|
كلامك ياحمد على الراس وفعلا منطقي ولكن السؤال ...نوادر الابل وين كانوا الناس عنها وليش فجأة ظهر الاهتمام بها من الجميع حاضرة وبادية وهذا الاهتمام والاقبال مايذكرنا بالأسهم واللي حصل فيها ومسألة ان اللي يملكون نوادر الابل تعدهم على اصابع اليد الواحده فيها ونا اخوك نظر |
عفوا اخوي فهد راح اضرب لك مثال كم كانت اسعار السيارات في 86 الجيب تاخذه من الوكاله بأربعين الف الحين ما يقل عن مئه وسبعين الف والمميزات الخاصه بمئه وتسعين وغيرها من السلع على هذه الشاكله اما عن نوادر الابل ابي اسألك كم (دهامه) موجوده وحده كانت عند بن غدير وماتت بعد وكم (تمام) فيه وكم وحيدان. انا معك ان الزين واجد لكن البل النادره اتعدها على اصابعك. فيه زين وفيه نادر وانا اخوك عسى الله يرزقنا وياك بوحده منها. |
اطيب واطيب وجعلها زود دايم والله يجزاهم خير |
الحوار معك اخوي حمد ممتع والله يستجيب دعاك ويرزقنا وياك وكل مسلم الرزق الحلال الطيب ابو عبدالرحمن......................................... آمين |
الله يمتعنا وياك بالعافيه |
الاخ خالد المضياني الاخوه الاعزاء لايمكن بحال من الاحوال مقارنة الابل بغيرها من السلع لان الابل قبل ان تكون للبيع والشراء هي عشق وهوى وارتباط عاطفي وانا ارى ان اسباب ارتفاع اسعار الابل علاوة على تعلق التجار بها هو تمسك اهلها بها وعدم ارخاصها لان التاجر اذا جاء لراع الابل وقال هذه الناقه بمئة الف قال له لا وما انتب حولها حتى ولو كانت الناقه في السوق لا تسوى هذه القيمه مما دفع بهذا المشتري لان يرفع السعر وهكذا 0000هذا من ناحيه اما من ناحية ان اسعار الابل تنزل فانا ارى والله اعلم ان اسعارها في علو لان الناس الان يحسنون الانتاج وكل بكره زينه يتسامع الناس بها وكل فحل منتج يتسابق عليه المشترون بل ان هناك الملايين التي تدفع لفحول يقال انها منتجه ثم تاتي مخيبه للامال 0000 والمشكله الاخرى ان الانتاج في الاونه الاخيره قل فالذود او الابل تجدها ممتازه من حيث الامات الكبار ولكن حين تاتي للحيران والبكار الصغار تجدها اقل بكثير من اماتها وهذا ما يجعل الانتاج قليل ويزيد من غلاء البل الطيبه نعم ان الابل الطيبه سيزداد سعرها اما الابل العاديه والمقاني سينزل مستواها وتعود الابل اما نياق مزاين بالملايين او مقاني ترجع للاسعار العاديه جدا فلن يكون هناك ابل وسط اما مزاين بمئات الالوف او مقاني تقترب من قيمة الذبح هذا والله اعلم |
اطيب واطيب وجعلها زود دايم والله يجزاهم خير |
السلام عليكم أشكر كل من شارك معي سواءً أيجابًا أو سلبًا والموضوع اخذ حقه من النقاش والقارئ للموضوع راح يقتنع باحد الرايين ، ومافيه داعي لزيادة الردود وشكرًا |
بسم الله الرحمن الرحيم مرحبا بالاخ خالد موضوع شيق ورائع حبيت اشارك مع اخواني الي سبقوني في الردود الله يسلمهم البل مهما تكلمنا لان نوفيها حقها بعيدن عن زينها وشينها بل الفوايد السابقه التي ساعدت اجدادنا على العيش في حياه قاسيه والله نصنا لو تعيشه حياتهم مات ماكمل اسبوع يعني الان رد جميل للابل بالنسبه ارتفاع الاسعار يعود لسببين ممكن لهم ثالث ولاكن لاعلم لي به السبب الاول ..الدوله الله يحفظ حكومتنا الرشيده ويطيل في عمر ابو متعب اذا الدوله اهتمت في شيء وحطة عليه العين ابشر بالخير ينقلب رأس على عقب لأن الشعب يحب دولته فيتبع خطاها ففي السنين الاخيره استحدث صاحب السمو الملكي مشعل بن عبد العزيز فكره المزاين ومن ذيك السنه والاسعار فوق واذا زاد سيدي صاحب السمو الملكي مشعل الاهتمام ليزود السعر ويصير فلكي فلكي والعكس صحيح.........ولاكن مشعل يحب البل فأبشرو بالخير الله يطول في عمره السبب الثاني...الأعلام الأعلام اسرع واسهل طريقه الى الشعب لتوصيل الرساله والاعلام اهتم بها فتلاحظ الناس تنورت بالمعرفه من المعلومات المقرؤه والمرئيه وتوسعه دائره المعرفه لديهم وكثر جمهورها اذا كثرو الزبائن بكل الطبقات الي يشترون الرخيص والوسط والغالي لو كان مافيه طبقه وسط لا طاحه اسعر الابل من سنين لاكن كل طبقه ترفع طبقه وبكذا الاسعار في طلوع حتى لو بطيء بعدين الابل لاتدخل في مقارنه و امثله مثل لوحه ومنديل ولاعب وسياره كل الي ذكرتوه عقيم لايتكاثر ولايلد عكس عطايا الله الناقه تجيب والفحل يعمر ومن اسمها (عطاياالله)لهانصيب لانها ليست عالميه بل خليجيه وتجري في دم كل خليجي البدوي يشعر بها والحضري ايضآ بس الحضر يحسون فيها بدون ماتجري في دمهم عذرآ هاذي ليست مسبه بل حقيقه عندي كلام كثير بس اكتفي بهاذا القدر و التوضيح البسيط اكيد دوخت روسكم السموحه اذا جا مني غلط على احد اخوكم بندر البقمي ..............................ابو مطر |
بارك الله فيك اخوي خالد وانا ايضا مع كلام اخوي راشد علما ان هناك ناس باعوا من الركاب الاصايل من الحاجه للماده وليس طمع بالسعر وفيه من الناس ميسورة الحال من شدة غلاه لابله حتى ما يطرى انها للبيع فلازم تلقى عند راعى البل كم ناقه مستحيل انها يبيعها او حتى يعرضها للبيع وعنده شوفتها ابرك من هالفلوس اللى يحطها في البنك 0 |
مدام مافي فتوى تمع هالاسعار ........ نقول البل تستاهل هالاقيام لحبنا لها لكن الاهم من هالامور كلها هم محبي الابل واهلها الاصليين الي علي قد حالهم يشوفون البل الطيبه في وقتنا هذا ....... عند التجار من الامراء والشيوخ وتجار الخرده والسيارات وتجار الاسهم ..... حتى اني سمعت احدهم يقول بلقاء تلفزيوني انا كنت في المانيا ودق علي عمي الله يحفظه وقالي شاريلك ذود طيب تعال خذه !!!!!!!!!!! والثاني مسوين معه لقاء وبنص اللقاء ركب المذيع والكاميرا في يخت سعره ملايين !!! وش جاب لجاب والله اعلم مني ومنكم |
الاخوان ماشاء الله ماخلو لنا شي كلامهم صحيح ويعطيك العافية على الموضوع المميز |
في وجهة نظري ان الارتفاع في اسعار الابل الان غير منطقي لانة لايوجد حتى الان مقيا س لوضع السعر المناسب للناقة فمثلا ابيع البكرة باربعين الف والمشتري يبيعها بمائتين الف على اي اساس قدرالثمن لي وله؟؟؟؟؟؟؟؟ |
مرحبا طال عمرك انل اقول انشالله انها ترتفع ازود وازود وانا اوايد الارتفاع في الابل وسلامتك |
بارك الله فيك أسعار البل ليست غاليه حيث تبدأمن 2000 ريال هذه الحاله العاديه أما وجود ابل غاليه جدا فماهو غريب حتى البساس اكرمكم الله فيها بالملايين الاسعار الغاليه مردها روس الرجال ومحبتهم لعينات مخصصة وهذا حاصل في كل المجالات |
| الساعة الآن 16 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |