|
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا اقتباس:
انا ماعرفك بس كلامك يدل على اان معدنك اصلي والله يباركلك في مالك وعيالك ويطرحلك البركه امييين يارب العالمين |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا السلام عليكم الله لا يهينك يا سالم على طرح الموضوع الي جاء في وقته اولا بيض الله وجيه الرجال الي ترحب بالرياجيل ويقدمون الطيب وما اقول الا الله يعينهم على زحمة الناس وقل الراحه في محلاتهم وبصراحه موضوع مهم وحساس وكثر فيه الكلام وكثرت المشاكل اما من باب منع الرياجيل من البعير انا اشوف انها ماهي طيبه لكن على راعي البعير ترتيب السرا مثلا يحدد ثلاثه ايام بالاسبوع لابله واربعه لاهل السرا لكل واحد ثنتين او ثلاث ظرايب في اليوم لان لو كثرت الظرايب يمكن البعير ما يظرب للي بعده بالسرا والاهم انه ما يهد البعير بالليل في ابله ثم البعير ما عاد يظرب للرياجيل بالنهار لان هذا خداع ومراوغه ولازم تحط في بالك انه بيجيك الطيب والردي والي يقدر والي ما يقدر والصاحي والمجنون وبيجيك الي ناقته مريضه وبيجيك راعي الصعود وبيجيك راعي الخلفه ولازم تخلي واحد من الرعيان مسؤول عن البعير ما يهده ولا يربطه الا هو ويهده الصبح ويربطه قبل المغرب عشان يضرب للي بعده وبيض الله وجهك يا سالم على طرح الموضوع اسمحولي على الاطاله |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا السلام عليكم ورحمة وبركاته . الله يكتب لنا ولكم اللي فيه الخير .. الاخوان كلآ أدلى بدلوه وماقصروا جميعآ وصاحب الموضوع . كتب الموضوع وهو لاهو بغشيم ولاهو بردي انشاء الله .(ولكن لشئ في نفس يعقوب) وأنا أبا أشير لنقطه واحده فقط أن الركاب الطيبه أشهرت رجاجيل غير معروفه من قبل ولاهم بمشهووورين واللى يبي العلم الغانم بيدله وللي يبي غيره فبصره .. ولا ننسى ( رضى الناس غايه لاتدرك). وسلامتكم |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا ماحد معذورالدنيا تبي والاخرة تبي ابل ربعي مع ابلي في الشبك يومين والملقيه نهار اليوم الثالث من الصبح الى العصر وعذره من جنبه . |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا حياك الله اخوي سالم زبدة الهرج نيشان تـــــــــجـــــمـــــــــــل وتـــــــــحـــــمــــــــــل ولا الـــــــــــــــــــــــــــــــــــــــــــشــــ ـــــــــــــــــــــــــــــــــــــده والله يكون بعونك |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا اولا نشكرك على الموضوع الرائع أخوي سالم وانا مع كلام اخوي فهاد والرابح الي يدعوله العرب ويدهلون محله وفي الاول والاخير هو بول بعير الله يكرمكم وتقبلوا تحياتي |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا ههههههههههههه صدناك احجزلي فسراء سهله ياسالم اشتر بعير ثاني او جبلك مختبر وتلقيح صناعي ولى تحمل الي بجيك وتجمل ومنت بنادم |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا مرحبا يا سالم ( الله يرزقك بالفحل الطيب وانت كفو له ) موضوع في قمة الروعه الله لا يهينك وموضوع حساس جدااااا بإختصار شديد الامور هذي ما يتجمل فيها الا الرجل الكايد السنافي اما الرجل الاخر ما عليه اعتماد ولا عليه شره فقط وما اقدر ازود على فهد العجمي ولك جزيل الشكر . |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا السلام عليكم البعير الطيب ما أحد بسايق أبله عليه مسيان لذلك خل أبلك تفلي الضحى والبعير يضرب للرع والليل هده في أبلك وقبل الفجر اربطهللمسلمين اللي بيجون يبون بعيرك وودك أن راعي البعير يحرص على اللي بيجي له ويشوف أبله اللي يحس أنها مصعد والا توها والد يكلم راعيها ويقرعها من بعيره والتنظيم لأهل الركاب المنتجه مهم جدا والرجال أن أصلح نيته والله أن يرزقه ربي واتلاقح أبله كلها بمشيئة الله وأبل اللي حوله بس أبو النفس الدنيه والله أن تبطي أبله حيل |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا حياك الله اخوي سالم علم الحيا والطيبين يبين كلامي باختصار وش رايك في الرجال الى انقدو عليه عيال عمه با سباب الضراب اذا جو يضربون قال لا احد يضرب البعير الا لين اجي وهو الى يشمل البعير لا وبعد يمسك خشم الناقه على اساس ما تعض البعير ورجال جانا العام وهو شاد والبعير توه ظاهر من السراء قال ابي اضرب با البعير وقلنا له البعير توه ظاهر من السراء اضهر المسدس من الدرج وقال اتخلوني اضرب ولا لا ؟؟؟؟ وبعض الرجاجيل اذا جيته بعيره منتج لاكن نفسه خايسه ويوعدك بكره واذا جا بكره سقت ابلك صوبه مسافة 6 الى 7 كيلو وقال السوداني كلم ابو فلان صاحب البعير تدق عليه جواله مقفل ولا ما يرد عليك !!!! كيف يبى الشهره لبعيره وهذا اسلوبه والله يا سالم لو اتكلم من اليوم الين بكره وبعده ما نفع الحكي بالمختصر المفيد الى ما يبي يهد بعيره للمسلمين يتعذر لهم باسلوب طيب وحسن وهذا من حقه اما انه يوعدهم ويسحب عليهم هذي ميب من شيم الرجال اسف على الاطاله خذ من كلامي الى يجوز لك والباقي احذفه في البحر <=( المقصود با الكلام اللي يرد الناس ) وانت منت راد احد اقتباس:
|
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا وعليكم السلام اخوي / سالم اما من ناحية البعير فهذا بعيرك وانت ابخص بألبعير لان (( غاية الناس لا تدرك )) اما عن الاسئله اللي طرحتها وتبي الاجابه عنها س/ السؤال الأول هل علي أثم في هذا الشئ وهل فيه دليل شرعي يثبت ذلك مايجوز منع الماعون لان البعير صار ماعون لناس من الناس من ينتفع منه {أَرَأَيْتَ الَّذِي يُكَذِّبُ بِالدِّينِ (1) فَذَلِكَ الَّذِي يَدُعُّ الْيَتِيمَ (2) وَلَا يَحُضُّ عَلَى طَعَامِ الْمِسْكِينِ (3) فَوَيْلٌ لِّلْمُصَلِّينَ (4) الَّذِينَ هُمْ عَن صَلَاتِهِمْ سَاهُونَ (5) الَّذِينَ هُمْ يُرَاؤُونَ (6) وَيَمْنَعُونَ الْمَاعُونَ (7)} سورة الماعون س/ السؤال الثاني هل يلحقني ملام الرجال وتشوفون لهم حق يسبوني في المجالس وأستحق هذا الشئ لاني منعت الناس من الضراب على بعيري اللي هو ملكي شي اكيد يأبو محمد الرجال تسب لو في اقل الامور لان كل رجال يبيك تسنعه واما من ناحية ملامه فهي ملامه ولكن من يقول للحاج اوقف س/ السؤال الثالث ماهو الحل في نظركم وهل هناك طرق ترونها مناسبة افتك من خلالها من اللسنة وعيون الرياجيل واتجاوز الاثم إذا كان فيه أثم!!! الحل اذا كان ماتبي الناس تضرب من بعيرك فا عليك انك تشتري بعير وتخليه سبيل لناس تستنفع منه او انك تهد بعيرك في ابلك لين تخلص انت لانك انت اولى الناس في حلالك وبعدها . تنظم لهم جدول يعني في اليوم يضرب على قدر مايضرب البعير من نفسه لاتجبرهـ على شان مايضر البعير وخير الكلام ماقل ودل والله لايهينك يأبو محمد ارجو تقبل مروري بكل صدر رحب اخوك / نواف السليس |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا موضوع في غاية الاهمية وتشكر عليه اخي الكريم المشكله فيه ناس على ماقالو بيون يكحلونها ويعمونها يدرون ان الناس بيتكلمون عليهم ويذمونهم اذا منعو من الضراب ويتصرفون مع اهل الضرايب تصرفات عجيبه مثل الي قال اخوي فيصل الحقباني عن صاحب الفحل الي ما يضرب الواحد ناقته الا بوجوده شخصياً وهو الي يشمل البعير ويمسك خشم الناقه لا تعض البعير . هذا احد الاساليب المنفره لأهل الضرايب وهو تصرف غير لائق من صاحب الفحل وينعكس فعله عليه وعلى سمعته والمفروض انه يمنع الناس بطريقه واضحه وصريحة ولا يسوي هذي التصرفات الغير لأئقة وغيره الكثير . وهناك ناس تعكس صورة حسنه عنهم وعن قبيلتهم بالتصرفات الجميلة مع الناس ومن ضمن المواقف فيه شخص يقولون انه عنده فحل منتج من الدرجه الاولي والي يضرب عنده يدعي له في البركة ويقول عسى الله يبارك لك في ناقتك ويرزقك انتاج افضل من الفحل وبناته , واشكر اخوي غازي الشريف على تكرمه ودعوته للأخوان للضراب والله يبارك له في حلاله وماله ويجزاه خير الجزاء ونعم الرجل والكلام يطول في هذا الموضوع الهادف واترك الفرصه لأخواني للحديث في هذا الموضوع , تحيااااااااتي للجميع ,,, |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا تبي الأجر والعلم الطيب بين الرياجيل لا ترد احد |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا حياك الله اخوي سالم شف جعلك تحيا انت من ارجال ماهوب رديني وتتسابقون على العلوم الغانمه زبدة الهرج وانا اخوك خذه مني و الاعضاء ماعليهم اقصور اعطوك اكثر من طريقه ولكن الطريقه الافضل و الاريح لك 1- هد بعيرك على ابلك في اواخر شهر عشره عشان يمديك تشوف وش الى عشرت والي ما عشرت 2- اذا كلموك اهل الضرايب عطهم مواعيد في اواخر شهر 11 3- المواعيد عطهم بالارقام و الساعه واليوم عشان ما يتعب البعير وعلشان يكون عندك فرصه للتواجد عند بعيرك 4- اشرط على اهل الضرايب ان يجب ناقتين او ثلاث عشان السراء طويل واهل الضرايب واجد عندك 5- حاول انك تترك يومين تريح فيها البعير . 6- ضروري جداً جداً جداً تحط لك شبك خاص للضرايب بعيد عن ابلك اقل شي 100 متر . وهذا الله يوفقك ويكتب اجرك وهذي هي الطريقه الي حنا نسويها في حلالنا و مع اهل الضرايب نعطيهم مواعيد بعد ما نهد البعير في ابلنا عشان نرتاح اما الملام ان شاء الله ماهوب لاحقك ملام ولكن من بغى العلم الطيب عينه...... تقبل تحياتي ... |
رد: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتا اانا ماااااااااااااقدر ارد على اسئلتك اخوي وانا ماكان منعت ابن امه بخلي المسلمين يعينون خير ولاانا معين شر الا بعين السمعه الطيبه وقولة بيض الله وجهه ولا جزاه الله خير وانا كان حطيت شبك وكل رجال يدخل ناقيتين والمساء كله عندي |
| الساعة الآن 51 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |