضوع المزاين متشعب وذو ابعاد مختلفه ولا احب الخوض فيه لان المزاينات الحالية ماهي الا اسواق متنقله للبيع والشراء وليست لعرض الانتاج كما سميت وانما سوف اتطرق لعملية التهجين للاسف الشديد اسلوب الرفض لازال الى يومنا هذا موجود فنحن دائما نعتقد ان ما لدينا هو افضل ماهو موجود بهذا الكون الفسيح فما المانع من التهجين للافضل ان وجد!!؟؟ ارجوا من الاخوان عدم فهم ما اوردته بانه مطالبه بالتهجين ولكن ما اريد قوله هو انه اذا كان هناك مواصفات بامكانها ان تضيف للموجود وتحسن منه فلما لا؟؟ يجب ان ننظر يا اخوان الى اصحاب الاغنام الضان النجديه فلم تكون بهذه الاحجام ولا بتلك المواصفات من طول للارقاب او انحناء في الروس من جهة الخشم وبادخال سلالات اخرى عليها تطورت الى الافضل وبلغت اسعارها اقيام عالية جدا ولا ننسى الماعز العارضية والسورية وما لحقها من تحسين في المواصفات نقطة اخيره يجب ان نعرف انه قبل ثلاثون عام يندر ان تجد ناقة مغتر لها سبال الا ما ندر واليوم نجد اكثر ما يلفت انظار الناس هذه الخراطيم فياترى من اين جاء هذا السبال هل فجائة نبت ام ان للتهجين دخل في ذلك ؟ اعتقد ان السعي ورا الافضل دائما مطلوب واعتقد ان الباكستانيات لها محبيها وعشاقها ولو من خارج محيطنى الضيق نعم نحب ابلنا ولكننا لسنا الافضل من وجهة نظر الاخرين على اقل تقدير فلنكن منصفين وتقبلوا تحياتي |
معك يا مبارك المري |
السلام عليكم ورحمة اللة وبركاتة حبيت اني اشاركم في وجة نضري المتواضعة وانا ارغب في المحافضة على سلالة البل العربية صحيح ان الناقة الباكستانية يجيك راسها كبير و لها سبال وكل مافيها كبير لكنها كثيره العذاريب وجمال الناقة يعتمد على مقاييس محدده لكي تصبح من المزايين اذا وجده جميع المقاييس المحدده في ناقة اصبحت من النوادر اذا قلت المقاييس المحدده في ناقة اصبحت عاديه ومن المعروف اذا احد يبي يعذرب في ناقة قال باكستانية واهل النضر والصنف مايرغبونها |
اقتباس:
|
التهجين فيه تهجين بس يتكتمون عليه |
مووضووووع في قمة الرووعه ولا هنت اخوي على طرحه بالمناسبه انا اعرف اهل ابل داخلين المزاين وبعض ابلهم تهجين ولا احد يعرف انها تهجين وهي من اغلى الاابل وعليها اسوام خياليه ولاكن هناك مشكله كما قال اخي ان فدغت الناقه صغيره اخر الراس صغير وفيه ايضا مشكله اخرى انها بطيئة الحركه ولاكن مادام الزين موجود ماعلي من كل هالامووور انصحكم بالتهجين ولكم خالص ودي |
حياكم الله يا اخوان وتبقي لكل شخص وجهة نظر تخصه ورأي خاصه به واشكركم على المرور وعلى المشاركه |
الي يبي لنفسه محد مانع او منعه لا كن ابل الجزيره لها مواصفا تختلف واتوقع دخول الابل الاجنبيه من كل البلدان والموضوع هذا معقد جدا |
أرررررررررررررررررررحب يبن شريه كلن وله قناعته الخاصه فيه ولكن ابسألكم سؤال كلكم تعرفون الحمر هل احد يقدر يأكد ان الحمر كانت سبالها ضافيه قبل اكثر من عشرين سنه او ان عرانينها لها تقويسه طيب احد ملاك الابل طورها وهجنها مع الباكستانيه فاصبحت من خيار الحمر اجرام واوصاف لذلك ابل الجزيره لها مواصفاتها الخاصه والباكستانيه لها مواصفاتها الخاصه وكلن على كيفه اللي وده يهجن واللي وده يحافظ على السلاله حبيت ادلي بدلوي معكم تقبلو تحيات محمد بن جاري |
محمد بن جاري نعم يوجد ابل حمر ومغاتير خشومها طافحه و وجيها محوله والها اكثر من ثلاث ميه سنه |
اقتباس:
وتقبل مروري |
انا من وجهه نظري مع منعها من المزاينات لسبب لانها اذا دخلت المزاينات اثرت على ابل الجزيره (لان اي تقليد ياثر على الاصل) |
لاهنتو على الردود والأخ سالم المري اشكرك على رأيك وهذا وجهت نظرنا كلنا وانت بأسلوبك استطعة ان توصلة بطريقة ممتازة اما بخصوص الحمر والمغاتير والوجيه هذي نعم كانت تملك الوجيه هذي بذكرك كم ذود الاول الرمانات حمر .. إبل إبن الجبعه الدويش ساس الفحل ( رمان ) والي تنحدر مهنا كثير من الأبل الموجوده في المزاينات وإبل شبيب بن غيام المطيري .. المرجانيات .. ولها قصه ان الأبل كانت موجوده في العراق وايام المغازي كسبها الجبلان من أبن مرجان في العراق مرتين تسرح الأبل فتذهب الي راعيها في العراق مرتين من الوفاء الي راعيها ....ألين شريت بالمال وهي حمرو تشارك في المزاينات والعونه من عتيبه لهم فحول حمر طيبه وإبن صاهود وهي على الرمانات .... فحولهم المنتجه كلها حمر وهناك الدواسر ولديهم أبل قديمه بها الشقح والحمر والوضح ولدا كل قبيله في الجزيره إبل قديمه وطيبه والتهجين موجود في الحمر ولا ننكره ولاكن في معروفه |
الاخ بن شرية ولا يهون باقي الاخوة ممكن توضع صورتين مجهم وحده باكستانية والثانية اعربيه حتى يستطيع القارئ التمييز بين اوجه الاختلاف ومكامن الجمال والنقص 0 وبالمره ابااااااااااااااااااارك بالشكل الجديد للمنتدى تحيـــــــــــــــــــــــــــاتي |
حياك اله يا فيصل اشكرك على المرور و واسف يا فيصل بيس لدي صور للباكستانيات ولا احرص على صورهم لاكن موجوده في سوق الأبل بالمنتدي تستطيع ان تقارن |
اتفق مع الاخ فهيد الشهراني في الرد رقم 20 |
مساك الله بالخير يامحمد ولايهونون الإخوان أنا مع الإخوان اللي ما يبون الباكستانيات ولا إنتاجها لأنها لهاموصفات غير مرغوبة عندي خصوصا بالمغتر مابهن صطر ولا يجن سند ولا طفح روسهن الخ من الأمور البينه عند اللي أنتجوها------------------------------------------ |
حياكم الله يا اخوان وانا مع رأيك يا جاسم ويبقا لكل إنسان رأيه الخاص |
موضوع شيق و أنا ضد التهجين لان المهجنة واضحة حتى في المغاتير السنام متقدم و ليس متفهق |
الموضوع شيق وبارك الله فيكم جميع وحوار راقي جدا والمثل يقول لولا اختلاف الاذواق لبارت السلع( البل ) وكلن له عشقه وهواه تحياتي للجميع الشريف عبد المحسن |
لا هنتو يا اخوان على الردود وعلى إبداء الرأي .............وكل رأي يحترم وتبقا وجهة نظر لكل شخص |
صلوا على النبي انا من ناحيتي ماأيد هذه الفكرة اولاً الباكستانية فيها شين ايضاً وعلى سبيل المثال : صغر فقارها كنه فقار الله يكرمكم ويكرم المطية كلــ..... وسبحان الله اي ناقه فيها سر باكستاني يبين فيها وحنا مانبي بعد اللي يدمر حلالنا علشان الرثمة . مافيه ازين من الاصل سبحان الله انا كيف اضرب هلالة ببعير اعجمي >> ينكت خخخخخخخ اخواني الزين عندنا واااااااااجد وفحولنا واااجد وعموقها طيبه ومحدن شاح ببول بعير علماً انه عييييب عندنا وعند العرب بشكل عام . المهم الباكستانية انا نشدت عنها مافيه الا حمر وصفر فقط لاغير فيه قبيلة يقالها البلوشي على حدود باكستان وايران اتوقع عندهم عفر باكستانية كنها رغااااه . خلاصة الموضوع كلن على كيفة وعلى شورة تبي تضرب لو بعير صيني القصير ابو سنامين انت حر وهذا حلالك بس الواحد لازم يملى عينه واذا منتب راعي نظر ترى مهوب عيب تستشيرون يااخوان . شكراً اخوي على الموضوع الذي في الصميم |
الله يعطيكم العافيه على النقاش الطيب وبالنسبه للباكستانيه لها محبيها وهي حلل طيب ولو فيها اختلاف عن ابل الجزيره وبالنسبه للانتاج اللي على قد حاله اذا هجن من باكستانيات بيطلع بنتيجه طيبه والباكستانيه بنسبة 80 بالميه لازم ولدها يأخذ من مواصفاتها وخصوصا الراس وخله ينتج منها مرتين وثلااث بيشوف الفرق واضح بشرط ان تكون مهجنه اي احد الطرفين من ابل الجزيره والثاني باكستاني صدقني بيطلع معه ذود طيب وماعليه من كلام الناس وهذا شي انا شايفه بعيني وموجود وبعدين اهل المزاين طلعوا دعايه على الباكستانيات زايده عن حدها وانا اقول هل الكلام وانا يعلم الله مافي ابلي الا ناقه وحده باكستانيه وبعدين ليش ماتكلموا اهل الهجن في السودنيات اللي كل السبق من انتاجها وبيعت بالملليين مجرد وجهة نضر واحترامي للجميع |
بيض الله وجهك يا عطا الله العطواني كلام جميل والله لايهين الجميع وبيض الله وجيهم جميع فعلن الموضوع شيق ويستحق المتابعه طرح موضوع ممتاز يااخ محمد ابن اشريه المطيري والله والنعم |
السلام عليكم فعلا موضوع مهم جدا وانا ضد التهجين لان ملاك الابل بالوارثه اللي سلالاتها معروفه وعموقها طيبه مستحيل يتم تهجينها وسابقينا الرجال قبلنا البل هد سرورها اي ساسها الطيب وعلى فكره انا اعرف راعي مجاهيم هد فحل مجهم ولما بان انتاجه هناك بكار طلع فيه شامه اي بقعه بيضاء فتخيلوا ناقه مجهم في جنبها رقعه بيضا فلما سال عن عموق الفحل طلع جده باكستانيو الابل الباكستانيه فيها عيوب كثيره ابل رديه ماتحمل ولاهي عجله بالممشا ومالها مصنه اي علباها دقيق |
لا هنتو يا اخوان على الردود وعلى إبداء الرأي .............وكل رأي يحترم وتبقا وجهة نظر لكل شخص |
أنا مع الإخوان اللي ما يبون الباكستانيات ولا إنتاجها لأنها لهاموصفات غير مرغوبة عندي خصوصا بالمغتر مابهن صطر ولا يجن سند ولا طفح روسهن |
الفحل صدام تبع من |
لا هنتو على إبداء الرأي والفحل تبعي انا يا نواف |
~.~ لا هنت وسلمت يمينك ~.~ |
| الساعة الآن 02 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |