المشاركة الأصلية كتبت بواسطة ناصر اليامي (المشاركة 298120)

مرحبا ومسهلا حياك يالقرني
لا يا عالي البل الكبار اذا تطرقت ايديها تكوى لاكنها ما ترجع طبيعيه يستوي شوي . ويلاحظ انها متطرقه اذا سارت .
والحاشي اذا لاحظت عليه بداية تطراق يعني صار خفه زايغ شوي رشه بنزين احمر كل يوم يساعده على شد اعصاب يده ,
واذا ما فاد فيه البنزين يكوى على رصرص يده ( فوق الخف ) مطرق ( ـــــ ) يمين ويسار وقدام و ورىوتنزل من المطرق اللي ورى شي بسيط ( يعني تنزل من آخر المطرق يسار خط بسيط )
وهذا الكي يفيد في الحوار ( مفرود حق لقي ) اذا كان التطراق توه بادي فيه .

واذا كان التطراق تمكن منه يعني يستقيم الحوار على ساقه وتلقى خفه منعطف وااااجد ..
يكوى حلقتين داير ما دار فوق خفه
الحلقه الاولى تكون داير ما دار عليه ما تنفصل .
والحلقه الثانيه تكون تحتها بــ 2 سانتي وتكون متصله من روى ومن على الجوانب ويقطع بينها منسم الخف . يعني اذا جيت منسم الخف ( وسطه من قدام ) اقطع الحلقه يعني تجي دايره ماهي بكامله .
وهذي الطرق مجربه طال عمرك وتشافى المطيه بعدها باذن الله .

المشاركة الأصلية كتبت بواسطة بخيت البريدي (المشاركة 330192)

ياصاحب الموضوع هاذا العلم الاكيد عطاك اياه اليامي اذا انت تبغي الحل اخذ الحل الاكيد والمجرب